Aisaya 25:1 - Yennu Gbouŋ Mɔɔr

¹ Yennu, fine tee n Yomdaanɔ, n saa tura baakir ki dont a sann. A tun yaarlituk toonawa; a gbeen lora nba ki a din lor sianyoo nawa.

Aisaya 25:1 ပူးပေါင်းရင်းမြစ်များ

Yaŋ 111:4

Yennu ki te ki ti tammit u yaarlituk toona po; u mɔk burchint nan ninbatinu.

Yaŋ 118:28

Fine tee n Yennu, ki n teena niipoouk. Fine tee n Yennu, ki n saa mɔɔnt a yabint.

Yaŋ 145:1

Yennu nba tee n kpanbar, n saa mɔɔnt a yabint; n saa tura niipoouk mɔkmɔk nan mɔkmɔk.

Yaŋ 146:2

N saa dont ŋɔɔe n manfoor kur ni; n saa yin yaŋ ki tur Yennu-e.

Yaŋ 31:15

N sii yɔɔ be a nuu ni, ki a fatin n datai boor, ki bia fatin binba waan a bin biirin na boor.

Yaŋ 40:5

Ti Yomdaanɔ Yennu, a tun bona bonchiann ki turit; sɔɔ ki be ki tee nan fin na. A lor lorŋana bonchiann ki jiin ti po. N kan fit kan li kur, li yab bonchiann.

Yaŋ 40:6

A ki loon maruŋ nan piinii, a ki boi bonkobit mujoonu maruŋ po, koo maruŋ nba saa nyinn biit po, ŋaan a turin tubae a man gbiint a mɔmaan.

Yaŋ 46:10

ki yet a, “Nyikin kɔnn man, ki bann nan mine tee Yennu, ki saa la dontir digbana kur ni, ki bia saa la dontir tingbouŋ kur po.”

Yaŋ 75:2

Yennu yet a, “N senn buut yooe, ki saa bu nan barmɔnii.

Yaŋ 78:4

Ti kan bɔr ti waas maan maŋi, ti bia saa wann maaru nba waa ki jiin bakitnauŋ toona nba ki Yennu tun, nan u paŋ na po.

Yaŋ 89:1

Yennu, n sii tun yiin yaniie ki jiin a lomm nba kaa gbennu na po. N saa jii mɔbe ki mɔɔnt a barmɔnii binbeŋ po, maaru n tuu maaru kur ni.

Yaŋ 98:1

Yinin yanpaanii ki tur Yennu, kimaan u tun bakitnauŋ toonawa. U jii u tiɔŋ yiikoo nan kasii paŋe ki nyann nyannu na.

Yaŋ 99:5

Ii dont ti Yomdaanɔ Yennu man; ii jiantɔ, u naangbouŋ boor. U tee kasii daanɔe.

Nyinu 15:2

Yennu-e tee paŋ daanɔ nba kɔn n paak. Ŋɔɔe tee wunba tinnin. Ŋɔɔe tee n Yennu, ki n saa dontɔ, ŋɔɔe tee n baa Yennu, ki n saa yin yaŋ ki jiin u yabint po.

Aisaya 11:5

U saa dia u niib nan mamɔmm nan binbenŋaŋ.

Aisaya 12:1

Yoo baat ki niib saa yin yaŋ a, “N dontira, Yennu. A wutoor bo doo n paake, ŋaan mɔtana a maan n para, ki a wutoor bia ji ki do.

Aisaya 26:13

Ti Yomdaanɔ Yennu, siabe tuu diat, ŋaan fin kuukɔɔe tee ti Yomdaanɔ.

Aisaya 26:8

Ti waa a loomme, ki teen ti dindann a ni. A kuukɔɔe ki ti loon.

Aisaya 28:29

Yanfoon na kur nyii Yabint Yennu boore. Yennu nba lorin u lora nba kur tee subinii lorae, ki li laat nyannu.

Aisaya 40:27

Israel teeb, bee ki i burin a Yennu ki mi i daamii, koo u baka kaa nan yaa ki laat mɔnii na po?

Aisaya 46:10

Pinpiik ni, n din yet linba tan saa tumewa, ki wann linba tan saa teen, ki yet nan n lora kan ban gbar tumu; n saa tun linba kur ki n dukin nan man tuma.

Aisaya 46:11

N yi jasɔɔe, maa wun nyii yondo po ki baar. U saa baar nan kanbiɔk nba tuu sik nae, ki n lor na n gbee. Mine pak na, ki li lek saa tuma.

Aisaya 49:4

Ki n jiin a, “N tun toonn-a, ŋaan dindann kaa. N nyinn n paŋa ŋaan ki la siara nyɔɔt.” Ŋaan n saa teen Yennu-e yada ki wun sommin n toona ni; u saa pan, n toona paaka.

Aisaya 49:5

Bi din tan maarin na ki sɔɔ Yennu gannima, u teenin u toontunnɔe a man jen nan u niib nba tee Israel teeb ki yat na. Yennu-e teenin baakir, n paŋ nyi u niŋe.

Aisaya 61:10

Jerusalem kpamm linba ki Yennu tun na paake. U tee nan pooyookir nba tuu lia tiat ki teen siir nan chiann nae. Yennu-e turɔ tinnu nan nyannu.

Aisaya 7:13

Li yoo na ki Aisaya jiin a, “Kpanbar Defid yaaboona, gbiintir man. Li ki ŋan ki a te ki nisaarii n di sukuru ki miat. A saa bia te ki Yennu n di sukuru ki miata-a?

Joel 2:26

Mɔtana, i ji sii mɔk jeet bonchiann ki di gboot, ki i saa pak dont min i Yomdaanɔ Yennu sann, wunba tun bakitnauŋ toona ki turi na. Ki yimm, n niib, ji kan ban di fei.

Nikant 23:19

Yennu ki tee nan nirɔ na kaa, ki saa faar faaki, koo ki tee nan nisaarik bik na, ki saa lebit u dudukiti. Linba kur ki u senn mɔsonn, u tuu tume. U yeen, ki li tuun.

Efesus teeb 1:11

Yennu tuun siar kur u dudukit nan u lora nie, ki gannit a tii tee u niib, nan u bibikit nba tee biaŋinba pinpiik niwa na.

Fiitu 15:3

ki bi yiin yaŋ nba ki Yennu toontunnɔ Moses din tuu yiin na, nan Pegann na yaŋ a: “Ti Yomdaanɔ Yennu nba mɔk paŋ kur, a toona tee toonjaana nba yaar litite, a sɔnii took ki bia tee barmɔnii. Fine tee nibooru kur Kpanbar.

Fiitu 19:11

Li poorpo ki n la ki Yendɔuŋ loot, ki taanpeeŋ see leŋ, ki wunba jakɔ na sana tee Nimɔnɔ nan Barmɔndaanɔ; ki u bu buut nan li barmɔnii, ki bia tookit tɔbii nan barmɔnii.

Fiitu 7:12

ki yeen a, “Mamɔmm, paku nan dontir nan yan nan niipoturu nan baakir nan paŋ nan yiikoo tee Yennu yare mɔkmɔk nan mɔkmɔk. Mamɔmm.”