Aisaya 2:4 - Yennu Gbouŋ Mɔɔr

⁴ U saa ŋamm barii nba be digbanjaana sinsuuk ni na. Bi saa jii bi takoobii ki kur sɔkit, ki jii bi kpana ki kur gɔtit. Digbana ji kan ban saan tɔbu, bi kan ban teen tɔb siiri.

Aisaya 2:4 ပူးပေါင်းရင်းမြစ်များ

Yaŋ 110:6

U saa bu digbana buut, ki te ki nikpeena lar tɔb ni; u saa nyann kpanbara tingbouŋ na kur po.

Yaŋ 46:10

ki yet a, “Nyikin kɔnn man, ki bann nan mine tee Yennu, ki saa la dontir digbana kur ni, ki bia saa la dontir tingbouŋ kur po.”

Yaŋ 46:9

U te tɔbii gbent tingbouŋ na kur po, ki kɔnii tɔrbana, ki jintir kpana, ki bia jokit naagbankɔŋa muu,

Yaŋ 82:8

Yennu, setir ki bu tingbouŋ na buut, kimaan digbana na kur tee a yare.

Yaŋ 96:13

yoo nba ki Yennu saa baar a wun dia tingbouŋ na. U saa dia durinya na niib nan mamɔmm nan ŋante.

Aisaya 32:17

Sɔɔ kur nba sii tuun ŋant na paak, parmaasir nan yent-n-mɔŋ sii yɔɔ be-e.

Aisaya 32:18

Yennu niib saa nyi daamii ni, ki bi ŋei sii be fanu nan parmaasir.

Aisaya 33:22

Ŋarint maŋ bona kur tee yanne; li chinchena na kan fit tanti. Ti saa fat jab nba tee ti datai na mɔkint kure, ki li sii yab bonchiann, ki dianii gbaa saa gaar tora. Yennu tiɔŋo sii tee ti kpanbar; ŋɔɔe sii diat, ki guut.

Aisaya 42:1

Yennu bia yet a, “N toontunnɔe na, ŋɔɔe ki n kɔɔnɔ paŋ. Ŋɔɔe ki n gannɔ, ki n par mei u paak. N jii n Seeke ki teen u ni, ki u saa baar nan buut nba took digbana kur paak.

Aisaya 42:3

U tan kan kɔnn lanbankɔɔnn ki tonti, ki bia tan kan kpeen fitir nba ki di fanu. U saa baar nan mamɔmm nba yɔɔ be-e sɔɔ kur paak.

Aisaya 9:5

Jab nba lek na taasaat, nan bi tiat nba ki sɔn tarin na kur, muue saa di.

Aisaya 9:7

U naan yiikoo sii kpaatire yoo kur; u naan sii yɔɔ be parmaasir nie, ki u saa gaar kpanbar Defid naan yent ki dia, ki u yiikoo sii gaa linba took nan barmɔnii paak, laa nyi mɔtana nan yoo nba waa mɔkmɔk nan mɔkmɔk. Yabint Yennu-e lor wun tun linba na.

Hosea 2:18

“Ki daa maŋ ni, n saa lor mɔlor nan muuk ni bonkobit kur, nan nɔɔnii kur, nan bonbubɔkit nba kur bɔɔk tiŋ ni, ki bi kan tur n niib daŋ. N saa nyinn tɔrbana nan jukbanjai nan tɔbii, tiŋ na paak, ki lin te n niib kur-ii be nan parmaasir.

Hosea 2:20

N sii dia n mɔsonn, ki teena n yɔɔ, ki a saa bann nan mine tee Yennu.

Joel 3:10

Faan i kumɔi ki teen jukbanjai, ki faa i jukii ki kpantir kpana, ki te i nibutimii gbaa n kɔn.

Joel 3:12

“A te digbana na niib n teen siir, ki baar Buut Baauk na ni. Leŋe ki min Yennu saa kar ki bu digbana kur buut.

Maika 4:3

U saa bu niib bonchiann buut, ki bia pat tingbouŋ na kur kunkɔna. Ki bi saa faa mab bi jukbanjai ki lin kpant kubɔnii, ki bia mab bi kpana ki lin kpant gɔtit. Ki digbana ji kan ban saan tɔbi, koo ki ji ban dukin nan bi saa faa tɔbi.

Sekaria 9:10

Yennu yet a, “N saa nyinn tɔb taantorit Israel teeb boor ni, ki nyinn taanii nba be Jerusalem na, ki biir tɔdaat nba ki bi jii kɔn kɔnn na kur. I kpanbar na saa baar nan parmaasir booru kur ni, laa nyi mɔkgbeŋir ki saa tuu mɔkgbeŋir sii be u yent ni, laa nyi Yufrates mɔkir ki saa tuu tingbouŋ na paak, li be u yent nie.”

Toona 17:31

kimaan ŋɔɔ Yennu poŋ senn daar nba ki u saa bu tingbouŋ na ŋaateeb kur buut chib chiba. U saa te ki wunba ki u gannɔ nae n bu buut maŋ. Waa set fiinɔ kuun ni na, ki li tee nyinn ki tur sɔɔ kur a ŋɔɔe sii tee barbuurɔ.”

Fiitu 19:11

Li poorpo ki n la ki Yendɔuŋ loot, ki taanpeeŋ see leŋ, ki wunba jakɔ na sana tee Nimɔnɔ nan Barmɔndaanɔ; ki u bu buut nan li barmɔnii, ki bia tookit tɔbii nan barmɔnii.

1 Samuel 2:10

Binba tee Yennu datai na, u saa biiriba. U saa te ki satianii n nyi sanpaapo ki tian bi paak. Yennu saa bu durinya niib kur buut. U saa jii paŋ ki tur u kpanbar, ki te ki u kpanbar ganntɔɔ maŋ n nyann.”