Aisaya 14:32 - Yennu Gbouŋ Mɔɔr

³² Ti saa pak toomii nba nyii Filistia yent ni ki baar ti boor na bee? Ti saa pakib nan Yennu-e senn Sayɔnn, a u niib nba di fara na n la fatu leŋ.

Aisaya 14:32 ပူးပေါင်းရင်းမြစ်များ

2 Samuel 8:10

ki u tun u bija Joram a wun saan foont kpanbar Defid ki kpakitɔ, ki turɔ bona nba ki bi jii salimmɔna nan salimpeena nan kutmɔnt ki nan na, kimaan bat Toi din kɔn nan Hadadeser nan taar munŋaa naewa, ŋaan ki ki fit nyannɔ.

Yaŋ 102:16

Yoo nba ki Yennu saa ŋamm maa Sayɔnn na u saa fiit u yabint ki wann.

Yaŋ 102:28

Ti waas sii be bi yamanie, ki a fatu nie ki ti yaaboona sii be fanu.

Yaŋ 48:4

Ki kpanbara taan leeb ki baar a bin kɔn nan Sayɔnn kunkonn doo na.

Yaŋ 87:1

Yennu maa u doo Jerusalem kasii kunkona paak.

Yaŋ 87:5

Ki bi tan saa pak Sayɔnn po ki yet nan digbana kur nyii u nie, ki Yabint Daanɔ saa te ki u mɔk paŋ.

Barjokit 18:10

Yennu tee nan difoouk nba mɔk paŋ nae, ki tee siaminba ki popeenn damm saa kɔɔ la tinnu.

Aisaya 11:4

U saa bu tarii buut fanu, ki kɔn talas damm paak. U tuu saa tur mɔbe ki bin dat niib tuba, ki nibiit na saa kpo.

Aisaya 12:6

Ŋaant ki wunba be Sayɔnn kur-ii hoot kii yiin, kimaan ŋamm Israel teeb kasii Yennu mɔk yiikoo, ki be u niib boor.”

Aisaya 25:4

Talas damm nan tarii chiar ki baar a boor, ki be bi yamani daamii yoo. Fine turib gungurboor sajakper yoo, ki bia turib maasu, wɔruk yoo. Nɔɔnbiit damm tuu lek nan wonpaaruk nae,

Aisaya 28:16

Li paak, Yabint Yennu nba piak linbae na a: “N fɔkint fiakir nba wakii ki mɔk paŋe Sayɔnn ni. Li lɔtik nie ki n sent tann nba mɔk paŋ, ki mɔbona na sɔb li paak a, ‘Yada nba paar mun bia mɔk sukurue.’

Aisaya 29:19

Tarii nan sikin-n-mɔŋ damm saa ŋamm la parpeenn nba ki Israel teeb kasii Yomdaanɔ Yennu na saa tur.

Aisaya 37:32

Niib sii be Jerusalem nan Sayɔnn kunkonn paak ki tee binba tinn, kimaan Yabint Yennu-e lor a linba na n tun.

Aisaya 37:9

Mɔmaan din baar Asiria teeb na nan Sudann bat Tirhaka gar Ijipt kunkɔnkɔnna tɔɔnn, ki baat a bin worib. Asiria kpanbar na nba gbat nna maŋ, ki u tur Juda kpanbar Hesekia gbouŋ

Aisaya 39:1

Li sakir ni, ki Babilonn kpanbar Merodak Baladann, wunba tee Baladann bija na, gbat nan Hesekia tuu yiar ŋaan la laafiawa, ki u tun toomiinba ki turɔ gbouŋ nan piinii.

Aisaya 4:6

Li saa bakin doo na ki lin nyi yonnu tonu ni, ki teenir parmaasir boor, ki lin nyi saak nan wouŋ biiru ni.

Aisaya 44:28

Ki n pak kpanbar Sairus a, ‘Fine saa dia n niib ki turin; ki a saa tun linba ki n loon. A saa tur mɔb ki bin ŋamm maa Jerusalem ki bir jiantu ŋasaakak na fiakir.’ ”

Aisaya 54:11

Ki Yennu yet a, “Jerusalem, fin doo nba di biak ki kaa sommtɔɔ, ki sɔɔ kaa ki saa maan a par na, n saa ŋamm maa a fiakir nan tanbinyinyira nba ki li daauk paare.

Aisaya 57:13

I-i taŋi fabin ki loon sommir yoo nba, yin te i tingbana maŋ n tinni. Sajaperinne tan saa jiib ki yaat namm, ŋaan damm nba teenin yada sii mɔk manfoor, tiŋ na ni, ki bia sii jiantirin, n jiantu ŋasaakak ni.”

Esekiel 48:35

Ki doo na joona ŋanna na fɔkint taan tee maar ŋanloob. Laa nyii dinna ki saa, doo na sann sii tee “Yennu-be-nna-na.”

Sefania 3:12

N saa te ki niib nba mɔk sikin-n-mɔŋ nan soon nna binbeŋ na n tuu baar n boor ki lon sommir.

Sekaria 11:11

Li paak, mɔlor na din piine li daar. Binba din daa pei maŋ ki bia kɔib na din goriime, ki bann nan Yennu-e piak linba ki n tuun na ni.

Sekaria 11:7

Binba daa pei maŋ ki tɔɔt ki kɔi nae jɔɔmin, ki n tee pei nba ki bi yaa bin kpib na pekpaarik. Ki n jii gbianii ŋanlee, ki pur yenɔ “Sommir,” ki pur lɔɔ na “Mɔtaauk.” Ki n gorii pei na.

Matiu 16:18

Fin Piita, min ŋarin beerae, a tee tanne; ki tanpiiuk na paake ki n saa jii n niib ki senn; ki kuun kan fit nyannibi.

Hiibru teeb 11:10

Kimaan Abraham din guu a wun tan kɔɔ doo nba ki Yennu bɔɔn ki maa na nie, ki li dooe tee linba sii yɔɔ be.

Hiibru teeb 12:22

Ŋaan yimm ŋarin baar kunkonn nba sann tee Sayɔnn, linba tee manfodaanɔ Yennu doo, ki tee Yendɔuŋ ni Jerusalem, siaminba ki malakanba tusaa tusaa lakin nan parpeenn nae.

Jeems 2:5

N naa walonkai, gbiintir man, Yennu-e gann binba tee nandamm tingbouŋ na niib boor, a bin teen mɔkita u boor, kimaan bi teenɔ yadae, ki teen u waas nba saa di naan nba ki u senn mɔsonn a u saa tur binba loonɔ na.