Aisaya 24:11 - Yennu Gbouŋ Mɔɔr

¹¹ Ki niib mɔ sɔnjot ni, kimaan daan ji kaa. Parpeenn kpan mir bote tiŋ na paak yaayoo siiyoo.

Aisaya 24:11 ပူးပေါင်းရင်းမြစ်များ

Yaŋ 144:14

Ŋaant ki ti bonkobit n pɔt bonchiann, ki daa miin, koo ki kpenni. A daa te ki parbiir mɔŋ be ti doo sɔnii ni.

Barjokit 31:6

Dapaarin tee niib nba kpenn koo ki be parbiir ni na yare.

Aisaya 16:10

Sɔɔ kaa ki mɔk parpeenn tinŋaŋ na ni mɔtana. Sɔɔ ki hoot koo ki yiin yaŋ kpaant na ni. Sɔɔ ki mat daan tilɔɔna leŋ, a wun teen daami, parpeenn hootii na gbenna.

Aisaya 32:10

I gboo mɔtanawa, ŋaan binn po nna yoo, i para saa biir, kimaan daan tilɔɔna sii kaa ki i saa tɔkirii.

Aisaya 32:13

ki kunkonii nan jagotuk ji pia n niib tiŋ ni. Ii mɔ ŋei nba kur ki niib din mɔk parpeenn li paak na, nan doo nba din gbee nan parpeenn na paak,

Aisaya 8:22

koo ki nut bi ninbina tiŋ ni, ŋaan bi kan la siar, see daamii nan bunbɔnn kɔɔ, bunbɔncheenn nan jaŋmaanii nba ki bi kɔɔ na ni.

Aisaya 9:19

Yabint Yennu wutoor nba doo na paak, ki u tubdatu na di nan muu na tiŋ na kur po, ki kpi niib maŋ, sɔɔ kur gbaa a wun tinn u mɔŋe.

Jeremaya 14:2

“Juda mɔ kpemɔniie, kimaan u doi kpenne, ki u niib dɔɔ tiŋ ni nan yanyêtuk, ki Jerusalem mɔ ki loon sommir.

Jeremaya 46:12

Digbana gbat i fei dinu powa, sɔɔ kur gbat ki i mɔ. Jayenɔ tuu gbiat u lɔɔe, ki bi banlee n kpab baa.

Jeremaya 48:33

Parmaasir nan kpinkpammuk ji kaa Moab nba tee tinŋaŋ na ni. N te ki daan nyik tootu daŋaaboora, sɔɔ kaa ki sii tee daan ki hoot nan kpinkpammuku.

Hosea 7:14

Bi ki mein nan bi para kuri, ŋaan baa birin tiŋ ni, ki hoot nan binba ki waan na nba tuun biaŋinba na. Ki li-i tee ki bi miarin jeet nan tilɔɔna daan yoo nba, bi tuu ŋma bi mɔŋe nan tingbann mannteeb nba tuu tee biaŋinba na. Bi tee tubkangbatae.

Joel 1:12

Li daan tiinii nan kinkanii na suura, li tilontii kur suur ki kpowa, ki niib na parpeenn gbenn.

Joel 1:15

Yennu daar na pera, ki tee daar nba ki Yabint daanɔ maŋ saa baar nan biiru. Daar maŋ sii tee bonbilankante.

Barŋanii nba ki LUK din sɔb nae na 16:25

Ŋaan ki Abraham yetɔ a ‘N bik, tiat faa tuu be a manfoor ni na, a tuu mɔk bonŋanae, ŋaan Lasarus mun mɔk bonbiit. Mɔtana u be u yamanie nna na, ŋaan fine ji be biak ni na.