Aisaya 19:24 - Yennu Gbouŋ Mɔɔr

²⁴ Li yoo-i baar, Israel tan sii mɔk yiikoo nan Ijipt nan Asiria nae, ki digbana ŋantaa na sii tee piisin ki tur durinya kur.

Aisaya 19:24 ပူးပေါင်းရင်းမြစ်များ

Pinpiik 12:2

N saa tura yaaboona bonchiann, ki bi tan sii tee boorgbeŋir. N saa teen a sann sangbeŋir, ki a sii tee piisin daanɔ.

Aisaya 19:23

Li yoo-i baar, sɔnjar sii be ki nyi Ijipt ki saa Asiria. Li digbana ŋanlee niib sii somm kɔɔ bi leeb doi ni, ki digbana ŋanlee maŋ niib saa lakin jiant Yabint Yennu.

Aisaya 19:25

Yabint Yennu saa teen piisin bi paak, ki yet a, “N saa teen piisin yimm n niib Ijipt teeb paak, nan yimm Asiria teeb nba tee n naami na paak, nan yimm Israel teeb nba ki n gann na paak.”

Aisaya 27:13

Li daar-i baar, bi saa pebir naatunne ki yiin Israel teeb nba tee yommii ki be Asiria nan Ijipt tinii ni na. Bi saa baar ki tan jiant Yennu, u kasii kunkonn nba be Jerusalem na paak.

Aisaya 49:22

Yabint Yennu yet u niib a, “N saa tur digbana nyinn, ki bi saa kunn i waas.

Aisaya 49:6

Ki Yennu yetin a, “N toontunnɔ, n mɔk toonjaanne ki teena. Li ki tee nan a saa ŋamm teen Israel teeb nba ki n tinnib na kɔɔ kaa-ii yabii, ŋaan n saa te ki a tee yentue ki tur digbanlia, ki lin te tingbouŋ na niib kur n tinn.”

Aisaya 6:13

Li-i tee ki niib piik ni yenɔ biar tiŋ na ni, n saa biirɔwa; u sii tee nan baa tuu chɔɔ kpinkpauŋ, ŋaan ki u dagbir n biar ki fiik tiŋ ni nae.” Dagbir na see Yennu niib pinpiin-paann seenu nie.

Aisaya 65:8

Yennu bia yet a, “Sɔɔ ki biir daan tilɔɔna nba ŋani. Bi tuu jiir ki ŋaa daame. N mun kan biir n niib kuri. N saa tinn binba jiantirin nae.

Aisaya 66:12

Ki Yennu ŋamm yet a, “N saa turi mɔkint nba sii yɔɔ be-e, ki digbana mɔkint sii baat i boor, nan mɔkir nba yɔɔ puub ki ki fɔɔt na. I sii tee nan bik nba ki u naa tuu mɔɔntɔ, ki diau u nii ni, ki goriiɔ nan lomm nae.

Esekiel 34:26

“N saa teen piisin bi paak, ki te bii kɔɔ ki lint n kasii kunkonn na. Leŋe ki n saa teen piisin bi paak, kii teemm saak yoo nba ki bi loon.

Sekaria 8:13

Yimm Juda nan Israel teeb, yoo nba din gar na, boorganii din tuu poor bi leeb mɔpora a, ‘Biiru nba din baar Juda nan Israel teeb na n baa i paak.’ Ŋaan n saa tinni, ki boorganii maŋ ji sii yeen bi leeb a, ‘Gaat piisin nba din baar Juda nan Israel teeb paak na.’ Li paak, ii mɔk par-kpaŋir man, ki daa tiin jaŋmaanii.”

Barŋanii nba ki LUK din sɔb nae na 2:32

U sii tee yentu ki fiit a sɔnu ki wann binba ki tee Israel teeb na, ki bia baar nan dontir ki tur a niib Israel teeb.”

Rom Teeb 15:27

Li tee mɔniie nan bi mɔŋ loomme ki bi teemm piinii na. Li ŋan bin turib, kimaan Yennu barŋanii nba nyii Jerusalem niib boor ki baarib na paak. Ŋanne te ki li ŋan nan bin teen piinii maŋ.

Galasia teeb 3:14

Yiisa Masia din tun linba na a ŋɔɔ yaa paak ki binba ki tee Juu teeb n mun la piisin nba ki Yennu teen Abraham paak na; a ti-i teen yada, tin gaar Seyeeŋ nba ki Yennu din senn mɔsonn a u saa turit na.

Sennu 32:43

“Digbana teeb, ii dont Yennu niib, Yennu saa dat binba kpib na kur tuba. U tuu dat u datai tubae, ŋaan nyik chab u niib bi biit.”