Aisaya 15:2 - Yennu Gbouŋ Mɔɔr

² Ki Dibonn teeb do kunkonn paak a bin fabin pookperii ni. Moab teeb fabin nan yanyêtuk, Nebo nan Medeba doi paak; ki koor bi yura nan tianii nan yanyêtuk.

Aisaya 15:2 ပူးပေါင်းရင်းမြစ်များ

2 Samuel 10:4

Ŋanne ki bat Hanunn soor Defid toomii na, ki koor jɔɔ kur tiaŋ bɔkir, ki pot bi liant siak po, ŋaan kunnib.

1 Barkperii 19:4

Li paak ki bat Hanunn soor Defid toomii na, ki koor jɔɔ kur tiaŋ bɔkir, ki pot bi liant siak po, ŋaan kunnib.

JOB labaar 1:20

Tɔn, ki Job ji fiir set ki pat u liant nan parbiir, ki koor u yut, ki baa fabin tiŋ ni,

Aisaya 14:31

Yimm Filistia teeb doi na, ii duun kii mɔ sommir po. I kur yam-ii put. Tangbiruŋ nyii gaŋ po ki baat, ki tee kunkɔnkɔnna nba ki jaŋmaandaanɔ kaa bi ni.

Aisaya 15:3

Niib nba be sɔnii ni lia parbiir liante, ki binba be doo ni nan ŋei ni mɔ ki fabin.

Aisaya 16:12

Moab teeb bakint bi mɔŋe ki do bi kunkona paak pookperii ni, nan bi jiantu diit ni ki mei, ŋaan li kan sommibi.

Aisaya 16:7

Moab teeb saa bui, kimaan biak nba ki bi saa di na paak. Bi kur saa mɔ, yoo nba ki bi tiar jeŋant nba ki bi tuu di, Kir Heres doo ni na. Bi dindann kur saa kpo.

Aisaya 22:12

I Yomdaanɔ Yabint Yennu bo yii-i a yin bui ki fabin, ki koor i yut, ki lia parbiir liant.

Aisaya 3:24

Bi ji kii sɔ tulaarii, bi tuu sii nubir pɔie; bi kii boob gbanŋana, ŋaan bi sii boob ŋmipianae; bi kii mɔk yuŋanti, bi sii tee yupaaniie; bi kii gbab chinchenŋana, bi sii gbab kparchante; bi fant na saa kpant feie.

Jeremaya 3:21

Fuur fu kunkona paak. Israel teebe mɔ ki fabin, kimaan bi tuu be yanbɔnbinbeŋe, ki tamm bi Yomdaanɔ Yennu po.

Jeremaya 47:2

“Gotir! Nyun do gaŋ po, ki saa pubir nan nyunmɔnn na. Li saa piin tiŋ na nan linba kur be li paaka, li doi nan niib nba be leŋ na. Niib saa mɔ boi sommir po. Sɔɔ kur nba be durinya na ni saa bui bonchiann.

Jeremaya 47:5

Parbiir nba kaa paak baar Gasa teeb paaka, ki Askelonn niib ŋmin. Filistia niib nba biar na saa mɔ ki lin wei nlee?

Jeremaya 48:1

Linba ki Yabint Yennu pak ki jiin Moab tiŋ poe na a: “Ii mɔk ninbatinu nan Nebo teeb man. Bi doo biira. Bi nyann Kiriataim-a, ki yeer li joonwakita na, ki li niib dii fei.

Jeremaya 48:18

Yimm nba be Dibonn na, ii nyi i baakir boor maŋ, ki sik ki tan kar tanbiinii ni, Moab biirtɔɔ na be nna, ki teen li ŋapaara na langbenta.

Jeremaya 48:31

Li paak, n saa bui wunba kur be Moab tiŋ ni paak, nan niib nba be Kir Heres doo ni na paak.

Jeremaya 48:35

N saa te ki Moab niib n nyik bi mujoonu maruŋ nba ki bi tee bi jiant boa nawa, nan maruŋ nba ki bi mann ki teen bi pata nan bi yenbis na. Min Yennu-e pak na.

Jeremaya 49:3

Hesbonn teeb, ii mɔ man. Bi biir Ai-wa. Raba poob, ii mɔ kpemɔnii man. Ii lia bɔtoot liant kii mɔ man, ii tiin kii lin nan ŋmatir man. Bi saa jii i tingbann Molek ki saan nanɔ digbangann ni, ki kpab nan u mannteeb nan u nijaana.

Jeremaya 7:29

“Jerusalem teeb, ii mɔ man, koot i yut ki lu. Ii yiin kuun yanii kunkona paak man, kimaan min Yennu wutoor doo, ki n yêt n niiba.

Esekiel 27:31

A paake ki bi koor pit bi yura, ki lia bɔtoot, ki mɔ mɔnii nan parbiir.

Esekiel 30:2

“Nisaarik, pakin ki mɔɔnt maan nba ki min Yabint Yennu yeen na. A pak mɔmaan na nan kunkɔpaarir a: ‘Biiru daar baate.

Esekiel 7:18

Ki bi saa lia bɔtoliant ki wann bi parbiir nba tee, ki jaŋmaanii sii mɔkib. Bi saa koor bi yut, ki bi kur saa di fei.

Liifai teeb 13:40

“Li-i tee ki jɔɔ yut kokir yur sinsuuk ni, koo yugbiar paaki, linba na ki teenɔ jakint.

Liifai teeb 21:5

“Manntɔɔ daa koor u yur, koo ki pɔɔn u tiaŋ, koo ki ŋma u mɔŋ a lin wann nan u be parbiir ni.

Amos 8:10

N saa te ki i jaamm maruŋ na n kpant kuun maruŋ. N saa lebit i parpeenn yanii ki teen parbiir wuyikinii. N saa te ki yin koor i yut ŋaan lia bɔtoot liant, ki i sii tee nan bidaanɔ nba tuu bui ki fabin, u biyemmir kuun paak biaŋinba na. Yoo maŋ tan sii tone nan li joontu.

Nikant 21:28

Kpanbar Sihonn kunkɔnkɔnna din nyii u digbangbeŋir nba tee Hesbonn na ni, ki naan nan muu nba tuu di na, ki dii Moab doo nba tee Ar na, ki bia dii niib nba be Arnonn kunkona paak na.

Nikant 21:30

Ŋaan mɔtana bi yaaboona ji boonta, ki ti biir Hesbonn ki saan tuu Dibonn. Ti bia biir Nasim ki saan tuu Nofa, ki li kpia Medeba.”

Nikant 32:3

“Yent nba ki Yennu somm Israel teeb ki bi gaar, ki li tee Atarof nan Dibonn nan Jaser nan Nimra nan Hesbonn nan Eleale nan Sibma nan Nebo nan Beonn doi na ŋan nan bonkobjoonn, ki ti mun mɔk bonkobit bonchiann.

Nikant 32:38

nan Nebo nan Baal Meonn nan Sibma doi. Doi nba ki bi ŋamm maa na, bi din lebit bi sanae ki ji pur sangana.

Sennu 14:1

“Yimme tee i Yomdaanɔ Yennu niib. Li-i tee ki i mɔ ki fabin kuun paak, ŋaan i daa ŋma i mɔŋ, koo ki koor i yugbia, nan nileeb nba tuun biaŋinba na,

Sennu 34:1

Ki Moses nyii Moab paanu ni ki saan Nebo kunkonn paak, ki saa doo porii Pisga jɔɔr nba be Jeriko yondo po na. Leŋe ki Yennu wannɔ tiŋ na kur, ki li tee Gilead yent, ki fɔkit jir niigaŋ po ki saa tuu Dann doo,