2 Timoti 3:11 - Yennu Gbouŋ Mɔɔr

¹¹ nan niib nba mukisin biaŋinba, nan n biakdinu ni. A mi linba kur tumin Antiok, nan Ikonium nan Listra doi ni. A mi maa din la mukisubiit biaŋinba; ŋaan ti Yomdaanɔe nyinnin li kur ni.

Yennu Gbounpaauŋ Mɔɔr

¹¹ nan niib nba mukisin biaŋinba, nan n fardinu. A mi linba kura tumin Antiok, nan Ikonium nan Listra. A mi ma din la muksubiit biaŋinba; ŋaan ti Yomdaanɔe din nyinnin li kur ni.

2 Timoti 3:11 ပူးပေါင်းရင်းမြစ်များ

Pinpiik 48:16

Malaka nba nyinnin ninbɔŋ kur ni, teent piisin waas na paak, ki ŋaan n sann nan n baanba Abraham nan Aisak sana-ii be waas na paak, ki ŋaan bii mɔk waas nan yaaboona bonchiann.”

2 Samuel 22:1

Yennu nba din tinn Defid ki u nyii Sɔɔl nan u datalei nuu ni yoo nba, Defid din yin yaŋ nae ki tur Yennu a:

2 Samuel 22:49

Yennu-e nyintin n datai nuu ni, ki te ki n paar n datai, ki guun, ki n nyi biit damm nuu ni.

Yaŋ 34:19

Niŋanɔ mɔk daamii bonchiann, ŋaan Yennu-e nyintɔ daamii maŋ kur ni.

Yaŋ 37:40

Ki u sommitib, ki fiarib; u fiarib nɔɔnbiit damm boor, ki tint bi manfoa, kimaan bi baat ki gurin u niŋe.

Yaŋ 91:14

Yennu yet a, “N saa tinn binba mɔk lomm nanin na, ki guur binba min ki n tee bi Yennu na.

Aisaya 41:10

I daa tiin jaŋmaanii. N be nani. Mine tee i Yennu. I daa te ki siar kɔɔnti jaŋmaanii. N saa turi paŋ ki sommi. N saa guuri, ki tinni.

Aisaya 41:14

Ki Yennu bia yet a, “Yimm Israel teeb nba lek ki yab ki bia ki mɔk paŋ na, ŋaan i daa tiin jaŋmaanii, n saa sommiwa. Min nba tee yimm Israel teeb kasii Yennu nae tee i tinntɔɔ.

Aisaya 43:2

Yi-i sik nyun sunsuŋ ni, ŋaan n sii be nani. I daamii kan nyanni. Yi-i kɔɔ muu ni, ŋaan li kan di-i; ki bonpaarir nba baarii, ŋaan li kan teeni siari.

Daniel 6:27

U fiar ki bia tint manfoor. U tuun bakitnauŋ nan yaarlituk toona, sanpaapo nan tiŋ na ni. U tinn Daniel, ki yanbɔra ki kpiiu.”

Toona 13:14

Ki bi nyii Pega, ki tɔɔt baar Antiok nba be Pisidia yent ni na. Ki foon daar ki bi saan kɔɔ Yenjiantu diiuk ni ki kar,

Toona 13:45

Juu teeb nba din la nibur tikir na, ki bi fiin punponn, ki piak biir Pɔɔl wannu, ki bia sukiiɔ.

Toona 14:8

Ki jasɔɔ nna be Listra ki tee wabik. Bi din marɔ ki u tee wabike, ki ki mi sommi.

Toona 20:19

I bia mi maa din tuun Yennu toona ki mantik sikin n mɔŋ biaŋinba, ki be nan ninnyuut, ki bia dii biak Juu teeb lora ni.

Toona 23:10

Ki mɔniɔk na ŋamm fiir bonchiann, ki lanjimanba yudaanɔ na mi a bi tan saa mann dat Pɔɔl ki pat patɔ. Li paak ki u tur mɔb a lanjimanba n saan ki nyinn Pɔɔl tituk kaanu damm maŋ ni, ki saan nanɔ bi ŋaak na ni.

Toona 26:17

Maa tan saa tuma siaminba na, n bia tan saa nyinna daar ni Juu teeb nan nileeb nii ni.

Toona 26:22

ŋaan laa jii ki tan tuu dinna, ki Yennu guun, ki n ji be ki see ki mɔɔntir u maan ki teen tatimm nan paarib kur. Maa piak linba na, ŋann nan Moses nan Yennu sɔkiniinba nba din tuu piak linba kur ki mɔk bɔkitu. Ŋamm din piak linba tan sii tuune,

Toona 9:16

ki n mɔŋ saa wannɔ biak nba kur ki u saa di n paak.”

Rom Teeb 15:31

ki wuu guun ki Judea yent ni niib nba ki teen Yiisa Masia yada na daa kpimi; kii biaki meiɔ a piinii nba ki n saa tur Yennu niib na, bin gaar nan parpeenn.

2 Korint teeb 1:5

Ti biak dinu Masia sann paak nba yab biaŋinba, nnae ki ti parmaann mun bia yab kimaan ŋɔɔ Masia paak.

2 Korint teeb 1:7

Li paak, ti mɔk dindann ki jiin i po nan i saa saan tɔɔnna, kimaan ti mi nan yaa di biak nan taa mun di biaŋinba na, nnae ki i mun bia sii laat parmaann nan taa laat biaŋinba na.

2 Korint teeb 12:10

Li-i tee Masia paak ki n di butinn, ki laat sukit, ki di biak nan mukisuk, ki laat barii, n mɔk parpeenn, kimaan mi-i taŋi kii mɔk n tiɔŋ paŋ yoo nba, li yooe ki n laat Masia paŋ.

2 Timoti 4:7

N gbaa gbigbaaŋanna; ki tun n toonn gbenna; n lek dia yada labaar na.

2 Piita 2:9

Ti Yomdaanɔ Yennu mi biaŋinba ki u saa fat niib nba tiinɔ, ki nyinnib mukisuk ni, ŋaan dat biitdamm tuba mɔkmɔk nan daar nba ki u tan saa bu bi buut.