2 Tesalonika teeb 3:8 - Yennu Gbouŋ Mɔɔr

⁸ Ti din ki mi gaar sɔɔ sommir yann ki ki pa li paaki. Ŋaan ti kpan din tuune ki nyi naauk, ki lek tuun yonnu nan nyiɔk, a ti daa tee jikir i sɔɔ paaki.

Yennu Gbounpaauŋ Mɔɔr

⁸ Ti din ki mi gaar sɔɔ sommir yann ki ki pa li paaki. Ŋaan ti kpan din tuune ki nyi naauk, ki lek tuun yennu nan nyiɔk, a ti daa te ki sɔɔ biir i siar ti paaki.

2 Tesalonika teeb 3:8 ပူးပေါင်းရင်းမြစ်များ

2 Kpanbara 6:2

Turint yaak ki tin saan Jɔɔdann mɔkir boor ki saa chɔɔ tiinii ki tan chaan binbeboor kii be.” Ki Elaisa jiin a, “Ii saa man.”

Nehemaya 5:18

Ki daar kur ni, n tuu tur naab nan pei nba ŋan banloobe, nan korii bonchiann, ki dapiik kur ni ki n teemm dabooru booru. N poŋ din mi talas nba ki niib na dii, li paak ki n ki boi sommir nba ki doo yudaanɔ bo saa gaar na po.

Barjokit 31:27

Yoo kur u ninbinn mɔne, ki u gorii linba tee u ŋaateeb bonloŋa po.

Matiu 6:11

Luunt dinna mann.

Toona 18:3

a wuu be namm, kimaan bi kur din tee gbanjabirae ki tuun nan leeb.

Toona 20:34

Maa din be i sinsuuk ni na, i mɔŋ mi nan n din dia n nii nae ki tuun, ki min nan n weinanleeb di ki bia lia.

1 Korint teeb 4:12

Ti niŋiie ki ti di; bi-i sukirit, ti tuu jiimm maŋamme; bi-i dintit fara, ti tuu mɔk sukurue;

1 Korint teeb 9:4

Ti ki mɔk yaak nba ki ti sii di ki nyu-u?

2 Korint teeb 11:27

N din set tuun Yiisa Masia toona nan ninmɔnn, ki di biak, ki ki gɔɔnti. Kon nan nyunnyukuru din tuu soorin; ki n bia lorin mɔb yoo nan yoo; ki waat son; ki n bongbabkar ki jaŋitimi.

2 Korint teeb 11:9

Maa din be i boor ni yoo nba, ki ki mɔk siar na, ŋaan n lek din ki mukisi maa yin sommin nan siari. Ti naa waas nba din nyii Masedonia nae baar nan bont kur nba ki n loon. Maa lek din be biaŋinba li yoo na, n bia lek sii be nnae; n kan mukisi a yin sommin nan bonsiari.

Efesus teeb 4:28

Wunba tuu jaan u leeb bont na, wun ji nyik jamu, ŋaan yabir tun toona ki dinn u mɔŋ, ki bia fit tur tatimm linba ki bi loon.

1 Tesalonika teeb 2:9

Ti naa waas, setik nan mɔniie, i mi taa din tuun ki di fara biaŋinba. Taa din be i boor ki mɔɔntir Yennu barŋanii maŋ ki teeni na, ti din tuun yonnu nan nyiɔko, a ti daa tee jikir i sɔɔ paaki.

1 Tesalonika teeb 4:11

ki ŋaan ki lii tee i dudukit ki yii be soon nna, ki i baka-ii be i mɔŋ toona ni, kii tuun kii dint i mɔŋ, nan taa poŋ din beti biaŋinba sinsinn na.

2 Tesalonika teeb 3:12

Ti Yomdaanɔ Yiisa Masia sann nie ki ti beer niib maŋ ki kpaamm a bi baka-ii be bi tiɔŋ toona ni, kii be soon nna, kii di bi naauk.