Aisaya 23:1 - Yennu Gbouŋ Mɔɔr

¹ Mɔmaan na jiin Taya doo poe. Ii kurii nan yanyêtuk, yimm nba nyii ki be mɔkgbeŋir paak, ŋarint ni na. I doo Taya biira. Li ŋei nan siaminba ki ŋarint see na tee langbente. Yoo nba ki i ŋarint na nyii Saiprus tiŋ ni ki jent nae ki i gbat maan na.

Aisaya 23:1 ပူးပေါင်းရင်းမြစ်များ

Pinpiik 10:4

Jafann bonjai din tee Elisa, nan Speenn, nan Saiprus, nan Rodes.

1 Kpanbara 10:22

U din mɔk ŋarint, ki u ŋarint nan bat Hiram ŋarint lakin tuun. Ki bina ŋantaa kur ŋarint na din tuu jen nan salimmɔna nan salimpeena nan loobnyana nan kpataa nan waaniie.

1 Kpanbara 22:48

Kpanbar Jehosafat din kpeer ŋarinte, a bii saa Ofir tiŋ ni, kii jikit salima, ŋaan bi ŋarint maŋ din biire mɔkgbeŋir ni, Esion-geber boor, ki gbar saanu.

1 Kpanbara 5:1

Taya kpanbar Hiram poŋ din tuu tee kpanbar Defid yɔɔkewa. Waa tan gbat nan Solomonn dii u baa Defid naan yoo nba, ki u tun u taatara Solomonn boor.

2 Barkperii 9:21

Kpanbar Solomonn ŋaruŋ nan kpanbar Hiram ŋaruŋ din lakin tuune ki saa banfɔka. Bina ŋantaa kur, ki bi jent nan salimmɔna, nan salimpeena, nan loobnyana, nan kpataa, nan waanii.

Yaŋ 48:7

ki lian nan wonpaaruk nba tuu tut ŋaringbeŋa ki li lian biaŋinba na.

Aisaya 15:8

Mɔŋ doe Moab kpaar kur po. Li gbia Eglaim nan Beer Elim doi ni.

Aisaya 2:16

U saa te ŋaringbeŋa nba kur tee ŋarinŋana na n kpii.

Aisaya 23:12

Sidonn doo, a parpeenn na gbenna, ki a niib ji di biak. Bi-i lekii chiar saan Saiprus ŋaan bi kii be bi yamani.

Aisaya 23:6

Ii kurii nan yanyêtuk man, yimm Fonisia teeb. Yabit ki chiar saan Speenn tiŋ ni.

Aisaya 24:10

Doo na ni bont kur ji be ŋmatir nie, ki niib be bi ŋei ni, ŋaan kpar gana bi mɔŋ paak, a bin tinn.

Aisaya 60:9

Li tee ŋarint nba nyii banfɔkae, ki kpent nan Yennu niib. Bi dia salimpeena nan salimmɔna, a bin tur Yennu sann baakir; ŋɔɔe tee Israel teeb kasii Yennu nba te ki digbana kur teen u niib baakir na.

Jeremaya 2:10

Saant yonbaa po, ki baar kunkonn doo nba foo nyun ni, ki bi yi Saiprus na, ki tun sɔɔ yondo po, Kedar tiŋ ni. I saa la nan linba na booru daa ki ban tun kaawa,

Jeremaya 25:15

Ki Israel teeb Yomdaanɔ Yennu pakin a, “Daŋmaŋe na, ki li gbee nan n wutoor. Jiin ki saan nann digbana nba kur ki n tuuma na niib boor, ki te bin nyu ŋmaŋ maŋ ni.

Jeremaya 47:4

Yoo baar nan bin biir Filistia-wa, ki pot sommir nba ki u tuu laat Taya nan Sidonn boor na. Min Yennu-e saa biir Filistia teeb na; ŋamme tee binba kur nyii Kret mɔkgbiɔŋ po na.

Esekiel 26:1

Baa din soor kpanbar Jehoyachinn nan tisiab, ki teent yommii, ki saan nant Babilonn na, li bina piik nan yenn ni, li ŋmaasinsinn pinpiik daare, ki Yennu pak nanin a,

Esekiel 26:2

“Nisaarik, Taya doo niib na yiin yaniie ki kpamm, Jerusalem biiru paak. Bi hoote ki yeen a, ‘Jerusalem baawa. Li tuu tee digbanjaann nba tee kpinkpouŋ boore, mɔtana doo na baawa, ki ti saa gaar u setu.’

Esekiel 27:30

Ki bi kur mɔ fabin a po, ki pukin tanbiinii bi yura paak, ki dɔɔ birin tanpent ni.

Esekiel 27:6

Bi nyii nan tijakpera Basann doo ni, ki ŋamm ŋarinkandaat, ki nyii nan langbeŋ daat Saiprus doo ni, ki kpaa tiŋ po, ki faŋir nan loobnyana.

Daniel 11:30

Rom teeb saa gbee ŋarint ki baar kɔn nanɔ, ki jaŋmaanii saa soorɔ. “Ki u saa donn wutoor, ki koor a wun biir Yennu niib Yenjiantii. U saa gaar niib nba yêt Yennu sennu na kpaaniie.

Jona 1:3

Ŋaan Jona din chiar gaar gann poe, a wun bɔr ki Yennu daa laatɔ, ki saan digbansiar ki bi yir Jɔpa, ki saa la ŋaruŋ ki li saa doo nba sann tee Speenn na. Waa din la ŋaruŋ maŋ, ki u pa kɔɔnu likirii ŋaan kɔɔ, ki dukii wun saan Speenn ki saa bɔr.

Nikant 24:24

Fat-teeb saa nyi Kitim ki baar nan burgbeta; bi saa kɔn nyann Asiria nan Eber tinii, ŋaan bi mɔŋ tan saa boonte ki kpakin yann.”

Barŋanii nba ki LUK din sɔb nae na 10:13

“Li sii bi yimm Korasinn teeb paak; li sii bi yimm Bef-saida teeb mun yaa paak; kimaan mi-i bonni tun bakitnauŋ toonjaana Taya nan Sidonn doi ni nan maa daan tun i doi ni na, bi bo saa nyik bi toonbiite yiama, ki lia soot nba tee bonsisiɔk, ki puk bi mɔŋ tanpent, a lin wann nan bi nyik bi toonbiit tumue.

Joosua 19:29

ki ŋmat saan Rama, ki gar baar digbann nba mɔk joonjouk, ki bi yir Taya na, ki ŋmat saan Hosa ki saa dian Sinsuuk ni mɔkgbeŋir na. Li digbana din tee Mahalab nan Aksib