Aisaya 14:2 - Yennu Gbouŋ Mɔɔr

² Digbana bonchiann saa somm Israel teeb ki bin ŋmat bi tiŋ nba ki Yennu turib na ni, ki digbana maŋ sii tee yommii ki tuun teen Israel teeb. Binba din kɔn nyann Israel teeb na, ŋaan mɔtana Israel teeb saa kɔn nyannib, ki Israel teeb maŋ sii dia damm nba din dinnib biak na.

Aisaya 14:2 ပူးပေါင်းရင်းမြစ်များ

Yaŋ 68:18

U saa jii binba ki u nyann ki soorib na, ki do namm sanpaapo, ki saa gaar piinii niib boor, niib nba tee mɔyêtdamm na gbaa, u saa gaar bi piiniiwa. Yabint Yennu, a sii be leŋe.

Aisaya 18:7

Yoo baat, ki Yabint Yennu tan saa gaar piinii, ki lin nyi tiŋ nba ki mɔka bɔkitir na ni, niib nba mɔk paŋ nan yiikoo, ki fɔk ki tee gbananŋiŋara, ki durinya munn niib tiimm na. Bi saa baar Sayɔnn kunkonn paak, siaminba ki bi jiantir Yabint Yennu na.

Aisaya 31:8

Bi tan saa biir Asiria teeb, tɔb nie, ŋaan li kii tee nisaarik paŋ kaa. Asiria teeb saa chiar tɔb ni, ki bi naasimm saa teen yommii.

Aisaya 45:14

Ki Yennu yet Israel teeb a, “Ijipt nan Sudann mɔkint sii tee i yare, ki Seba jafɔkit na sii tee i yommii, ki waa i poor po, ki jarit diab. Bi saa gbaan i tɔɔnn ki pak kat a, ‘Yennu be nani, u kɔɔe tee Yennu,

Aisaya 49:22

Yabint Yennu yet u niib a, “N saa tur digbana nyinn, ki bi saa kunn i waas.

Aisaya 49:23

Kpanbara sii tee nan bi baanba nae ki turi, ki poobatnba tee nan bi naanba na. Bi saa baa fabin i tɔɔnn, ki turi baakir, ki sikin bi mɔŋ ki turi jirima, ki i saa bann nan mine tee Yennu, ki wunba guu n sommir kan di fei.”

Aisaya 49:25

Yennu yeen a, “Linba saa tume na. Bi saa jii kunkɔnkɔntondaanɔ dansarii na ki yaat namm, ki bia fat kunkɔnkɔntondaanɔ bona. N saa kɔn nan wunba kur kɔn nani, ki saa tinn i waas.

Aisaya 54:3

A saa tant a kpaar lokir kur po, a niib saa gaar tiŋ nba ki digbangana niib kar leŋ na. Doi nba dɔɔ koont na saa gbee nan niib.

Aisaya 60:14

Binba dinta biak na yaaboona tan saa baar ki gbaan a tɔɔnn ki tura baakir, ki binba yisima na kur tan saa gbaan ki jianta, ki saa yiina a, ‘Yennu doo,’ ki bia sii yiia ‘Sayɔnn nba tee Israel teeb kasii Yennu doo.’

Aisaya 60:4

Gotir lint a mɔŋ ki la linba tuun, a niib lakinte a bin kpen. Bi saa jii a bonpoi na nan bi tee waase na. A bonjai saa nyi banfɔka ki kpen.

Aisaya 61:5

N niib, boorganu saa jianti. Bi sii gorii i bonkobit, ki sii ko i kpaant, ki ŋamii i daan tiinii,

Aisaya 66:12

Ki Yennu ŋamm yet a, “N saa turi mɔkint nba sii yɔɔ be-e, ki digbana mɔkint sii baat i boor, nan mɔkir nba yɔɔ puub ki ki fɔɔt na. I sii tee nan bik nba ki u naa tuu mɔɔntɔ, ki diau u nii ni, ki goriiɔ nan lomm nae.

Jeremaya 30:16

Ŋaan mɔtana n saa biir binba kur biiri na, ki bi saa soor i datai kur ki teemm yommii. Binba dinti biak na kur mun saa di biak, ki binba fiar i bona na, siab mun saa fat bi yara.

Jeremaya 49:2

Ŋaan yoo baat ki n saa te ki Amonn teeb digbansaakar Raba niib n gbat tɔb fuur, ki li saa biar langbent, ki li digbanbis na saa di muu. Ki Israel teeb saa ŋmat gaar bi tiŋ binba din fat na boor.

Esekiel 39:10

Ki Israel teeb na ji kii mɔk bin saan muuk ni ki saa yiir daat, koo ki chɔɔ tiinii fɔɔr ni, kimaan bi sii dia kunkɔntiat nba ki bi datai nyik nae ki kuu muu. Ki bi saa fat niib nba tuu fiarib na bona kur.” Yabint Yennu-e pak na.

Daniel 7:18

Ki Yabint Yennu niib na saa gaar tingbouŋ na yent, ki diar mɔkmɔk nan mɔkmɔk.”

Joel 3:8

N saa te ki bin kɔi i bonjai nan i bonpoi ki tur Juda teeb, ki bi mun saa kɔib ki tur Sabea teeb nba kɔɔ banfɔka na. Min Yennu-e pak na.

Liifai teeb 25:44

Li-i tee ki i loon daaba, yin saan ki daab niib nba kɔɔ ki lintii na boor.

Obadia 1:17

“Ŋaan Sayɔnn kunkonn paak, siab saa tin paak, ki li sii tee kasii boor. Ki Jakɔb ŋaateeb saa yent tiŋ nba tee bi yar nan barmɔnii.

Sekaria 2:13

Sɔɔ kur-ii ŋmin soon nna Yennu tɔɔnn, kimaan u saa nyi u kasii binbeboor na ki baar.

Sekaria 2:9

“Yennu mɔŋe saa kɔn nani, ki niib nba tuu tee i daaba na saa nyanni, ki fat i mɔkint ki yaat nann.” Li-i teen nna yoo nba, sɔɔ kur saa bann nan Yabint Yennu-e tumin.

Barŋanii nba ki LUK din sɔb nae na 12:45

Ŋaan li-i tee ki daabir maŋ yet u mɔŋ a u chanbaa kan jen yiami, ki ji piin boo daabilia na, li jab nan poob, ki bia di ki nyu daan ki yib,

Rom Teeb 15:27

Li tee mɔniie nan bi mɔŋ loomme ki bi teemm piinii na. Li ŋan bin turib, kimaan Yennu barŋanii nba nyii Jerusalem niib boor ki baarib na paak. Ŋanne te ki li ŋan nan bin teen piinii maŋ.

2 Korint teeb 10:5

ki nyant niib nba mɔk karinbaanii ki dukii a bi mɔk yan ki gar Yennu na, a ti te ki sɔɔ kur dudukit n gaar Masia.

Galasia teeb 5:13

N naa waas, Yennu yiini yent-n-mɔŋ nie, ŋaan i daa te ki i yent-n-mɔŋ maŋ n tan te ki i gbanant niɔŋ n nyannini. Ŋaan yimm n jii lomm ki somm i leeb man.

Efesus teeb 4:8

nan laa poŋ sɔb Yennu gbouŋ ni biaŋinba na a: “Waa din doo sanpaapo yoo nba, ki u nyinn yommii ki ŋaab yann, ki tur nisaarii piinii.”

Fiitu 3:9

Nnara, binba tee Sintaanii niib, fai damm nba yaa bi tee Juu teeb ŋaan ki ki tee na, n saa te ki bin baar ki baa fabin i tɔɔnn, ki bann nan n set looni.