Aisaya 24:14 - Yennu Gbouŋ Mɔɔr

¹⁴ Binba tinn tan saa yin yaŋ nan parpeenn. Binba be yonbaa po na tan saa pak Yennu yabint nba tee,

Aisaya 24:14 ပူးပေါင်းရင်းမြစ်များ

Aisaya 25:1

Yennu, fine tee n Yomdaanɔ, n saa tura baakir ki dont a sann. A tun yaarlituk toonawa; a gbeen lora nba ki a din lor sianyoo nawa.

Aisaya 26:1

Daar baate ki niib maŋ tan saa yin yaŋ na Juda tiŋ ni a: Ti doo mɔk paŋ. Yennu tiɔŋo guu li joona.

Aisaya 27:2

Li daar, Yennu saa pak jiin u kpaŋamm na po a,

Aisaya 35:10

Bi saa baar Jerusalem nan kpinkpammuko, ki yiin ki hoot nan parpeenn. Bi sii yɔɔ be parpeenn nie, ki nyi parbiir nan yanyêtuk ni yaayoo siiyoo.

Aisaya 35:2

Kunkoouk na saa yin yaŋ ki hoot nan parpeenn; li saa faŋ nan Lebanonn kunkona nae, ki bia sii kpai nan Kamel nan Saronn sarwaat na. Sɔɔ kur saa la Yennu fant, ki la u yabint nan u yiikoo.

Aisaya 40:9

Jerusalem teeb, ii do jɔfoouk paak ki saa mɔɔnt barŋanii na. Sayɔnn teeb, yiint nan kunkɔsaakar, ki mɔɔnt barŋanii na. Pakin, ki daa tiin jaŋmaanii. Betir Juda doi na, a bi Yennu baat.

Aisaya 44:23

Sanpaak, ii hoot nan kpinkpammuk. Tingbouŋ, ii hoot. Kunkona nan fɔɔr ni tiik kur n hoot nan kpinkpammuk. Yennu tinn u niib Israel teebe, ki li wann u yiikoo nba tee.

Aisaya 48:20

Ii nyi Babilonn kii saa i yamani; Ii hoot nan parpeenn ki jiin barŋanii maŋ po, ki ŋaan sɔɔ kur n gbat siar kur boor a, “Yennu tinn u toontunna Israel teeba.”

Aisaya 51:11

Faa tinn binba na saa baar Jerusalem nan parpeenne, kii yiin kii hoot nan kpinkpammuk. Bi sii yɔɔ mɔk parpeenne, ki saa nyi parbiir nan yanyêtuk ni.

Aisaya 54:1

Jerusalem, a tee nan poo nba ki mar nae, ŋaan mɔtana a saa fit yin yaŋ kii hoot nan kpinkpammuk. Mɔtana a sii mɔk waas bonchiann ki gar poo nba ki u sɔrɔ ki ban nyikɔ.

Aisaya 60:5

A saa la linba na ki gbee nan kpinkpammuk. Parpeenn saa jek a gbanu. Bi tan saa baar nan digbana mɔkint ki tura. Bi mɔkint saa nyi mɔkgbeŋir pootir ki baar a boor.

Jeremaya 30:19

Niib nba be leŋ na saa yin dontir yaŋ, ki hoot nan kpinkpammuk. N piisin saa te ki bin pɔt, ki bia turib baakir.

Jeremaya 31:12

Bi saa baar ki yin nan kpinkpammuk Sayɔnn kunkonn paak, ki bi para sii mei n piinii paak, ŋanne tee jeet nan tilɔɔna daan nan kpan nan bonkobit. Bi sii tee nan kpabik nba ki bi maantir nyun fanu nae, bi sii mɔk linba kur ki bi loon.

Jeremaya 33:11

fuut nba tee parmaasir nan parpeenn yar, ki poochianu jaamm kpinkpammuk fuur sii fu. I sii gbia niib yiin yanii, yoo nba ki bi baat nan niipoturu piinii a bin turin jiantu ŋasaakak ni na, ki bi sii yiin a, ‘Turin Yabint Yennu niipoouk, kimaan u ŋan, ki u lomm kaa gbennu.’ N saa te ki tiŋ na n mɔkit nan laa din tee na. Min Yennu-e pak na.”

Jeremaya 51:10

Yennu yet a, “N niib na hoot a, ‘Yennu wann nan timme mɔk mɔnii. Ŋaant ki tin saan pak niib nba be Jerusalem na, ti Yomdaanɔ Yennu nba tun linba.’ ”

Sekaria 2:10

Yennu yet a, “Ii yiin yanii nan parpeenn man, Jerusalem teeb. N baate a mii be i boor ni.”