2 Timoti 3:16 - Yennu Gbouŋ Mɔɔr

¹⁶ Maan nba kur be Yennu gbouŋ ni na nyii u mɔb nie, ki li kur mɔk nyɔɔte, ki wantit u po, ki kpaanit, ki ŋammit ti benu, ki wantit yentinu sɔnu,

Yennu Gbounpaauŋ Mɔɔr

¹⁶ Maan kur nba be Yennu gbouŋ ni na nyii u mɔb nie, ki li kura mɔk nyɔɔte, ki wantit u po, ki kpaanit, ki ŋammit ti benu, ki wantit yentinu sɔnu,

2 Timoti 3:16 ပူးပေါင်းရင်းမြစ်များ

2 Samuel 23:2

Yennu Seek te ki n pak, ki u mɔbona be n jerin paak.

Nehemaya 9:20

A binbenŋaŋ paak, ki a din wannib baa saa teen biaŋinba. A din dinnib jeet nba tee mana na, ki bia turib nyun ki bi nyuu.

Yaŋ 119:11

N dia a sennu nae n par ni a lin te ki n daa tuun biit ki teena ni.

Yaŋ 119:130

Niib-i bann a maan paak, li tuu turib yentue, ki teen binba ki mi siar na yan.

Yaŋ 119:9

Naasimɔ saa teen nlee ki u binbeŋ-ii yeeni? See ki u sak gaar a sennii.

Barjokit 15:10

Fi-i yêt Yennu sɔnu na tɔkinu, u saa dat a tubir bonchiann. Fi-i yêt ŋmakitu, a saa kpoe.

Barjokit 15:31

Fi-i gbiin yoo nba ki bi ŋmakitira, fine mɔk yan.

Barjokit 6:23

Bi tumiiu maŋ tee yentu nba nyiirie; ki bi ŋmakitu na saa fit wanna faa sii be biaŋinba.

Maika 2:7

A dukii nan Israel teeb be mɔpor nie-e? Yennu kɔŋ sukurue-e? Yennu setik saa tun linba na booruwa-a? Yennu ki piak nan baakir ki teen binba tuun toonŋana-a?”

Sefania 3:2

Bi ki gbiint, koo ki gaar Yennu kpaanii. Bi ki teen Yennu yada, koo ki boiɔ sommir po.

Matiu 13:52

Ki u betib a “Li paak, Yennu sennu wanntɔɔ nba kur tumii n wannu, ki jiin Yennu naan po ki bann li paak fanu, u tee nan ŋaadaanɔ nba nyint bonkpera nan bonpaana u mɔkint ni nae.”

Matiu 21:42

Ki Yiisa boib a “I daa ki mi karin laa sɔb Yennu gbouŋ ni biaŋinba-a? Li sɔb a: ‘Tann nba ki tanmaara yêtir na, ŋanne tan tee lɔtik ni tanŋann, Yennu-e teen nna, ki li teent bakitnauŋ.’ ”

Matiu 22:43

Ki u ji boib a “Ki bee ki Defid din yiinɔ a ‘Yomdaanɔ?’ Yennu Seyeeŋ nba din gbee Defid na ki u yet a

Matiu 26:54

Ŋaan mi-i teen nna, nlee ki li saa tun ki gbeen linba sɔb Yennu gbouŋ ni ki yet a see ki n dii biak nba baat na?”

Matiu 26:56

Ŋaan linba na kur tun a lin gbeen Yennu sɔkiniinba nba din sɔb linba Yennu gbouŋ ni nae.” Li yoo ki u poorpoweiteeb na kur chiar ŋaan nyikɔ.

Barŋanii nba ki MAK din sɔb nae na 12:24

Ki Yiisa yetib a “I ki mi siari. Linba teen ki i ki mi na tee nnae: i ki mi Yennu gbouŋ, ki bia ki mi waa mɔk paŋ biaŋinba;

Barŋanii nba ki MAK din sɔb nae na 12:36

kimaan Yennu Seyeeŋe din gbee Defid ki u yet a, ‘Yennu din yet n Yomdaanɔ a, Karin n niidiitu po mɔkmɔk nan maa tan saa te fan ŋmaa a datai a taapauŋ ni.’

Jɔɔnn 10:35

ki ti mun mi nan Yennu gbouŋ kan faar faak faba; ki ŋɔɔ Yennu yib u waas, kimaan ŋamme tee niib nba ki u din pak u maan ki turib na.

Jɔɔnn 3:20

Daanɔ nba kur tuun toonbiit, u ki loon yentue, ki ki loon wuu nakiir, kimaan u ki loon u toonbiit na n nyi paanu.

Toona 1:16

ki yet a, “N naa waas, linba ki Yennu Seyeeŋ din te ki Defid din sint bunt buntir ki jiin Judas po, ki li sɔb Yennu gbouŋ ni na, li kpaa talase ki lin set tan gbee. Judas maŋe tee daanɔ nba daan wann niib ki bi soor Yiisa na.

Toona 18:25

Bi din poŋ wannɔ ti Yomdaanɔ Yiisa sɔnuwa. Ki u tan baar ki piak want Yiisa po bonŋann nan ninmɔnn, ŋaan u daa din ki bann Yiisa maan maŋ kuri, kimaan u kpan din mi Jɔɔnn nba din wuur niib Yennu nyunwuru biaŋinba na kuukɔɔe.

Toona 20:20

Ki i bia mi nan maa din mɔɔntir Yennu maan, ki wanti niib ni nan i ŋei ni na. N din paki linba kur saa sommi, ki ki nyiki, ki bia ki tenn siari,

Toona 20:27

kimaan n ki mi fɔrint nan man mɔɔnt Yennu maan maŋ kur ki wannini.

Toona 28:25

Ki bi jak leeb nan mɔniɔk, ki yaa bin yat. Ŋanne ki Pɔɔl pak bonyennkɔɔ a, “Yoo nba ki Yennu Seyeeŋ din te ki u sɔkinii Aisaya pak tur ti yeejamm na, u din pak mɔniie,

Rom Teeb 15:4

Linba kur sɔb Yennu gbouŋ ni na, li sɔb a tii tumiie. U gbouŋ maŋ teent sukuru, ki bia kɔɔntit para, a tii mɔk dindann.

Rom Teeb 2:20

ki fit kpaan jatit, ki bia want binba ki mi, kimaan a mi barmɔnii na nba sɔb biaŋinba sennu gbouŋ na ni.

Rom Teeb 3:2

Li mɔk nyɔɔt bonchiann. Sinsinn tee Yennu din jii u sennu mɔbona na ki guun Juu teebe;

Rom Teeb 4:23

Ŋaan Abraham kuukɔɔ paak kaa ki li sɔb Yennu gbouŋ ni a, “Yennu jiiu ki u tee niŋanɔ,”

1 Korint teeb 12:7

Seyeeŋ na teen Masiaweira kur linba want Seyeeŋ na benue, a tin somm Masiaweira na kur.

Galasia teeb 3:8

Ki li bia sɔb Yennu gbouŋ ni a ŋɔɔ Yennu din poŋ mi nan u tan saa yet a binba ki tee Juu teeb mun tee niŋamm u boor, bi yada paak. Ŋann paake ki u poŋ din yet Abraham barŋanii maŋ a: “A paake ki n tan saa teen piisin booru kur paak.”

Sennu 29:29

“Ti Yomdaanɔ Yennu bɔr mayena nbae ki li be woonin ni, ŋaan fiit u sennu ki turit, a timm nan ti yaaboona n weir mɔkmɔk nan mɔkmɔk.

Sennu 4:36

U te ki i gbat u kunkɔr ki li nyii yendɔuŋ ni, a lin te wun fit kpaani. Tingbouŋ na paak u din te ki i la u kasii muu, ki u pak nani muu maŋ ni.

2 Timoti 2:25

kii tee wunba be soon nna kii kpaan binba nɔi nanɔ na, li pasiar Yennu n tan turib yaak ki bin nyik bi dudukbiit maŋ ki bann barmɔnii wannu,

2 Timoti 4:2

a fii mɔɔntir u barii; ki yoo-i lekii jaŋ koo li-i kii jaŋi, fin-ii mɔɔntir, kii piak niib bi toonbiit po, kii kpaanib, kii kɔɔntib para, kii wantib barii maŋ nan sukuru yoo kura,

Hiibru teeb 11:1

Yada tee, taa ki mɔk birsuk nan bont nba ki ti mɔk dindann li paak, ki mi nan linba ki ti ki laat nan ti ninbinn set be nae.

Hiibru teeb 3:7

Li paak, ii sak man Seyeeŋ nba yet biaŋinba na a: “I-i gbat Yennu kunkɔr dinna,

Hiibru teeb 4:12

Yennu mɔmaan maŋ tee barii nba foe, ki mɔk paŋ, ki bia di ki gar jukbanjiak nba ŋma mɔi ŋanlee na. Yennu mɔmaan fit ŋma ki kɔɔ baat nisaarik seek nan u manfoor boor ni, ki kɔɔ baat u tukita nan u kpaba beesin ni, ki kɔɔ bɔkitir u dudukit nan u par ni bibikit.