Aisaya 16:4 - Yennu Gbouŋ Mɔɔr

⁴ Ŋaant ki tin kar a tiŋ ni. Fatirit binba loon bin biirit na nuu ni.” (Mukisuk nan biiru saa gbenna, ki binba biir doo maŋ saa yaat,

Aisaya 16:4 ပူးပေါင်းရင်းမြစ်များ

Aisaya 14:4

Yennu-i tun linba na yoo nba, bi sii sarikit Babilonia kpanbar nae, ki yeen a: “Kpanbar-touŋ na baawa. U kan ban mukis sɔɔ jikii.

Aisaya 15:6

Nimrim kpenbik fɔɔra, ki mɔɔt nba be leŋ na koor, ki siar kaa leŋ ki mei.

Aisaya 25:10

Yennu saa guur Sayɔnn kunkonn, ŋaan bi saa ŋmaat Moab niib tiŋ ni nan nei nba tuu ŋmaat kauk, ki lin teen koorin na.

Aisaya 33:1

Ti datai boonta. Bi fate ki bia fikit, ŋaan ki sɔɔ ki fatib koo ki fikitibi. Bi fatu nan bi fikitu yoo maŋ-i gbenn, niib mun saa fatib ki fikitiba.

Aisaya 49:26

N saa te ki binba dinti biak na n kpi bi leeb, ki nikpinu nan wutoor saa yibib, ki niib kur saa bann nan mine tee Yennu nba tinti ki nyinti yann. Bi saa bann nan mine tee Israel teeb Yennu nba mɔk paŋ.”

Aisaya 51:13

A tamm Yennu nba nama na poe, wunba tant sanpaak, ki bia nan tingbouŋ fiakir na poe-e? Bee ki a yɔɔ be jaŋmaanii ni ki jiin binba mukisa nan wutoor, nan binba teen siir a bin biira na po? Bi wutoor na kan ban siia ni.

Aisaya 54:14

Mamɔmm nan binbenŋaŋ saa tura paŋ. A saa nyi biak nan jaŋmaanii ni.

Aisaya 58:7

Ii chentir i jeet nan komma na, ki loot i ŋei ki tur talas damm nba kaa ŋei na, ki jii i tiat ki tur binba ki mɔk lia na, ki daa yêen i nikpiimm sommiri.

Aisaya 9:4

kimaan a kɔnn bi yɔkit nba tuu yɔɔk bi paak nawa, ki bia jint gbann nba tuu boob bi sai ni na. A nyann digbann nba tuu diin ki ŋmaŋit a niib nawa, nan faa din nyann Midiann jab sianyoo biaŋinba na.

Jeremaya 40:11

Li yoo na ki Israel teeb nba kur be Moab, nan Amonn, nan Edom, nan digbanlia ni na gbat nan Babilonn kpanbar chab Israel tesiab a bii be Juda, ki Gedalia-ii tee bi diarɔɔ.

Jeremaya 48:18

Yimm nba be Dibonn na, ii nyi i baakir boor maŋ, ki sik ki tan kar tanbiinii ni, Moab biirtɔɔ na be nna, ki teen li ŋapaara na langbenta.

Jeremaya 48:8

Dosau kaa ki saa nyi biiru na ni, ki baauk nan paanu kur saa biir. Min Yennu-e pak na.

Obadia 1:14

I daan bo kan set sɔnpaata na ni, ki so binba tiin a bin paak na. I daan bo kan soorib ki turib bi datai, parbiir daar na ni.

Sekaria 10:5

Juda niib saa la nyannu ki tee nan kunkɔnkɔnna nba tuu nyann bi datai, ki ŋmaa ki birib tiŋ ni nae. Bi saa kɔn, kimaan Yennu be namm, ki bi saa nyann bi datai na, halii nan taanjakira nawa.

Sekaria 9:8

N saa guur n tiŋ na, ki datai kan gar leŋi. N ji kan sak ki niyoona-ii mukis n niibi. N la n niib nba dii biak biaŋinbawa.”

Malakai 4:3

Mi-i tun linba na daar nba, i saa nyann tondamm nae, ki bi ji tee nan tanbiinii na, i taapant ni.

Barŋanii nba ki LUK din sɔb nae na 21:24

Ki kunkɔnkɔnna tan saa baar ki kpi bi siab nan jukbanjai, ki bia tan saa soor siab ki saan namm tinii kur po, ki teemm yommii. Ki binba ki tee Juu teeb na tan saa yent Jerusalem mɔkmɔk nan bi yoo nba tan saa gbenn.

Rom Teeb 16:20

Li kan yukir ki Yennu nba teent parmaasir na saa te ki yin ŋmaa Sintaanii yur paak. Ti Yomdaanɔ Yiisa Masia ninkpabauŋ-ii be nani.

Sennu 24:14

“A daa ŋmab daabir nba tee nandaanɔ nan fara daanɔ, waa tee a lɔɔ Israel nirɔ, koo boorganu nba kɔɔ i doi yenn ni.

Fiitu 11:2

ŋaan daa bikii li dindounjouku, kimaan n jii ŋanne ki tur binba ki tee Juu teeb na, ki bi tan saa yent Yennu doo na ŋmaarii piinna nan ŋanlee;