2 Tesalonika teeb 1:6 - Yennu Gbouŋ Mɔɔr

⁶ Yennu-e tuun linba took; u saa te ki binba dinti fara maŋ n mun di fara nnae,

Yennu Gbounpaauŋ Mɔɔr

⁶ Yennue tuun linba took; u sa te ki binba dinti fara maŋ na-n mun di fara nnee,

2 Tesalonika teeb 1:6 ပူးပေါင်းရင်းမြစ်များ

Nyinu 23:22

Ŋaan li-i tee ki i sak u mɔb, ki sak linba kur ki n wanni, n saa kɔn nan i datai kur.

Banntɔɔ 3:17

Ki n yet n mɔŋ a, “Yennu loon wun tan lakin bu niŋamm nan nibiit buut yomm, kimaan toona kur, nan marima kur, tan saa tun yoo nba ki u senne.”

Aisaya 49:26

N saa te ki binba dinti biak na n kpi bi leeb, ki nikpinu nan wutoor saa yibib, ki niib kur saa bann nan mine tee Yennu nba tinti ki nyinti yann. Bi saa bann nan mine tee Israel teeb Yennu nba mɔk paŋ.”

Jeremaya 50:29

“Pakin tɔrbantɔɔra na ki bin lek Babilonn. A te ki wunba kur saa fit tɔ tɔrbann ki wun saan. Loont doo na ki daa te sɔɔ nyi. Ii pa linba ki bi tun, ki jiinib ki tumm nan baa teen leeb na, kimaan bi tun nan yuwannue ki tur min Israel teeb kasii Yennu.

Sekaria 2:8

Wunba faai, u tuu min Yennu ninbinne na.” Li paak, ki Yabint Yennu tumin nan mɔɔntii nba na, a n mɔn tur booru nba tuu fiar u niib bona na a,

Kolosa teeb 3:25

Biitdaanɔ kur mun tan saa gaar u toonbiit tubdatu, waa tun linba paake, kimaan Yennu tan saa dat u tubir, ki lukitin kaa.

Hiibru teeb 6:10

Yennu-e ŋan, ki kan tamm yaa tun linba ki turɔ, koo yaa loonɔ biaŋinba ki somm Masiaweira, ki bia daa sommitib na.

Fiitu 11:18

Binba ki waa-a nae donn wutoor, ki a wutoor mun doo. Ki yoo baar nan ki a bu binba kpo na buut, ki pa a toontunna nba tee a sɔkiniinba na, nan a niib kura nba jiantira na, binba tee nijaana nan tarii kur. Ki yoo bia baar nan ki a biir binba biir tingbouŋ na na.”

Fiitu 15:4

Ti Yomdaanɔ, ŋmee be ki kan tina ki bia kan dont a sanni? Kimaan fin kɔɔe tee popeendaanɔ. Nibooru kur tan saa baar ki jianta, kimaan a barmɔnii toona nyii paanuwa.”

Fiitu 18:20

Yendɔuŋ ni teeb, nan Yennu niib, nan u sɔkiniinba, nan Yiisa toomiinba, ii mɔk parpeenn man, kimaan Yennu bu dogbeŋir maŋ buut ki biirɔ ki turiwa.

Fiitu 18:24

ki Yennu sɔkiniinba, nan u niib, nan binba ki niib kpiib tingbouŋ na kur ni na, bi sɔn be Babilonn doo maŋ paak, li paake, Yennu dat u tubir.”

Fiitu 19:2

ki u buut ŋan ki bia tee mamɔmm; ki u bu poochonchonbiiuk nba biir tingbouŋ na nan u chonchonsin na buut, ki dat u tubir, waa kpii ŋɔɔ Yennu toontunna na paak.”

Fiitu 6:10

ki yikin sanpaapo ki yeen a, “Ti Yomdaanɔ Yennu, fin nba tee popeendaanɔ ki bia tee barmɔnii daanɔ, li saa yukir nleewa ki a tan bu tingbouŋ na niib buut ki dat bi tuba, baa kpiit na paaki?”