Aisaya 14:1 - Yennu Gbouŋ Mɔɔr

¹ Yennu bia tan sii mɔk ninbatinu nan u niib Israel teeb, ki saa ŋamm gannib ki teemm u niib. U saa te bin ŋamm kɔɔ bi tiŋ ni, ki boorganu saa baar kɔɔ namm.

Aisaya 14:1 ပူးပေါင်းရင်းမြစ်များ

Estaa 8:17

Doi kur nan yent kur ni, siaminba ki bi din tuu karin kpanbar gbant na, Juu teeb na din tuu teen li daar foon daare, ki di jaamm nan kpinkpammuk, ki mɔk parpeenn. Barmɔnii, niib bonchiann din kpant Juu teeb, kimaan bi din tiin Juu teeb na jaŋmaanii li yoo.

Yaŋ 102:13

A saa fiir ki tin Sayɔnn doo ninbaauk, kimaan yoo baar nan fan tinir ninbaauka; yoo nba nae jaŋ.

Yaŋ 102:14

Laa lek biir na, ŋaan timm a toontunna loonir, laa lek tee langbent na, ŋaan ti tiinir ninbaauk.

Yaŋ 143:12

Faa mɔk lomm nanin na paak, a kpi n datai ki biir binba dintin biak na, kimaan n tee a toontunnɔe.

Yaŋ 98:3

U dia u mɔsonn nba ki u din senn ki tur Israel teeb na, nan u mamɔmm nan u lonchiɔŋ nba ki u turib. Nisaarii nba be siar kur po la Yennu nyannu nawa.

Aisaya 19:18

Li yoo-i baar, Ijipt digbana ŋanŋmu ni niib tan sii piak Israel teeb danmaan, ki bia poor mɔpora Yabint Yennu sann ni. Doyenn sann tan sii tee “Biiru doo.”

Aisaya 21:1

Mɔmaan na jiin Babilonia poe. Sajaperinn nba tuu piar kunkoouk biaŋinba na, nnae ki biak saa nyi yanputuk tiŋ ni ki baar.

Aisaya 27:6

Yoo nba baat na, Israel niib, Jakɔb yaaboona na, tan saa baa jiina nan tiik nae, ki yinn puuk ki yit. Lɔɔna nba ki bi saa lon na saa gbee tingbouŋ na.

Aisaya 41:8

“Ŋaan yimm Israel teebe tee n toontunna, ki tee niib nba ki n gann, kii tee n yɔɔk Abraham yaaboona.

Aisaya 41:9

N din nyii nani durinya na kpinii poe, ki yiini banfɔkawa ki i baar. Ki n yeti a, ‘Yimme tee n toontunna.’ N din ki yêti kaa, ŋaan n din gannie.

Aisaya 44:1

Yennu yet a, “Gbiintir man, yimm Israel teeb nba tee Jakɔb yaaboona, ki tee n toontunna nba ki n gann.

Aisaya 45:14

Ki Yennu yet Israel teeb a, “Ijipt nan Sudann mɔkint sii tee i yare, ki Seba jafɔkit na sii tee i yommii, ki waa i poor po, ki jarit diab. Bi saa gbaan i tɔɔnn ki pak kat a, ‘Yennu be nani, u kɔɔe tee Yennu,

Aisaya 47:1

Yennu din yet a, “Babilonn, fiit a naan gbant paak, ki sik tiŋ ni, ki kar tanbiinii ni. Sianyoo, a din tee nan sapaanmunn nae, ki tee nan doo nba ki bi ki nyannir na, ŋaan a ji ki ban be a yamani, mɔtana a tee yommike.

Aisaya 49:10

nyunnyukuru koo kon kan soorib. Yonnu nan tinkorik wɔruk kan teenib siar, kimaan wunba mɔk lomm namme saa gar bi tɔɔnn. U saa saan namm nyuntona boa.

Aisaya 49:13

Sanpaak, ii yiin yaŋ. Tingbouŋ, ii hoot kii kpamm, ŋaant kunkona-ii yiin yanii. Yennu saa maan u niib para, u sii mɔk ninbatinu nan u niib nba di biak na.

Aisaya 49:15

Ki Yennu jiin a, “Poo saa tamm u bik powa-a? U kii loon u bik nba ki u marɔ na-a? Li-i lekii tee ki poo saa tamm u bik po, ŋaan min kan tamm i po.

Aisaya 49:25

Yennu yeen a, “Linba saa tume na. Bi saa jii kunkɔnkɔntondaanɔ dansarii na ki yaat namm, ki bia fat kunkɔnkɔntondaanɔ bona. N saa kɔn nan wunba kur kɔn nani, ki saa tinn i waas.

Aisaya 49:7

Israel teeb kasii Yennu nba tee bi tinntɔɔ na, yeen wunba ki digbana yisimɔ bonchiann, ki bia namɔ, ŋaan ki u tee doo diara toontunnɔ na a, “Kpanbara saa la ki bi ŋaa-a, ki bi saa fiir ki tura jirima, ki tɔɔndamm mun bia saa lar, ki gbaan jianta.” Linba na saa tun, kimaan Yennu gann u toontunnɔwa, Israel teeb kasii Yennu na dia u mɔsona.

Aisaya 54:3

A saa tant a kpaar lokir kur po, a niib saa gaar tiŋ nba ki digbangana niib kar leŋ na. Doi nba dɔɔ koont na saa gbee nan niib.

Aisaya 55:7

Nitont n nyik binbeŋ nba ki bi be na, ki bia lebit dudukit nba ki bi dukii na. Ŋaant ki bin jen ti Yomdaanɔ Yennu boor. U mɔk ninbatinu, ki nyik chabit yian yian.

Aisaya 56:3

Boorganu nba tabin u mɔŋ nan Yennu niib na daa yeen a, “Yennu kan sak man taan u niib na ki jiantɔ.” Jɔɔ nba ki bi tɔɔu daa dukii nan waa kan fit mar waas na, u kan ban pukin Yennu niib ni.

Aisaya 60:10

Yennu pak tur Jerusalem a, “Boorganue saa ŋamm maa a joona, ki bi kpanbara sii jiantira. N bo be wutoor nie ki dat a tubir, ŋaan mɔtana n saa tina ninbaauk, ki tura sommir.

Aisaya 60:14

Binba dinta biak na yaaboona tan saa baar ki gbaan a tɔɔnn ki tura baakir, ki binba yisima na kur tan saa gbaan ki jianta, ki saa yiina a, ‘Yennu doo,’ ki bia sii yiia ‘Sayɔnn nba tee Israel teeb kasii Yennu doo.’

Aisaya 66:20

Bi saa nyi nan i tiŋ ni nileeb na kur digbana ki jen namm, ki bi sii tee piinii ki turin. Bi saa jakinib taanii nan bontaanii nan laagumiinba nan taantorit nan jika torite, ki jen namm Jerusalem, n kasii kunkonn paak, ki li sii tee nan Israel teeb nba tuu teen jeet piinii, bona nba yeen na ni, ki baar nann jiantu ŋasaakak ni biaŋinba na.

Jeremaya 16:15

Ŋaan bi sii poor n sann ni, a Yennu nba fo, ki nyinn Israel teeb gaŋ po tiŋ na ni, ki nyinnib digbanlia nba ki n din yat kɔɔmm na ni. N saa jen namm bi tiɔŋ digbann ni, tiŋ nba ki n tur bi yeejamm na ni. Min Yennu-e pak na.”

Jeremaya 29:14

Nn, n yeen nan i saa lan ki n jiin kaani i tiŋ ni. N saa nyi nani tiŋ kur ni nan siaminba kur ki n daan yat saan nani na, ki jen nani tiŋ nba ni ki n daan nyinni ki saan nani yommisin ni na. Min Yennu-e pak na.’

Jeremaya 30:8

Yabint Yennu yet a, “Li daar-i baar, n saa kɔnn yɔkit nba yɔɔk bi turii ni na, ki bia pit jarit na, ki bi ji kii tee digbangann teeb na yommii.

Jeremaya 31:4

N bia saa fiiniwa. I saa ŋamm jii i naayaka ki waa waak nan parpeenn,

Jeremaya 50:33

Yabint Yennu yet a, “Israel teeb nan Juda teeb be mukir nie. Binba nyannib ki soorib na guube fanu, ki kan chabib ki bin yaati.

Jeremaya 51:51

I yeen a, ‘Ti dii fei ki la yukpiasira, ti la nan ti ki mɔk sommtɔɔ nan yenɔkɔɔwa, kimaan boorganu gaar kasii boa nba be Yenjiantu Ŋasaakak ni nawa.’

Esekiel 16:60

Ŋaan min ŋarin tian mɔlor nba ki n lor nana, yoo nba ki a din tee sapaamɔ nawa, li paak, n saa tura mɔsonn nba kan ban biir.

Esekiel 47:22

Li sii tee i faare yoo nba kaa paak. Ki boorganu nba kɔɔ nani, ki mar waas i boor na, i-i taŋi bɔkit tiŋ na yoo nba, yin turib tor. Ii diab nan bi tee Israel teebe na, ki te ŋamm nan Israel booru na n tuu lakin tɔ tiŋ na paak naatɔɔt.

Sekaria 1:17

Malaka na bia betin a n mɔɔnt a, “Yabint Yennu yet a u doi na yaan saa ŋamm gbee nan mɔkint, ki u bia saa ŋamm somm Jerusalem teeb, ki gaar doo maŋ, ki lii tee u mɔŋ yar.”

Malakai 1:11

Niib kur nba be durinya na ni, laa nyii kpiŋ ki saa tuu kpinleek po, bi teenin baakir. Lokir kur po, bi jokit bonnunubit ki teenin, ki bia piinin maruŋ bona nba ŋan. Bi kura baakitin.

Barŋanii nba ki LUK din sɔb nae na 1:54

Waa din senn mɔsonn ki tur ti yeejamm Israel teeb nba tee u toontunna na, u tian li po ki sommitib.

Barŋanii nba ki LUK din sɔb nae na 2:32

U sii tee yentu ki fiit a sɔnu ki wann binba ki tee Israel teeb na, ki bia baar nan dontir ki tur a niib Israel teeb.”