Aisaya 2:12 - Yennu Gbouŋ Mɔɔr

¹² Daar maŋ ni, Yabint Yennu saa sikin wunba kur dont u mɔŋ, nan binba tee garit damm. Yennu kɔɔe tan saa la dontir, daar maŋ ni.

Aisaya 2:12 ပူးပေါင်းရင်းမြစ်များ

2 Samuel 22:28

A tuu tinn damm nba sikin bi mɔŋe, ŋaan sikint damm nba donn bi mɔŋ.

JOB labaar 24:1

Bee teen Yennu ki senn buut daar nan li yoo ki tur binba waau na, ki bia bu buut ki turib bi mɔnii?

Yaŋ 131:1

Yennu, n nyik n japaat, ki bia nyik n parbifaant nawa. N baka kaa bargbeŋa ni, koo maan nba paar ki turimi.

Yaŋ 18:28

Yennu, fine teenin yentu, fine boon bunbɔnn nba bo be n boor na.

Yaŋ 37:13

Yennu laa nɔɔnbiit damm nae, kimaan u mi nan bi boontu daar per na.

Yaŋ 94:2

Fine tee nisaarii kur barbuurɔ, fiit ki tur biit damm na, baa jaŋ nan linba.

Barjokit 16:5

Yennu ki loon binba tee karinbaandamme, u kan mi ŋaan ki bin nyi tubdatu ni.

Aisaya 10:12

Ŋaan Yennu yet a, “Mi-i gbenn linba ki n tuun Sayɔnn kunkonn paak nan Jerusalem na yoo nba, n saa dat Asiria kpanbar tubir nan waa want u mɔŋ ki faa kpinkpant na.”

Aisaya 10:33

Yabint Yennu saa biirib nan baa tuu chɔɔ tiik yiinu ki lu nae. Bi saa chɔɔ bi parbifaara nan bi yudamm na ki butib.

Aisaya 13:11

Yennu yet a, “N saa baar nan biiru tingbouŋ na paak, ki dat yanbɔndamm kur tuba, bi biit paak. N saa sikin wunba kur want u mɔŋ, ki dat garuk damm nan tondamm na tuba.

Aisaya 13:6

Ii kurii nan gbanantont. Yennu daar na pera, ki tee daar nba ki Yabint daanɔ maŋ saa baar nan biiru.

Aisaya 13:9

Yennu daar baate ki tee u wutochiɔŋ nan yanyêtuk dabiiuk na. Tingbouŋ na saa kpant tinkokirik, ki u saa biir yanbɔndaanɔ kur.

Aisaya 14:15

ŋaan bi sikinae tinpɔɔr ni, kpeentiŋa.

Aisaya 23:9

Yabint Yennu-e lor linba na. U lor nna a wun boon bi parbifaant nba ki bi mɔk bi toona ni nae, ki dinn bi jab nba ki bi baakitib na fei.

Aisaya 24:21

“Yoo baate ki Yennu saa dat yiikoo damm nba be sanpaapo, nan tingbouŋ na diara tuba.

Aisaya 24:4

Tiŋ na kur saa koor wakit; ki durinya kur saa chɔk, ki sanpaak nan tiŋ kur saa dut.

Aisaya 40:23

Ŋɔɔe sikint doo diara nba mɔk yiikoo ki teeb yann.

Aisaya 42:15

N saa biir kunkona nan jɔɔt, ki te mɔɔt nan tiinii kur n koor. N saa kpint mɔka ki teenir kunkoot, ki te nyundɔɔna kur n fɔɔr.

Aisaya 5:15

Fei saa soor sɔɔ kur, ki binba dont bi mɔŋ na kur saa sik tiŋ ni.

Aisaya 61:2

U tumin a man mɔɔnt a yoo na baar nan Yennu n tinn u niiba, ki nyann bi datai. U tumin a man maan binba mɔ na kur parae,

Jeremaya 12:9

N nigannkab na tee nan nɔɔŋ nba ki kanbiat worɔ lokir kur po nae. Yiint muuk ni bonkobit ki bin baar tan di jaamm.

Jeremaya 13:9

“Nnae ki n saa biir Juda parbifaant na, nan Jerusalem parbifaachiɔŋ na.

Jeremaya 30:7

Dabiir baat, ki daar kaa ki saa yek nan li daari. Li tee yoo nba bie ki tur n niib, ŋaan n saa tinniba.”

Jeremaya 46:10

Yabint Daanɔ Yennu nba tee Yomdaanɔ na daare na. Dinnae ki u saa pa jiin niib. Dinnae ki u saa dat u datai tuba. U banjiak saa ŋmamm nan laa tan saa gboo, ki nyu bi sɔn nan li par nba tan saa maak. Dinnae ki Yabint Daanɔ Yennu saa mann maruŋ nba sii be gaŋ po tiŋ nba kpia nan Yufrates mɔkir na.

Jeremaya 50:31

“Babilonn, a gbee nan yuwannue; li paak, min Yabint Yennu nba tee Yomdaanɔ na kɔn nanae. Yoo baar nan man dat a tubira.

Esekiel 13:5

Sɔkiniinba na ki kpaan niib ki jiin biiru nba saa baarib, koo laa ki ŋan nan bin tun ki biir min Yennu na po.

Daniel 4:37

“Mɔtana, min Nebukanesar piak ki baakit ki dont Kpanbar nba be Yendɔuŋ ni na. Waa tuun linba kur, li ŋan, ki took, ki u fit sikint wunba kur donn u mɔŋ.”

Amos 5:18

Li tan sii tee bonbilankante ki tur yimm nba guu Yennu daar maŋ na. Daar maŋ tan saa tun toonŋanlanne ki turini-i? Li tan sii tee bunbɔncheenne ki turi, li kii tee yentu kaa.

Maika 2:3

Li paak ki Yennu yet a, “N lor bonbiire n baar i paak, ki li tee linba ki i kan fit bɔr i mɔŋ; ki i saa la ki i be daamii ni, ki li saa te ki i ji kan fit somm nan karinbaanii.

Maika 5:11

N saa biir doi nba be i tiŋ ni na, ki bia yeer joona nba lint i doi na kur.

Sefania 1:16

ki tee daar nba gbee nan tɔb naatuna fuur, nan tɔb kunkɔnkɔnna nba lek digbanjaana nba mɔk ditɔɔtii na wuyikinii.

Sefania 3:11

Li yoo maŋ, yimm nba tee n niib na ji kan di fei, toonkpeta nba ki i tun na paaki. N saa nyinn binba mɔk garuk nan dont-n-mɔŋ na kure, ki i ji kan mi yêt n mɔb, n kasii kunkonn na paaki.

Malakai 4:1

Yabint Yennu yet a, “Daar baate, ki karinbaandamm nan toonbiit damm na tan saa di muu nan kinkaka na. Li daar maŋ, bi saa di boonte, nan bi siara kan biari.

Malakai 4:5

“N saa dɔŋ tun n sɔkinii Elaija i boor niewa, ki min Yennu daar nba tee dajaann, ki bia tee jaŋmaanii daar na n tan baar.

Matiu 23:12

Wunba dont u mɔŋ, Yennu tan saa sikinɔwa; ŋaan wunba sikint u mɔŋ, Yennu-e tan saa donnɔ.”

Barŋanii nba ki LUK din sɔb nae na 14:11

Kimaan wunba kur dont u mɔŋ, Yennu tan saa sikinɔ; ŋaan wunba sikint u mɔŋ, Yennu tan saa donnɔ.”

1 Korint teeb 5:5

yin jii nirɔ nba tun toonbiit maŋ ki teenɔ Sintaanii nuu ni ki wun biir u gbanant, ki lin te u seek n tan la tinnu, ti Yomdaanɔ baaru daar na ni.

1 Tesalonika teeb 5:2

kimaan i mɔŋ poŋ mi fanu nan ti Yomdaanɔ jenu daar maŋ tan sii tee nan nanyukɔ nba tuu baar nyiɔk biaŋinba nae.

Jeems 4:6

Ŋaan u bia teent sommir bonchiann. Li paak, li sɔb Yennu gbouŋ ni a, “Yennu kɔn nan karinbaandamme, ŋaan sommit binba sikint bi mɔŋ.”