Aisaya 19:21 - Yennu Gbouŋ Mɔɔr

²¹ Yennu saa fiit u mɔŋ ki wann Ijipt teeb, ki bi saa gaarɔ ki jiantɔ, ki turɔ maruŋ nan piinii. Bi saa senn mɔsonjaana ki turɔ, ki bia gbeen bi mɔsona maŋ.

Aisaya 19:21 ပူးပေါင်းရင်းမြစ်များ

1 Kpanbara 8:43

fan gbiint u miaru. Faa be Yendɔuŋ ni na, a gbat u miaru ki tun linba ki u loon, ki nibooru kur nba be tingbouŋ na ni saa banna, ki sak a mɔb, nan a niib Israel teeb nba tuun na. Ŋanne ki bi saa bann nan jiantu ŋasaakak nba ki n maa nae set tee siaminba ki bi sii jiantira.

Yaŋ 61:8

Ki n sii tun yiin yanii ki dontir a sann, ki bia sii yɔɔ teena piinii nba ki n senn mɔsonn li po na daa kur.

Yaŋ 67:2

ki lin te durinya teeb kur n bann a yanbɔɔt, ki bia te digbana teeb kur n la a tinnu.

Yaŋ 68:31

Taatara nba see digbanlia taa ni na saa nyi Ijipt ki baar Yennu boor, ki Itiopia teeb saa donn bi nii ki miar Yennu.

Yaŋ 68:32

Yinin yaŋ ki tur Yennu, durinya teeb, yinin ki dont Yennu maŋ,

Banntɔɔ 5:4

Li paak, li-i tee ki a sat mɔb ki tur Yennu, fan gbeenir yian. Jatuk ki mɔk nyɔɔt Yennu boori. Tumin linba ki a sat mɔb nan a saa tun na.

Aisaya 11:11

Li daar-i baar, Yennu saa ŋamm jii u paŋ na ki jen nan u niib nba biar Asiria nan Ijipt nan Patros nan Sudann nan Elam nan Babilonn nan Hamaf tinii ni, nan mɔkgbiant nan nyun ni kunkona paak na, bi doi ni.

Aisaya 11:9

Siar sii kaa Yennu kasii kunkonn Sayɔnn paak ki tee daŋ, koo biiti. Tiŋ na tan saa gbee nan Yennu bannu, nan mɔkgbeŋir nba gbee nan nyun nae.

Aisaya 27:13

Li daar-i baar, bi saa pebir naatunne ki yiin Israel teeb nba tee yommii ki be Asiria nan Ijipt tinii ni na. Bi saa baar ki tan jiant Yennu, u kasii kunkonn nba be Jerusalem na paak.

Aisaya 37:20

Ti Yomdaanɔ Yennu, nyintit Asiria teeb na nuu ni, ki te tingbouŋ na digbana kur niib n bann nan fin kɔɔe tee Yennu.”

Aisaya 44:5

“Niib sii yeen leeb yenɔ yenɔ a, ‘N tee Yennu yɔɔe.’ Bi saa baar ki tan pukin Israel teeb po. Sɔɔ kur saa sɔb Yennu sann u nuu paak, ki sii yi u mɔŋ Yennu niib na yenɔ.”

Aisaya 45:14

Ki Yennu yet Israel teeb a, “Ijipt nan Sudann mɔkint sii tee i yare, ki Seba jafɔkit na sii tee i yommii, ki waa i poor po, ki jarit diab. Bi saa gbaan i tɔɔnn ki pak kat a, ‘Yennu be nani, u kɔɔe tee Yennu,

Aisaya 49:7

Israel teeb kasii Yennu nba tee bi tinntɔɔ na, yeen wunba ki digbana yisimɔ bonchiann, ki bia namɔ, ŋaan ki u tee doo diara toontunnɔ na a, “Kpanbara saa la ki bi ŋaa-a, ki bi saa fiir ki tura jirima, ki tɔɔndamm mun bia saa lar, ki gbaan jianta.” Linba na saa tun, kimaan Yennu gann u toontunnɔwa, Israel teeb kasii Yennu na dia u mɔsona.

Aisaya 55:5

I tan saa yiin digbangana niib; sianyoowa bi din ki mi-ini, ŋaan mɔtana bi saa tine baar ki pukini. Min i Yomdaanɔ Yennu nba tee yimm Israel teeb kasii Yennu na saa te linba na kur n tun. N saa te ki yin la baakir nan chɔruŋ.”

Aisaya 56:7

“N saa baar nani Sayɔnn, n kasii kunkonn na boor, ki turi parpeenn, n miaru ŋaak na ni, ki ji gaar i maruŋ nba ki i mann n binbintir paak na. Bi sii yi n ŋaak na nibooru kur Yenmiaru ŋaake.”

Aisaya 60:7

Ki bi saa baar nan Kedar nan Nebayof pei kur a boor, ki li tee maruŋ, ki mannir binbintir paak, ki lin maŋ Yennu. Ki Yennu saa faŋ u ŋasaakak na, ki lin gar laa tuu tee.

Aisaya 66:23

Ki ŋmaapaaŋ jaamm kur, nan foon daar kur, digbana kur niib saa baar Jerusalem na ki tan jiantin.” Yennu-e pak na.

Jona 1:16

Linba na din te ki ŋarinkanna na tin Yennu jaŋmaanii bonchiann, ki bi mann maruŋ tur Yennu, ŋaan senn mɔsonn nan bi sii jiantirɔ.

Habakuk 2:14

Ŋaan tingbouŋ na tan saa gbee nan Yennu baakir bannu, nan biaŋinba ki nyun tuu gbee mɔkgbeŋa nae.

Sefania 3:10

Halii nan n niib nba yat ki be Sudann nawa tan saa baar nan piinii ki turin.

Malakai 1:11

Niib kur nba be durinya na ni, laa nyii kpiŋ ki saa tuu kpinleek po, bi teenin baakir. Lokir kur po, bi jokit bonnunubit ki teenin, ki bia piinin maruŋ bona nba ŋan. Bi kura baakitin.

Jɔɔnn 17:3

Ki manfoor maŋe tee niib n bann fin nba tee Yennu nan barmɔnii, ki sɔɔ ji kaa; ki bia mun saa bann min Yiisa Masia nba ki a tumin na.

1 Piita 2:5

Ŋaant man ki Yennu n jii-i ki yii tee nan manfoor tana na, ki wun maa ŋaak nba ki u Seyeeŋ sii be li ni; ki i sii tee Yennu mɔŋ mɔŋ toontunna kii tuun u toonn nan u Seyeeŋ paŋ, ki u saa gaar li toonn Yiisa Masia paake;

1 Piita 2:9

Ŋaan yimm ŋarin tee Yennu nigannkabe, ki bia tee u naan ni niib nba jiantirɔ, ki bia tee nibooru nba tee popeendamm, ki bia tee u tiɔŋ niib, ki yii mɔɔntir ŋɔɔ nba nyinni bunbɔnn ni, ki baar nani u bakitnauŋ yentu ni na burchintuk po.

1 Samuel 17:46

Dinna nba na, Yennu saa jiia, ki kubin n nuu ni, ki n saa nyanna ki pot a yur, ŋaan jii Filistia kunkɔnkɔnna nba biar na gbanant ki tur nɔɔnii nan muuk ni bonkobit ki bin ŋman, ki durinya na kur saa bann nan Israel teeb mɔk Yennu,