Aisaya 13:13 - Yennu Gbouŋ Mɔɔr

¹³ N saa te ki sanpaak n jekir, ki tingbouŋ na n damm li fiakir ni, daar nba ki min Yabint Yennu saa wann n wutoor na.

Aisaya 13:13 ပူးပေါင်းရင်းမြစ်များ

JOB labaar 9:6

Yennu-e te ki tiŋ jekin, ki ŋakin jaantarii nba dia tingbouŋ na.

Yaŋ 18:7

Ŋanne ki tingbouŋ damm ki nik, ki jɔjaana fiaka bekint ki jekir; kimaan Yennu wutoor doowa.

Yaŋ 88:16

ki a wutobiiuk na butima, ki a jaŋmaansooruk leku na biirin.

Aisaya 2:19

Nisaarii saa gur tanfiat nba be jɔɔt ni, koo ki gbiir bootii tiŋ ni, a bin bɔr nyi Yennu wutoor ni, nan u paŋ, nan u yiikoo nba baat bi paak na, yoo nba ki u saa baar a wun nik tingbouŋ na.

Aisaya 21:1

Mɔmaan na jiin Babilonia poe. Sajaperinn nba tuu piar kunkoouk biaŋinba na, nnae ki biak saa nyi yanputuk tiŋ ni ki baar.

Aisaya 23:11

Yennu tant u nuue mɔkgbeŋir paak ki nyann digbana. U tur yaak a bin biir Fonisia teeb kpinkpouŋ doi na.

Aisaya 24:1

Yennu saa biir tingbouŋ na ki nyikir yann. U saa kut ŋmat tingbouŋ na, ki yat li niib.

Aisaya 24:18

Wunba lɔkit wahala na saa baa bootuk ni, ki wunba lɔkit bootuk na saa sik baruk ni, ki sajakper matuŋ saa baa, ki tingbouŋ na fiakir saa damm.

Aisaya 24:19

Tingbouŋ na saa put bɔkit ki yaa.

Aisaya 34:4

ki yonnu nan ŋmaarik nan ŋmaabira saa nann ki kpant tant. Sanpaak saa bot nan baa tuu pin dindɔɔnmɔŋe na, ki ŋmaabira saa baa nan sinsabik tituut koo kinkana nba tuu baa biaŋinba na.

Aisaya 47:1

Yennu din yet a, “Babilonn, fiit a naan gbant paak, ki sik tiŋ ni, ki kar tanbiinii ni. Sianyoo, a din tee nan sapaanmunn nae, ki tee nan doo nba ki bi ki nyannir na, ŋaan a ji ki ban be a yamani, mɔtana a tee yommike.

Aisaya 51:6

Gotir sanpaak, ki got tingbouŋ. Sanpaak saa bot nan munyuut nae; ki tingbouŋ n kpet nan kparchant na, ki li niib kur saa kpo nan kpajuut nba kpenn biaŋinba na. Ŋaan maa baat nan tinnu nba na sii yɔɔ be-e. N nyannu nae sii tee linba see.

Aisaya 9:19

Yabint Yennu wutoor nba doo na paak, ki u tubdatu na di nan muu na tiŋ na kur po, ki kpi niib maŋ, sɔɔ kur gbaa a wun tinn u mɔŋe.

Jeremaya 51:1

Yennu yet a, “N baat nan wonbiiuko a man biir Babilonn tiŋ nan li niib.

Fabinii 1:12

Ki u yikin ki teen sɔngar teeb na kur a, “Gotirin man. Sɔɔ daa ki ban la gbanantont nan n yar na na, ki li tee gbanantont nba ki Yennu teenin, yoo nba ki u wutoor doo.

Joel 3:16

Yennu kunkɔr saa nyi Sayɔnn kunkonn paak; ki u kunkɔr n tant ki nyi Jerusalem po; ki tingbouŋ nan sanpaak n jek, ŋaan Yennu saa kɔn u niib paaka.

Matiu 24:29

“Biak na poorpo ki yonnu tan saa bɔnn, ki ŋmaarik ji kan yenti; ki ŋmaabira tan saa nyi sanpaapo ki baa, ki linba kur be sanpaapo tan saa damm ki ŋmat ŋmat.

Matiu 24:35

Sanpaak nan tiŋ tan saa gara, ŋaan n maan ŋarin kan mi gari.

2 Piita 3:10

Ti Yomdaanɔ daar maŋ baaru tan sii tee nan nanyukɔ baaru nae. Li daar maŋ, sanpaapo saa gbenn nan fujaann; ki muu nba di bonchiann tan saa di sanpaapo bonsiar kur, ki tingbouŋ na nan bonsiar kur nba be leŋ tan saa di muue ki boont.

Fiitu 20:11

Ki n bia la naangboungbeŋir nba peen bonchiann, nan wunba kar li paak na; ki tingbouŋ nan sanpaak mir bot u tɔɔnn, ki sɔɔ ji kan mi lar.