Aisaya 11:1 - Yennu Gbouŋ Mɔɔr

¹ Defid naan ŋaateeb na tee nan tiik nba ki bi chɔɔ lu-u nae; yiinu nba tuu tuk tigbir paak biaŋinba na, nnae ki kpanbar paaŋ saa nyi Defid yaaboona na ni.

Aisaya 11:1 ပူးပေါင်းရင်းမြစ်များ

2 Samuel 23:3

Israel teeb Yennu-e pak, wunba guu Israel teeb nae betin a: “Kpanbar nba dia u niib nan barmɔnii, ki bia diab nan Yentinu

1 Barkperii 2:12

ki Boas tee Obed baa, ki Obed tee Jese baa.

Yaŋ 145:11

Bi saa pak a naan baakir paŋ po, ki wann a yabint po,

Aisaya 11:10

Daar baate ki kpanbar paaŋ tan saa nyi kpanbar Defid naan naakuuk ni ki tee nyinn ki tur booru kur. Bi tan saa lakin u naan digbann na ni, ki turɔ baakir.

Aisaya 4:2

Yoo baat ki Yennu saa te ki bonpipiat nan tiik nba kur be tiŋ na paak n kpaat ki faŋ. Israel teeb nba kur tinn na saa la parpeenn nan parbifaant, jeet nba pia tiŋ ni na paak.

Aisaya 53:2

Li din tee Yennu lomme nan u toontunnɔ n kpaat nan bonpipiɔk na, ki baa jiina tinkooŋ ni. U din ki mɔk sanjaann koo fant nba saa te ki ti niɔŋ n kɔɔu. Fant siar din kaa u paak. Siar din kaa ki saa te tin nakinɔ.

Aisaya 6:13

Li-i tee ki niib piik ni yenɔ biar tiŋ na ni, n saa biirɔwa; u sii tee nan baa tuu chɔɔ kpinkpauŋ, ŋaan ki u dagbir n biar ki fiik tiŋ ni nae.” Dagbir na see Yennu niib pinpiin-paann seenu nie.

Aisaya 9:6

Bi mar bik ki turita. Bi turit bonjaka. Ŋɔɔe sii tee ti diatɔɔ. Bi sii yiu, “Bakitnauŋ ŋmakit-tɔɔ,” nan “Yabint Yennu,” nan “Baa nba yɔɔ be,” nan “Parmaasir kpanbar.”

Aisaya 9:7

U naan yiikoo sii kpaatire yoo kur; u naan sii yɔɔ be parmaasir nie, ki u saa gaar kpanbar Defid naan yent ki dia, ki u yiikoo sii gaa linba took nan barmɔnii paak, laa nyi mɔtana nan yoo nba waa mɔkmɔk nan mɔkmɔk. Yabint Yennu-e lor wun tun linba na.

Jeremaya 23:5

Ki Yennu yet a, “Yoo baate ki n saa gann Defid yaaboonn nba tee kasii, ki dinnɔ naan. Kpanbar maŋ sii dia niib nan subiniie, ki tuun linba ŋan ki bia took, tiŋ na kur po.

Jeremaya 33:15

Li yoo, n saa gann Defid yaaboonn nba tee popeendaanɔe ki dinnɔ naan. Kpanbar maŋ sii tuun linba ŋan ki bia tooke, tiŋ na kur po.

Esekiel 17:22

Dindasiar, min Yennu tan saa kɔnn kpek yiinu, ki saan nann kunkonn nba mantik fɔk, Israel tiŋ ni, ki bur li paak, ki li tee siaminba ki li saa kpaat, ki mɔk yiinpaara, ki bia lon lɔɔngbeŋaa.

Esekiel 37:25

Ki bi saa kar tiŋ nba ki n tur n toontunnɔ Jakɔb, ki li tee tiŋ nba ki bi yeejamm din kar na ni. Ki bi saa kar leŋ nan yoo nba kaa paak. Nnae mun ki bi waas nan bi yaaboona kur saa kar. Ki bi kpanbar sii tee nan n toontunnɔ Defid na, ki diab nan yoo nba kaa gbennu.

Maika 5:2

Yennu yet a, “Betlehem Efrata, a tee digbanbis nba be Juda yiar na ni yenne, ŋaan a niŋe ki n saa nyinn kpanbar, ki u saa dia Israel teeb, ki tee wunba ki u naakuuk bo be yaayoo niwa.”

Sekaria 3:8

Joosua, fin nba tee mannteeb yudaanɔ na, gbiintir. Mun gbiintir man, yimm nba tee mannteleeb na, yimme tee tɔɔnn po binbenŋaŋ nyinn. N saa baar nan n toontunnɔ nba ki bi yiu Tiik Yiinu na.

Sekaria 6:12

Betirɔ a Yabint Yennu yet a, ‘Jɔɔ nba ki bi yiu Tiik Yiinu na sii kpaatire, waa be siaminba na, ki tan ŋamm maa Yennu Ŋasaakak na.

Matiu 1:1

Yiisa Masia yeejamm piinue na: u din tee Defid yaaboonne, ki Defid mun tee Abraham yaaboonn.

Rom Teeb 15:12

Aisaya mun din sɔb Yennu gbouŋ ni a: “Jese yaaboonn tan saa baar ki Yennu saa chabɔ yaak, ki u tan sii tee binba ki tee Juu teeb na yudaanɔ, ki bi tan sii mɔk dindann u ni.”

Hiibru teeb 7:14

Sɔɔ kur poŋ mi nan ŋɔɔ Yiisa nyii Juda booru nie, booru nba ki Moses din ki mi pak siar bi po ki jiin mannteeb po.

Fiitu 22:16

“Min Yiisa-e tun n malaka, a wun tan fiit maan na ki tur n weira. Mine tee Defid yaaboonn, ki bia tee sanyafaar ŋmaajar nba nyɔkit na.”

Fiitu 5:5

Ŋanne ki saakab na yenɔ yetin a n daa bui, a n got wunba nyii Juda maaru ni, ki u sann tee Juda Yanbɔr na, wunba tee Defid Yaaboonjaann ki nyann bonsiar kur na, ŋɔɔe saa fit tabit yiit ŋanlore na ki pɔbit gbanpɔɔbir maŋ.

RUF labaar 4:17

Bi ŋakpias poob din pur bik maŋ sann Obed, ŋaan ji din kumii niib nan Nawomi la yaaboonn na. Obed din tan mar Jese, ki Jese mun mar Defid.

1 Samuel 17:58

Ki Sɔɔl boi Defid a, “Naasimɔ, a tee ŋmee bike?” Ki Defid jiin a, “N tee a toontunnɔ nba ki bi yiu Jese, wunba nyii Betlehem na bijae.”