Aisaya 11:12 - Yennu Gbouŋ Mɔɔr

¹² Yennu saa donn u nyinn fariŋ ki wann digbana nan u bia lakint Israel nan Juda niib nba yat nae, ki nyi namm durinya loka ŋanna kur po, ki jent namm.

Aisaya 11:12 ပူးပေါင်းရင်းမြစ်များ

Yaŋ 107:3

ki nyinni tingaŋ ni, li yondo po nan yonbaa po, niigaŋ po nan niidiitu po, ki jen nani na.

Yaŋ 147:2

Yennu ŋammit Jerusalem-e, u jent nan binba ki datai din soorib ki yaat namm nae.

Yaŋ 60:4

Ki binba baakita na, ki a teemm kpaanii, a bin tan nyi biiru ni.

Yaŋ 68:22

Yennu yet a, “N saa nyinn i datai Basann ki jen namm, ki bia nyinnib mɔkgbeŋa ni ki jen namm,

Aisaya 11:10

Daar baate ki kpanbar paaŋ tan saa nyi kpanbar Defid naan naakuuk ni ki tee nyinn ki tur booru kur. Bi tan saa lakin u naan digbann na ni, ki turɔ baakir.

Aisaya 18:3

Gbiintir man, yimm nba kur be durinya ŋaak na. Ii gorii nyinn fariŋ nba ki bi saa donn sanpaapo, kunkona paak na. Gbiintir naatunn mɔnii.

Aisaya 24:16

Ti saa gbat yaŋ, ki bi yiin banfɔkir durinya kur po, ki dont Israel digbann nba ki mɔk biit na. Ŋaan n yeen a, “N ki mɔk dindann. N boontiri na. Mɔlanfik damm tukin ki fukitir, ki bi lorbiit na kpaatir yoo kur.

Aisaya 27:13

Li daar-i baar, bi saa pebir naatunne ki yiin Israel teeb nba tee yommii ki be Asiria nan Ijipt tinii ni na. Bi saa baar ki tan jiant Yennu, u kasii kunkonn nba be Jerusalem na paak.

Aisaya 43:6

N saa pak gaŋ po ki wun te bin kun, ki bia pak diitu po ki u daa gɔibi. Ŋaant ki n niib n nyi banfɔka, durinya na munn po, ki ŋmat kun.

Aisaya 49:22

Yabint Yennu yet u niib a, “N saa tur digbana nyinn, ki bi saa kunn i waas.

Aisaya 49:5

Bi din tan maarin na ki sɔɔ Yennu gannima, u teenin u toontunnɔe a man jen nan u niib nba tee Israel teeb ki yat na. Yennu-e teenin baakir, n paŋ nyi u niŋe.

Aisaya 54:7

“Yoo waaminnae ki n nyika, ŋaan n saa ŋamm gaara nan lonchiɔŋo.

Aisaya 56:8

Yabint Yennu nba nyinn u niib Israel teeb yommisin ni, tingaŋ ni, ki kpen namm na, senn mɔsonn nan u saa baar nan nileeb ki pukin bi paak.

Aisaya 59:19

Laa nyii yondo po ki saa tuu yonbaa po, sɔɔ kur sii tiinɔ, u panchiɔŋ na paak. U saa baar nan nyunmɔnn nae, ki tee nan wonpaaruk na.

Aisaya 60:4

Gotir lint a mɔŋ ki la linba tuun, a niib lakinte a bin kpen. Bi saa jii a bonpoi na nan bi tee waase na. A bonjai saa nyi banfɔka ki kpen.

Aisaya 62:10

Jerusalem teeb, nyimin doo na ni man, ki faa sɔnu ki tur i niib nba jent na. Faan sɔnjar ki gbab tana. Ii teen dɔk ki digbana na n bann

Aisaya 66:19

ki bann nan mine daar bi tuba. “Ŋaan n saa tinn bi siab ki saan namm digbana nan tinii nba fɔk, ki ki ban gbat n sanjaann na po, koo ki la n yabint nan n yiikoo na. Li digbanae tee Speenn nan Libia nan Lidia, siaminba ki li niib mi tɔrbantɔnu bonchiann na, ki bia saan namm Tubal nan Griis. Digbana na nie, ki bi saa mɔɔnt n yabint nba tee.

Jeremaya 23:3

N saa taan n niib nba biar na, ki nyi namm digbana nba ki n din yatib na ni, ki jen namm bi dantiŋ ni. Bi saa pɔt pukin, ki sii yab bonchiann.

Jeremaya 30:17

N saa te ki yin la laafia, ki te ki i fiat na n buur, nan i datai na nba lek yeen a, ‘Sayɔnn tee digban-yanne, ki sɔɔ ki fiin u po’ na. Min Yennu-e pak na.”

Jeremaya 50:4

Yennu yeen a, “Yoo maŋ-i baar, Juda nan Israel niib kur sii mɔ ki baat, ki loon min nba tee bi Yennu na.

Jeremaya 51:12

Turin nyinn ki bin lek Babilonn joonjot. Kɔɔnt guuteeb na para. Sent guuteeb na bi seenii ni. Laan jab muuk ni man.” Yennu tun linba ki u yet a u saa tun ki tur Babilonn niib nawa.

Esekiel 28:25

Ki Yabint Yennu ŋamm yet a, “N saa jen nan Israel teeb nba ki n yatib ki bi be digbanlia ni na, ki lin te digbanlia na kur n bann nan n tee kasii. Ki Israel teeb na saa kɔɔ bi tiɔŋ tiŋ ni, tiŋ nba ki n din tur n toontunnɔ Jakɔb na.

Hosea 1:11

Ki Juda teeb nan Israel teeb saa ŋamm taan mɔb. Bi tan saa gann tɔɔndaanɔ yenɔkɔɔ bi tiɔŋ. Ki bi saa pɔt ki bia mɔkit bi tiŋ ni. Barmɔnii, Jesreel daar sii tee dajaanne.

Hosea 2:2

N waas, ii kpaan i naa; u lek ji ki tee n poo, ki n mun ki tee u sɔrɔ. Ii kpaanɔ ki wun nyik bonchonchonsin.

Sefania 3:10

Halii nan n niib nba yat ki be Sudann nawa tan saa baar nan piinii ki turin.

Sekaria 10:6

“N saa te ki Juda teeb-ii mɔk paŋ. N saa fat Israel teeb na. N sii mɔk ninbatinu bi paak, ki jen kpen namm, ki bi sii tee nan n ki mi yêtib na. Mine tee bi Yomdaanɔ Yennu; n saa gat bi miaruwa.

Sekaria 8:7

N saa fat n niib na, ki nyinnib bi datai nba saan namm siaminba kur,

Jɔɔnn 7:35

Ki Juu teeb tɔɔndamm na boi bi leeb a, “U yaa wun tan saan lee, ki ti kan lau? U yaa wun tan saan Griik doi ni, siaminba ki Juu teeb be na, kii sakii want Griik teeb na amii?

Sennu 32:26

N bo saa biiribe fas fas, ki sɔɔ kii tian bi po,

Jeems 1:1

Min Jeems nba tee Yennu toontunnɔ ki bia tee ti Yomdaanɔ Yiisa Masia toontunnɔ na foont Israel booru piik nan ŋanlee nba yat ki be tingbouŋ na kur po.

Fiitu 5:9

Ki bi yiin yanpaaŋ ki teen Pegann na ki yeen a: “A set jaŋ nan fan gaar gbanpɔɔbir na ki tabit li yiit ŋanlore nawa, kimaan a din kpoe ki jii a sɔn ki daa niib ki tur Yennu; niib maŋ nyii booru kur ni, nan mabooru kur ni, nan maaru kur ni, nan tingbouŋ na yent kur nie.

Fiitu 7:1

Li poorpo ki n la malakanba banna, ki bi see tingbouŋ na loka ŋanna na ni, ki dia wouŋ nba nyi loka kur po na, a li daa da tiŋ na paak, koo mɔkgbeŋa ni, koo tisiak paaki.