2 Tesalonika teeb 1:5 - Yennu Gbouŋ Mɔɔr

⁵ Linba nae want nan Yennu buut tee mɔnii; li paak ki u tan saa yet a i jaŋ nan yii be u naan ni; u naan maŋ paake ki i di biak maŋ.

Yennu Gbounpaauŋ Mɔɔr

⁵ Linba nee want nan Yennu barbunu tee mɔnii; li paak ki u tan sa yet a i jaŋ nan i be u naan ni; u naan maŋ paake ki i di fara maŋ.

2 Tesalonika teeb 1:5 ပူးပေါင်းရင်းမြစ်များ

JOB labaar 8:3

Yennu ki lebitir barmɔnii, u ki gbaar nan wun tun linba ŋani.

Yaŋ 111:7

U ŋane toona nba kur ki u tuun ni, ki dia mamɔmm, ki u sennii tee senn chinchiba.

Yaŋ 33:5

Yennu loon kasii toona nan toonŋana, ki u lomm nba yɔɔ be na gbee tingbouŋ.

Yaŋ 50:6

Sanpagbant mɔɔntir nan Yennu-e tee Kasii Daanɔ, ki saa bu buut.

Yaŋ 72:2

ki lin te wun fit dia a niib nan barmɔnii, ki bia dia talas damm na nan popeensin.

Yaŋ 99:4

Kpanbar-saakar, a loon linba tee mamɔmme; a baar nan mamɔmme Israel teeb boor; a baar nan kasiie nan ŋant.

Jeremaya 9:24

Li-i tee ki sɔɔ loon wun faa kpinkpant, wun faa nan u min, ki bia bant n maan paak, kimaan n lomm yɔɔ be-e, ki n tuun linba ŋan ki bia took. Ŋanne mei n par. Min Yennu-e pak na.”

Daniel 4:37

“Mɔtana, min Nebukanesar piak ki baakit ki dont Kpanbar nba be Yendɔuŋ ni na. Waa tuun linba kur, li ŋan, ki took, ki u fit sikint wunba kur donn u mɔŋ.”

Barŋanii nba ki LUK din sɔb nae na 20:35

ŋaan binba ŋan nan kuun fiiru ki tan saa fiir kii be durinya paann ni na, tan kii kɔɔnt poobi, bi bia kii teen bi waas jabi,

Barŋanii nba ki LUK din sɔb nae na 21:36

Ii guu man kii mei Yennu yoo kur ki wun turi paŋ nba saa te ki i nyann bikinu kur nba tan saa baar, ki bia set min nisaarik Bik tɔɔnn.”

Toona 13:46

Ŋaan ki Pɔɔl nan Banabas lek bia yeen nan parcheenn a, “Li daan kpaa talase ki ti sint pak Yennu maan ki tur yimm Juu teeb. Ŋaan yaa yêt maan maŋ, ki bia dukin nan i ki ŋan nan yin la manfoor nba kaa gbennu na, li paake te ki ti nyikiti, ŋaan saa binba ki tee Juu teeb na boor,

Toona 14:22

ki ŋammit want Yiisaweira u maan, ki cheen bi para doi maŋ ni, ki beerib a, “Ii kpaŋii dia i yada maŋ nna man,” ki wantib a, “Nan tin tan kɔɔ Yennu naan ni na, see ki ti dii biak bonchiann.”

Rom Teeb 2:5

Ŋaan a par wakii, ki a lek ki sak nan fan nyik toonbiit tumu, li paak, a pukii a mɔŋ tubdatu nba ki a tan saa la, daar nba ki Yennu wutoor saa nyi paanu, ki u saa bu niib buut nan barmɔnii nae;

Rom Teeb 8:17

Taa set tee u waas na paak, ti saa la bonŋann nba ki u bir ki guun u niib nawa; ti bia tan saa lakin nan Masia ki gaarira. Kimaan ti-i di biak Masia paak, u tan saa donnit u boora.

Efesus teeb 4:1

Min nba kɔɔ dansarik ti Yomdaanɔ toona paak na, n kpaanie a yin ŋaan ki i binbeŋ-ii tee fanu nan Yennu nba loon ki lii tee biaŋinba na.

Filipi teeb 1:28

I daa tiin i datai mani; ii mɔk parcheenn ki lin wannib nan ŋamme tan saa baa ŋaan ki yin do, kimaan Yennu-e teeni li nyannu.

Kolosa teeb 1:12

Ii teen ti Baa Yennu niipoouk man. Ŋɔɔe te ki ti jaŋ nan tin la yiar u boor, yentu ni, u niib sinsuuk ni,

1 Tesalonika teeb 2:14

Ti naa waas, mukisbooru nba baari na, li mukisboorue mun din baar binba tee Yennu niib Yiisa Masia paak Judea yent ni na; yimm nan ŋamm dii mukisbooryeŋe. I mɔŋ mɔŋ niib nba mukisi biaŋinba na, li mukisboorue ki bi niib, Juu teeb, mun din mukisib.

2 Tesalonika teeb 1:11

Li paake ki ti mei Yennu yoo kur a wun te ki i binbeŋ n jaŋ nan yii tee u yab. Ti meiɔ a wun jii u paŋ ki te ki yii tuun toonŋana kur nba ki i loon yii tuun na, ki gbenn toona kur nba ki i tuun, i yada paak na.

2 Timoti 2:12

Ti-i ŋammit yabii, ti mun tan saa di naan nanɔe; ŋaan ti-i yaa ti ki miu, u mun tan sii yaa u ki miti.

Fiitu 15:4

Ti Yomdaanɔ, ŋmee be ki kan tina ki bia kan dont a sanni? Kimaan fin kɔɔe tee popeendaanɔ. Nibooru kur tan saa baar ki jianta, kimaan a barmɔnii toona nyii paanuwa.”

Fiitu 16:7

Ki n bia gbat ki kunkɔr nyii maruŋ binbintir na boor ki yeen a, “Ti Yomdaanɔ Yennu nba mɔk paŋ kur, a buut na tee mamɔmme, ki tee linba took.”

Fiitu 19:2

ki u buut ŋan ki bia tee mamɔmm; ki u bu poochonchonbiiuk nba biir tingbouŋ na nan u chonchonsin na buut, ki dat u tubir, waa kpii ŋɔɔ Yennu toontunna na paak.”

Fiitu 3:4

Ŋaan i siab be Saadis ki bi para ki mɔk jakinti. Ŋamme saa lia tapeenii, ki min nan ŋamm sii tɔk, kimaan baa jaŋ nann na paak.