Aisaya 10:2 - Yennu Gbouŋ Mɔɔr

² I tuun nnae ki gɔi tarii, ki bi ki laat bi mɔnii, ki bia ki laat ŋant. I tuun nnae ki fiar pakɔi nan kpeebii faar.

Aisaya 10:2 ပူးပေါင်းရင်းမြစ်များ

JOB labaar 31:16

N ki ban yêt ki ki somm nandammi, n bia ki ban te ki pakɔi be parbiir ni,

Yaŋ 94:6

Bi kpi pakɔi nan kpeebiie, ki kpi saamm nba kɔɔ ti tiŋ ni na.

Nyinu 23:6

“Tarik-i baar buut boor ki a la nan u mɔk mɔnii, fan turɔ u mɔnii.

Barjokit 22:22

A daa ŋmaab nandamm kimaan baa namii na paaki; a bia daa ŋmaab binba see barbuut boor ki ki mɔk sommitɔɔ.

Barjokit 30:14

Nisiab be ki tee binba fiar talas nan nandamm, bi tee nnae ki laat bi daar diisir.

Aisaya 1:17

ŋaan tumii toonŋana tumu. Ii tuun ŋant, ki somm binba be mukisuk ni, ki tur kpeebii bi mɔnii, ki bia kɔn pakɔi paak.”

Aisaya 1:23

A tɔɔndamm tee kpikpiruk damme nan nanyukii yɔɔsnba; yoo kur bi gaan piiniie nan mɔnyat. Bi ki taant kpeebii po barbuboor, ki bia ki gbiintir ki sommit pakɔi, yoo nba ki bi baar nan maan.

Aisaya 29:21

ki bia biir binba fa fai ki biir leeb sana na, nan binba gɔi nibiit tubdatu na, nan binba fa fai ki te niŋamm ki laat bi mɔnii na.

Aisaya 3:14

Yennu tan saa bu binba tee u niib tɔɔndamm nan saakab na buut. Waa tan saa bu bi buut ki biirib biaŋinbae na: “I fat daan tiinii kpaant, ki i ŋei gbee nan linba ki i fat tarii boor na.

Aisaya 3:15

Yaa biir n niib, ki bia ŋmaŋit tarii na, li ki ŋani. Min i Yomdaanɔ Yabint Yennu-e pak na.”

Aisaya 32:6

Jatuk piak jatmaame, ki dukii bonbiir nba ki u saa tun. Waa tuun linba, nan waa piak linba tee sukite ki teen Yennu, u ki ban tur binba ki kon mɔkib na jeet, koo ki tur binba nyunnyukuru mɔkib na nyumi.

Aisaya 5:23

Ŋaan mɔnyat paak ki i te biit damm saa yann, ŋaan gɔi mɔndamm na ki bi ki laat mɔnii.

Aisaya 5:7

Israel teebe tee Yabint Yennu daan tiinii kpaab; Juda teebe tee daan tiinii nba ki u bur. U daan a bin tun linba ŋane, ŋaan ki bi kpi niib. U daan a bin tun linba tooke, ŋaan binba ki bi mukisib na mɔ ki loon sommir.

Aisaya 59:15

Mamɔmm mantik waar, ki li te wunba nyik yanbɔntoona, ki bi dintɔ biak.” Yennu la linba nawa, ki u par biir nan niib nba ki laat bi mɔnii na paak.

Jeremaya 7:6

I daa ŋmaab saamm nan kpeebii nan pakɔi. I daa kpi niib kaat tiŋ na ni. I daa jiantir pata, kimaan ŋanne saa biiri.

Fabinii 3:35

Yennu mi yoo nba ki bi fiarit mɔnii nba ki u turit na ni.

Esekiel 22:7

I sɔɔ ki chɔrin i dammi, ki ŋmaab boorganu nan kpeebii nan pakɔi,

Amos 2:6

Yennu ŋamm yet a, “Israel teeb tun yanbɔmm ki bia ŋamm tun yanbɔmma, li paak, n saa dat bi tubawa. Bi kɔi niburchimm nba kan fit pa bi mɔŋ pana, nan talas damm nba kan fit pa bi mɔŋ taasaat paak nawa.

Amos 2:7

Bi tabit nibutimii nan fara damm, ki beer nandamm ki nyintib bi barmɔnii sɔnu ni, ki bik nan u baa taant ki dɔɔ nan poo yenɔ, ki biir n kasii sann.

Amos 5:19

Li sii tee nan nirɔ nba tuu chiar nyi yanbɔr boor ki saa chet naamuuk nae, koo li tan sii tee nan nirɔ nba kun u ŋaak ni, ki paan nuu joonn paak, ki waauk jumɔ nae.

Maika 3:1

Gbiintir man, yimm Israel tɔɔndamm. Li ŋan ki i baka-ii be barmɔnii ni,

Malakai 3:5

Yabint Yennu yet a, “N saa baar i boor ki tan bu binba tee jabaabuura, nan bonchonchona, nan faak siara damm, nan binba ŋmaab bi toontunna bi paauk ni, nan binba fiar pakɔi nan kpeebii nan nigamm bona, nan binba kur ki teenin baakir na buut.”

Matiu 23:13

Yiisa bia yet a “Yimm sennu wannteeb nan Farisiinba nba tee kpinkpannii damm na, li sii bi turi, kimaan yimme loo Yennu naan tammɔb a niib daa kɔɔ. I mɔŋ mɔŋ ki kɔɔ, ŋaan dɔk binba loon bin kɔɔ tammɔb maŋ na. ((