Aisaya 15:1 - Yennu Gbouŋ Mɔɔr

¹ Mɔmaan na jiin Moab teeb poe. Bi biir Ar nan Kir doi nyɔyemmire, ki Moab tiŋ kur ŋmin sirrr.

Aisaya 15:1 ပူးပေါင်းရင်းမြစ်များ

2 Kpanbara 3:25

ki biir bi doi. Israel jab na-i gar kpaab nba mɔk koorin ni, sɔɔ kur tuu jii tanne ki lu leŋ, nan tiŋ na nba tan saa gbee nan tana; bi bia din biir bi nyuntona nan bi tilontiiwa. Ki li joontik digbansaakar nba tee Kir Heres nae tan biar, ki tanluur-teeb na bia gob ki worir.

Aisaya 11:14

Bi saa taan ki lek Filistia teeb nba be yonbaa po, ki fat niib nba kar yondo po na bona. Bi saa nyann Edom nan Moab teeb, ki Amonn teeb saa sak bi mɔb.

Aisaya 13:1

Mɔmaan na jiin Babilonn doo poe, ki Amos bija Aisaya gaarir Yennu boor.

Aisaya 14:28

Mɔmaan nae din mɔɔnt binn nba ki Israel kpanbar Ahas din kpo na ni.

Aisaya 16:11

N kurii nan parbeenne, Moab tiŋ paak, ki duun nan parbeenn, Kir Heres doo paak.

Aisaya 16:6

Juda teeb yeen a, “Ti gbat Moab teeb nba want bi mɔŋ biaŋinbawa. Ti mi nan bi mɔk garuk nan parbifaant, ŋaan bi garuk na tee garyanne.”

Aisaya 16:7

Moab teeb saa bui, kimaan biak nba ki bi saa di na paak. Bi kur saa mɔ, yoo nba ki bi tiar jeŋant nba ki bi tuu di, Kir Heres doo ni na. Bi dindann kur saa kpo.

Aisaya 25:10

Yennu saa guur Sayɔnn kunkonn, ŋaan bi saa ŋmaat Moab niib tiŋ ni nan nei nba tuu ŋmaat kauk, ki lin teen koorin na.

Aisaya 25:12

U saa biir Moab ŋapaara nan bi joonfɔkit na, ki sikinir tanbiinii ni.

Nikant 21:28

Kpanbar Sihonn kunkɔnkɔnna din nyii u digbangbeŋir nba tee Hesbonn na ni, ki naan nan muu nba tuu di na, ki dii Moab doo nba tee Ar na, ki bia dii niib nba be Arnonn kunkona paak na.

Sennu 2:18

‘Dinna daar nba na, i saa gar Moab kpaar paak ki tɔkin nyi Ar.

Sennu 2:19

I-i saa kii per Amonn teeb, binba tee Lot yaaboona na yent, i daa daamiib koo ki piint kunkɔna nammii, kimaan n ki yaa min ŋmit tiŋ nba ki n turib na ki turini.’ ”

Sennu 2:9

Ki Yennu betin a, ‘I daa daamii Moab niibi, bi tee Lot yaaboonae, i daa kɔn nammii. N jii Ar tiŋ na ki turiba. N ki yaa min ŋmit bi tiŋ na ki turini.’ ”