Aisaya 2:10 - Yennu Gbouŋ Mɔɔr

¹⁰ Bi saa gur tanfiat nba be jɔɔt ni, koo ki gbiir bootii tiŋ ni, a bin bɔr Yennu wutoor nba baat na, ki bɔr nyi u paŋ nan u yiikoo ni.

Aisaya 2:10 ပူးပေါင်းရင်းမြစ်များ

JOB labaar 31:23

N kan ban tun li toonbiit booru, kimaan n tiin Yennu tubdatu jaŋmaanii.

JOB labaar 40:13

ki piin bi kura tiŋ ni, ki baanib kpeentiŋ,

Yaŋ 145:12

ki lin te sɔɔ kur n bann a paŋ toona, nan a naangbouŋ baakir nan yiikoo po.

Yaŋ 90:11

Ŋmee mi a wutoor paŋ nba tee? Ŋmee mi a wutoor nba saa baar nan jaŋmaansooruk nba?

Aisaya 10:3

I tan saa teen nlee, yoo nba ki Yennu daar i tuba na? I tan saa teen nlee, yoo nba ki u saa jii digbanbanfɔkir niib ki bin baar nan daamii i paak na? I tan saa chiar saan lia nie ki la sommiri? I tan saa bɔr i mɔkint lia nie?

Aisaya 25:11

Bi saa tant bi kpinkpant nan bi yaa bin duk nyun nae, ŋaan Yennu saa sikinib tiŋ ni, ki bi tatuŋ saa te bi nii n sɔnn.

Aisaya 42:22

Ŋaan u niib na datai fatiba ki loonib dansarik ni, ki bi nyint leŋ. Bi jamme ki fat bi bona, ki sɔɔ kaa ki saa sommibi.

Jeremaya 10:10

Ŋaan fin Yennu-e tee barmɔnii Yennu, ki tee Yennu nba fo na, ki bia tee kpanbar yaayoo siiyoo. A wutoor-i doo yoo nba, durinya tuu jekire; digbana kan fit dia a wutoor.

Jeremaya 10:7

Ŋmee kan tur fin nba tee digbana kur kpanbar na baakiri? A jaŋ nan niib n tura baakira. Subindamm ni nan kpanbara ni, sɔɔ ki be ki tee nan fin na.

Jeremaya 13:9

“Nnae ki n saa biir Juda parbifaant na, nan Jerusalem parbifaachiɔŋ na.

Hosea 10:8

Ki poochianfei nba be Betafenn kunkonn yur paak, siaminba ki Israel teeb jiantir tingbana na, bi saa biirira. Ki kunkonii nan mɔɔte saa pia li maruŋ binbinta paak. Ki niib na saa tant ki yiin jɔɔt na ki yet a, “Bakint ti paak,” ki bia yet kunkona a, “Dɔkint ti paak.”

Nahum 3:11

Ninefe, a mun saa nyu ki yiba. A mun sii koor a fan nyi a datai nii nie.

Barŋanii nba ki LUK din sɔb nae na 12:5

N yaa n wanni wunba ki i sii tiinɔe. Tinin Yennu, wunba saa fit kpi ki bia mɔk yiikoo nba saa lui muu nba kan mi kpeen na ni. N beerie, tinin ŋɔɔe man.”

Barŋanii nba ki LUK din sɔb nae na 23:30

Li yoo maŋe ki niib tan sii yeen jɔɔt nan kunkona a ‘Baan ti paak ki piint.’

2 Tesalonika teeb 1:9

ki ti yabint Yomdaanɔ nba be yentchiɔŋ ni tan saa nyinnib u boor, ki bi saa la biiru nba kaa gbennu;