Aisaya 16:2 - Yennu Gbouŋ Mɔɔr

² Bi be Arnonn mɔkir boore, ki lin yana yana, nan baa tuu yukin nɔɔnii bi tiat ni ki bi lin biaŋinba na.

Aisaya 16:2 ပူးပေါင်းရင်းမြစ်များ

2 Kpanbara 3:4

Moab kpanbar Mesa din joon pei, ki binn kur u din tuu pa pegana tusaa kobik, nan pei tusaa kobik kobit, ki teen Israel teeb kpanbar, ki li tee u pann.

Barjokit 26:2

Mɔpora kan fit teen daanɔ nba ki tun biit siari. Li tee nan nɔɔnii nba tuu yuuk gaar ŋaan ki jak nae.

Barjokit 27:8

Daansɔɔ nba yaat ŋaan nyik ŋaak, u tee nan nɔɔŋ nba tuu yaat ŋaan nyik u tiɔk biaŋinba nae.

Aisaya 13:14

“Boorganu nba kar Babilonn saa chiar kun bi dantinii ni, ki yat nan piarii nba tuu tiin a bin bot waarib na, koo pei nba kaa pekpaarik na.

Jeremaya 48:20

Bi saa turi gatu a, ‘Moab tiŋ baawa. Ii mɔ u paak man; u dii feiwa. Ii kokin Arnonn mɔkir ki mɔɔnt nan bi biir Moab-a.’

Jeremaya 48:46

Tinin Moab teeb ninbaauk man. Bi boont ŋamm nba jiantir tingbann Kemos nawa, ki jii bi bonjai nan bi bonpoi ki saan namm digbanganna.

Jeremaya 48:9

Fiint katanu ki chaan guun Moab tiŋ. Li saa biir mɔtana; li doi saa biar langbent, ki sɔɔ ji kan kɔɔ leŋi.”

Nikant 21:29

Li sii paar ki tur yimm Moab teeb. Yimm nba jiantir yenbik nba tee Kemos na, i kpakin yanne na. U te ki i jab chiar, ki i poob teen yommii ki tur Amor teeb kpanbar Sihonn.

Sennu 2:36

Ti Yomdaanɔ Yennu sommit ki ti kɔn ki nyann doi maŋ, laa nyii Aroer doo nan doi nba be Arnonn mɔkir baauk mɔgbann, nan doo nba be baauk na sinsuuk ni, ki tɔkin saa tuu Gilead. Doo din ki biar ki li joona wakii ki gariti.

Sennu 3:12

“Taa fat yent maŋ ki gbenne, ki n jii tiŋ nba be Areor gaŋ po ki kpia Arnonn mɔkir na ki tur Rubenn nan Gaad booru, ki pukimm Gilead yent nba mɔk kunkona na waan, nan doi nba be leŋ na.

Sennu 3:8

“Li yoo ki ti fat Amor teeb batnba banlee na tinii nba be Jɔɔdann mɔkir yondo po na, ki nyii Arnonn mɔkir ki saa tuu kunkonn nba fɔk ki bi yir Hermonn na.

Joosua 13:16

Bi yent na din tant ki saan tuu Aroer, ki li be Arnonn mɔkir baauk mɔgbann, nan doo nba be baauk na sinsuuk ni, ki kpab nan paanu nba lint Medeba na,

Barbuura 11:18

Ki bi ji din tan fiir ki somm kunkoouk na paak, ki kook ki lintir Edom tiŋ nan Moab tiŋ, nan baa tan baar Moab tiŋ yondo po, ki kar Arnonn mɔkir yakleer na po. Bi din ki kɔɔ Moab tiŋ ni, kimaan Moab kpaar din ter nan Arnonn kpaare.