Aisaya 11:2 - Yennu Gbouŋ Mɔɔr

² Yennu Seeke saa turɔ yanfoon nan bannu nan minu nba ki u sii dia u niib. U sii mi Yennu loomm ki baakitɔ,

Aisaya 11:2 ပူးပေါင်းရင်းမြစ်များ

2 Samuel 23:3

Israel teeb Yennu-e pak, wunba guu Israel teeb nae betin a: “Kpanbar nba dia u niib nan barmɔnii, ki bia diab nan Yentinu

Yaŋ 72:2

ki lin te wun fit dia a niib nan barmɔnii, ki bia dia talas damm na nan popeensin.

Nyinu 28:3

A yet gbanjabira nba ki n turib yanfoon na, ki bin nyar liant maŋ ki turɔ, ki a kaanɔ ki wuu tee manntɔɔ.

Aisaya 28:6

U saa tur binba tee barbuura na mamɔmm yan, ki bia tur binba guu doo na tammɔi ki bi ki lekin na parcheenn.

Aisaya 32:15

Ŋaan Yennu bia tan saa turit u Seeka. Tinfukirik na tan saa kpiak, ki kpaant saa nan jeŋant,

Aisaya 42:1

Yennu bia yet a, “N toontunnɔe na, ŋɔɔe ki n kɔɔnɔ paŋ. Ŋɔɔe ki n gannɔ, ki n par mei u paak. N jii n Seeke ki teen u ni, ki u saa baar nan buut nba took digbana kur paak.

Aisaya 48:16

“Nakint n boor, ki gbat maa piak linba. Pinpiik niwa, n din piak paanu nie, ki tuu te ki n mɔbona na n mann mɔnii.” (Mɔtana, Yabint Yennu-e turin u Seek ki tumin.)

Aisaya 59:21

N lor mɔlore nani, ki turi n Seek nan n wannu, ki li sii tee i yar yoo kur; laa nyii mɔtana ki saa, li tee yin sak n mɔbe, ki bia tumii i waas nan i yaaboona ki bin sak n mɔb yoo kur.”

Aisaya 61:1

Yabint Yennu Seek be n ni. U gannin ki tumin a man mɔɔnt barŋanii ki tur tatimm, ki maan binba para biir na, ki mɔɔnt tur yommii ki bin la yent-n-mɔŋ, ki mɔɔnt tur dansarkɔɔra ki bin la fat-n-mɔŋ.

Aisaya 9:6

Bi mar bik ki turita. Bi turit bonjaka. Ŋɔɔe sii tee ti diatɔɔ. Bi sii yiu, “Bakitnauŋ ŋmakit-tɔɔ,” nan “Yabint Yennu,” nan “Baa nba yɔɔ be,” nan “Parmaasir kpanbar.”

Sekaria 4:6

Ki malaka na betin a n yet Serubabel maan nba nyii Yennu boor na a, “Yabint Yennu yet a, li ki tee a paŋ, koo a yiikoo kaa, ŋaan n Seeke saa tura nyannu.

Matiu 3:16

Waa wur Yiisa Yennu nyunwuru ki gbenn yoo nba, ki Yiisa nyii nyun na ni; li taakpaak ni ki sanpagbouŋ loot, ki u la ki Yennu Seyeeŋ siik ki tee nan ŋmann, ki tan jakin u paak.

Jɔɔnn 15:26

“Tɔn, n saa tun Sommtɔɔ i peŋ, wunba tee Yennu Seyeeŋ ki want barmɔnii wannu na. U saa nyi n Baa Yennu boore ki baar i peŋ, ki pak n po.

Jɔɔnn 16:13

Yennu Seyeeŋ nba want barmɔnii na, wuu taŋi baar yoo nba, u saa wanni barmɔnii kura. U tan kii piak u mɔŋ mɔŋ maan kaa, ŋaan u tan sii wanti linba ki u gbia Yennu boore, ki bia sii beeri linba tan saa teene.

Jɔɔnn 3:34

Yennu Bija nba ki u tumɔ na piak Yennu maame, kimaan Yennu tur u Bija maŋ Seyeeŋ nba yab ki kaa bikinu.

Toona 10:38

I bia poŋ mi biaŋinba ki Yennu nyinn Yiisa maŋ, ki turɔ u Seyeeŋ nan u paŋ, ki u lin tuun toonŋana, ki bia te binba kur ki Sintaanii teemm baatib na la laafia, kimaan Yennu be nanɔ.

1 Korint teeb 1:30

Ŋɔɔ Yennu-e taan timm nan Yiisa Masia ki u tee ti yan. U paake ki Yennu nyinnit daabisin ni, ki yet a ti tee niŋamm u boor, ki ji tee u niib.

Sennu 34:9

Joosua, wunba tee Nunn bija din gbee nan yanfoon, kimaan Moses paan nii u paak a wun gaar u seenu, u kuun poorpo. Ki Israel niib kur din sak Joosua mɔb, ki wei sennu nba ki Yennu din tur Moses a wun turib na.

2 Timoti 1:7

kimaan Seyeeŋ nba ki Yennu turit na ki teenit jaŋmaandamm kaa, ŋaan Seyeeŋ maŋ teent paŋ nan lomm, nan dia-n-mɔŋ binbeŋe.

Fiitu 1:4

Min Jɔɔnn-e sɔbin gbouŋ na ki teen Masiaweira nba be digbana ŋanlore ni, Asia yent ni na. Yennu nba din be, ki bia daa be, ki bia tan sii be mɔkmɔk nan mɔkmɔk, ki sei ŋanlore be u naangbouŋ tɔɔnn na, nan Yiisa Masia, wunba mɔɔntir Yennu maan nan barmɔnii, ki tee sinsinn daanɔ nba din fiir kuun ni, ki bia tee tingbouŋ na kpanbara kur Kpanbar na, bi lomm nan parmaasir-ii be nani. U loont, ki gaar ti paak ki kpo, ki nyinnit ti toonbiit daabisin ni,