Aisaya 19:1 - Yennu Gbouŋ Mɔɔr

¹ Mɔmaan na jiin Ijipt teeb poe. Yennu baat Ijipt-e, ki jaak sanpagbouŋ paak ki saa yian yian. Ijipt tingbana jekire u boor, ki Ijipt teeb na kɔŋ bi parcheenn.

Aisaya 19:1 ပူးပေါင်းရင်းမြစ်များ

Yaŋ 104:3

ki senn a doo, nyun nba be sanpaapo na paak. A jii sanpagbante ki teen a taantorit, ki jak wouŋ kpinkpant paak.

Yaŋ 104:34

U par-ii mei n yaŋ maŋ paak, kimaan n parpeenn nyi u boore.

Yaŋ 18:9

Ŋanne ki u pat sanpagbouŋ ki nyii sik; ki sanpagbounbɔŋ be u taa po.

Yaŋ 68:4

Yinin yanii ki tur Yennu, yinin ki dont u sann, yinin ki dont daanɔ nba jaak sanpagbouŋ paak; ki u sann tee Yennu na. Ii mɔk parpeenn u tɔɔnn.

Nyinu 12:12

“N saa lin li daar nyiɔk Ijipt kur po, ki kpi bonjakperii kur, li niib nan bonkobit kur, ki dat yennii nba kur ki Ijipt teeb jiantir na tuba. Mine tee Yabint Yennu.

Aisaya 13:1

Mɔmaan na jiin Babilonn doo poe, ki Amos bija Aisaya gaarir Yennu boor.

Aisaya 13:7

Sɔɔ kur nii sii sɔɔn, ki sɔɔ kur saa kɔŋ dindann.

Aisaya 19:16

Yoo baat ki Ijipt teeb tan sii tee butimm nan poob na. Jaŋmaanii tan saa lub, yoo nba ki bi la nan Yabint Yennu tant nuu a wun dat bi tuba na.

Aisaya 21:9

Mɔtana, jabe jak taanii banlee-lee ki baat na. Ki tammɔguurɔ na yet a, “Babilonn baawa. Tingbana nba ki bi jiantir na kur biire, ki dɔɔ yarik yarik tiŋ ni.”

Jeremaya 25:19

Binba din pukin ki saa nyu daŋmaŋ na nie na: Ijipt kpanbar nan u saakab nan u tɔɔndamm, nan Ijipt teeb kur, nan boorganii nba be leŋ, nan Us tiŋ ni kpanbara kur, nan kpanbara nba be doi nba be Filistia tiŋ ni, ki tee Askelonn nan Gasa nan Ekronn nan Asdod nba tenn waan na, nan Edom nan Moab nan Amonn niib kur, nan Taya nan Sidonn kpanbara kur, nan Sinsuuk ni mɔkgbeŋir tinii na kpanbara kur, nan Dedann nan Tema nan Bus doi, nan niib nba yɔɔ pɔɔn bi yut na kur, nan Arabia kpanbara kur, nan kunkoouk paak booru na kpanbara kur, nan Simri nan Elam nan Media kpanbara kur, nan gaŋ po kpanbara na kur, binba be banfɔka, nan binba naak kur din saa nyu yenɔ yenɔ. Digbann kur nba be tingbouŋ na paak saa nyure; ki li joontik, Babilonn kpanbar n nyur.

Jeremaya 4:13

Gotir, datai nae baat ki yat nan sanpagbant na, ki bi tɔb torit tee nan sajaperinn na, ki bi taanii kakii ki gar baakawa. Ti ki mɔk dindann. Ti boonta.

Jeremaya 44:8

Bee ki i jiantir pata, ki mann maruŋ ki teen yenbis, Ijipt tiŋ nba ki i baar a yii be na ni, ki dont n wutoori? I tuun linba na a yin biir i mɔŋe, ki lin te durinya na digbann kuri laai, ki jii i sann ki teen mɔpori-i?

Jeremaya 50:2

“Pakin maan maŋ ki tur digbana. A mɔɔntir. Turin nyinn ki mɔɔnt maan maŋ. A daa te ki li tee bunbɔr maami. Babilonn baawa. Bi biir u tingbann nba tee Marduk nawa. Babilonn tingbana dii feiwa, u bonninnanbiit na yeera.

Jeremaya 51:44

N saa dat Babilonn tingbann nba tee Bel na tubira, ki te wun jiin bona nba ki u jan na, ki digbana bia ji kan jiantɔ. “Babilonn joonjot baawa.

Esekiel 30:13

Ki Yabint Yennu yeen a, “N saa biir pata nan yenbis nba be Memfis doo ni na, ki sɔɔ tan kii be ki saa dia Ijipt, ki n tan saa kɔɔn niib na kur jaŋmaanii.

Joel 3:19

“Ki Ijipt tiŋ saa kpant kunkoouk, ki Edom tiŋ n kpant langben-yana, kimaan baa lek Juda tiŋ, ki kpii li niib nba ki mɔk biit na paak.

Nahum 1:1

Mɔmaan na jiin Ninefe poe, ki tee yirintu nba ki Nahum wunba nyii Elkos doo ni na la.

Nahum 1:3

Yennu ki dont wutoor yian yiami, ŋaan u mɔk yiikoo, u kan ban te wunba tun biit n nyi tubdatu ni. Yennu-i somm siaminba, wouŋo fukitir; sanpagbante tee tangbiruŋ ki u taapant gbit.

Sekaria 10:11

Yoo nba ki bi be bi daamii mɔkir ni na, min Yennu saa soor li nyunjiinu na, ki Nail nyun sunsuŋ na saa fɔɔr. Asiria teeb karinbaanii na saa maak, ki Ijipt teeb paŋ na saa gbenn.

Sekaria 14:18

Li-i tee ki Ijipt teeb na yêt lanbont jaamm na dinue, Yennu saa te ki yiarbiiuk nba ki u yaa lin baar digbanlia nba yêt lanbont jaamm dinu na, lin mun baarib.

Nikant 33:4

Ki Ijipt teeb na gbaa nan bi bijakpera nba ki Yennu kpiib na piinu. U din tun nna, a lin wann nan u mɔk paŋ ki gar Ijipt tingbana.

Sennu 33:26

Israel teeb, yensau ki tee nan i Yennu na, wunba purin sanpaapo nan u bonŋana, ki bia purin sanpagbant ni ki teen siir nan i sommir.

Joosua 2:11

Taa din tan gbat li po na, jaŋmaanii din soorite, ki ti kura ji ki mɔk parcheenn, kimaan i paak. I Yomdaanɔ Yennu-e yen sanpaak nan tiŋ.

Joosua 2:24

ki bia yet a, “Ti mi nan Yennu jii tiŋ na kur ki turita. Niib nba kur be leŋ na tiinit jaŋmaaniie.”

Joosua 2:9

ki saa yetib a, “N mi nan Yennu jii tiŋ na turiwa, wunba kur be tiŋ na ni, li ji mɔkɔ jaŋmaaniie, kimaan i paak.

Fiitu 1:7

Gotir man, u sii be sanpagbant ni ki baar. Sɔɔ kur ninbina tan saa lau, nan binba din ŋmu-u na gbaa. Yoo nba ki u sii baat na, tingbouŋ na niib kur saa bui u paak. Mamɔmm, li saa teen nnawa.