2 Tesalonika teeb 1:10 - Yennu Gbouŋ Mɔɔr

¹⁰ u tan saa tun nnae daar nba ki u saa baar ki gaar dontir nan paku u weira kur nba teenɔ yada na boor. I mun tan sii tee bi yemme, kimaan i poŋ teen barŋanii nba ki ti din beti na yadawa.

Yennu Gbounpaauŋ Mɔɔr

¹⁰ u tan sa tun nnee daar nba ki u tan sa baar ki gaar dontir nan paku u weira kur nba teenɔ yada na boor ni. I mun tan sii tee bi yemme, kimaan i poŋ teen barŋanii nba ki ti din beti na yadawa.

2 Tesalonika teeb 1:10 ပူးပေါင်းရင်းမြစ်များ

Yaŋ 68:35

Yennu baakir yab, ki u be u kasii binbeboor. Ŋɔɔ Israel teeb Yennu teen u niib paŋ nan yiikoo. Pakin Yennu man.

Yaŋ 89:7

Kasii damm sinsuuk nie ki yentinu be bonchiann, a mɔk baakir ki gar binba linta na kur.

Aisaya 2:11

Yoo baat ki nisaarik parbifaant saa gbenn, ki nisaarik garuk n biir. Tɔn, Yennu kɔɔe ji saa la baakir.

Aisaya 43:21

N nan ŋamme ki bi tee n tiɔŋ niib, ki bi saa yin ki dontin.”

Aisaya 44:23

Sanpaak, ii hoot nan kpinkpammuk. Tingbouŋ, ii hoot. Kunkona nan fɔɔr ni tiik kur n hoot nan kpinkpammuk. Yennu tinn u niib Israel teebe, ki li wann u yiikoo nba tee.

Aisaya 49:3

U yetin a, “Israel, a tee n toontunnɔe; li saa nyi a nie ki niib n dontin.”

Aisaya 60:21

A niib kur sii tuun linba ŋan, ki saa yent tiŋ na yaayoo siiyoo. Mine namm ki kaamm a man fiit n yabint ki wann sɔɔ kur.

Jeremaya 33:9

Jerusalem sii tee kpinkpammuk nan baakir nan yugontir boore ki turin, ki durinya ŋaak na digbann kur yan saa put, bi-i gbat bonŋana nba ki n tun ki tur Jerusalem teeb, nan maa baar nan nyɔɔt nba ki tur doo maŋ na po.”

Malakai 3:17

Yabint Yennu yet a, “Ŋamme sii tee n niib. Buut daar, bi sii tee n mɔŋ mɔŋ yabe. Ki n saa timm ninbaauk, nan bibaa nba tuu mɔk ninbatinu u bik nba tuunɔ biaŋinba na.

Nikant 23:23

Jabaabusiar ki be ki saa fit biir Israel maaru, koo nyɔksiar ki be ki saa fit biir Israel teeb maŋ. Ki niib tan saa yet a, ‘Gotir linba ki Yennu tun ki somm Israel teeb.’

Matiu 16:27

Min nisaarik Bik tan saa jen nan n Baa Yennu paŋ, nan n malakanba, li yoo maŋ, n tan saa pa sɔɔ kur nan u toona nba tee biaŋinba.

Matiu 16:28

Barmɔniie ki n beeri na, siab be nna, ki kan kpo see ki bi tan la min nisaarik Bik naan dinu.”

Matiu 24:36

“Ŋaan sɔɔ ki mi daar maŋ koo yoo nba ki n saa jeni; li sanpaapo malakanba, koo min Yennu Bija mɔŋ ki mi, see n Baa Yennu kɔɔe mi.

Matiu 25:31

“Tɔn, min nisaarik Bik-i taŋi jen nan n paŋ nan malakanba kur yoo nba, n saa kar n naangbouŋ paak, ki la baakchiɔŋ,

Matiu 7:22

Daar maŋ-i taŋi baar, niib bonchianne tan sii yin ki yeen a ‘Ti Yomdaanɔ, ti Yomdaanɔ, ti din ki sɔkint Yennu maan a sann ni-i? A sann nie ki ti din nyint narinbiit niib ni, a sann nie ki ti bia tun bakitnauŋ toonjaana.’

Barŋanii nba ki LUK din sɔb nae na 10:12

N beerie nan buut daar, doo maŋ niib tubdatu tan saa gar Sodom teeb yara.”

Jɔɔnn 11:4

Yiisa nba gbat nna yoo nba, ki u yet u poorpoweiteeb na a, “Lasarus nba yiar na, yiaru maŋ ki tee u manfoor terik kaa na, ŋaan li tee linba ki niib saa dont Yennu sann li paake, ki bia saa dont min Yennu Bija sann mun.”

Jɔɔnn 17:10

N yab kur tee a yabe; ki a yab kur mun tee n yab; ki bi dont n sann.

1 Korint teeb 1:6

Masia labaar nba ki ti din wanni na, i gaarir fanuwa.

1 Korint teeb 3:13

Masia baaru daar maŋ nie ki sɔɔ kur toona nba tee biaŋinba tan saa nyi paanu. Muue tan saa bikin sɔɔ kur toona ki fiit wann laa tee biaŋinba.

Galasia teeb 1:24

Tɔn, ki bi ji din piak Yennu n paak.

Efesus teeb 1:12

Timm nba dɔŋ mɔk dindann Masia ni na, tii piak Yennu kii dontir u sann man.

Efesus teeb 1:14

Ŋanne tee siara nan ti tan saa la yiar Yennu boor, ki bia want nan u saa tur u niib yent-n-mɔŋ nan barmɔnii. Tii piakɔ kii dontir u sann man.

Efesus teeb 1:18

N bia meiɔ maa wun yent i numpo, ki yin bann dindann nba paak ki u yiini na, ki bia bann nan bona nba ki u tan saa tur u niib na ŋan bonchiann,

Efesus teeb 1:6

Ŋaant ki tin pak Yennu kimaan u ninbatinu nba yab bonchiann biaŋinba, nan waa tint ninbaauk u Bilonkak paak na.

Efesus teeb 2:7

U din tun linba na a wun wann sɔɔ kura u ninbatinu nba yab biaŋinbae, ki tun burchint turit, Yiisa Masia paak.

Efesus teeb 3:10

a Masiaweira paak, malakanba ni yent damm, nan Yendɔuŋ ni yiikoo damm n tumii mɔtana u subinbooru booru na.

Efesus teeb 3:16

Yennu paŋ nba yab bonchiann biaŋinba na, n meiɔ a wun turi paŋ maŋ u Seyeeŋ paak, ki paŋ maŋ-ii be i ni.

1 Tesalonika teeb 1:5

kimaan barŋanii na din ki tee ti mɔb ni maan kuukɔɔ kaa ki ti din baar turini, ŋaan li bia din mɔk Seyeeŋ yiikooe ki ti piakir ki birsuk kaa. Yoo nba ki ti din be i peŋ na, i mi taa din be biaŋinba; nan taa sommi biaŋinba.

1 Tesalonika teeb 2:1

Ti naa waas, i mɔŋ mi nan taa din baar i boor na tan ki teen yanni.

1 Tesalonika teeb 2:12

ki maant i para, ki tun kpaani a yii be binbensiak nba saa gboo Yennu numm. Ŋɔɔe yiini a wun kɔɔni u tiɔŋ naan ni nan yentchiɔŋ ni.

1 Tesalonika teeb 2:13

Linba yaa paak bia te ki ti piak Yennu yoo kura na tee nnae: Taa din baar nan Yennu maan i boor na, i din gbat ki gaarir; i din ki gaarir nan nisaarik yar na kaa, ŋaan gaarir ki li tee Yennu yar. Ki li set tee ŋanne, kimaan yimm nba teenɔ yada na, maan maŋ tuun i para ni.

2 Tesalonika teeb 1:12

Nnae saa te ki ti Yomdaanɔ Yiisa sann na n la dontir i paak, ki yin mun la dontir u paak, Yennu nan ti Yomdaanɔ Yiisa Masia ninbatinu paak.

2 Tesalonika teeb 2:13

Ti naa waas, yimm nba ki ti Yomdaanɔ looni na, li kpaa talas ki tii piak Yennu yoo kur i paak, kimaan u din ganni pinpiik niewa a yin la tinnu. I din teen barŋanii nba tee barmɔnii na yada, ki u Seyeeŋ bia ŋammi ki teeni popeendamm, li paak ki i la tinnu na.

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru booru, ki bi teenɔ yada tingbouŋ na ni, ki Yennu tan donnɔ sanpaapo ki u la dontir.

2 Timoti 1:12

Li paake ki n di biak ŋaan ki tiin fei, kimaan n mi maa jii n mɔŋ ki teen wunba nuu ni, n mi ki birsuk kaa nan u saa fit dia linba ki u jii teen n nuu ni na fanu mɔkmɔk nan joontu Daar na ni.

2 Timoti 1:18

Ti Yomdaanɔ n tinɔ ninbaauk joontu Daar maŋ ni. A mɔŋ mi fanu waa din sommin bonchiann biaŋinba, Efesus doo ni.

2 Timoti 4:8

Li paak, nyɔɔt nba tee yentinu nyɔɔt dɔɔ guun sanpaapo; ki ti Yomdaanɔ, wunba bu niib buut nan barmɔnii na tan saa turin nyɔɔt maŋ, buut daar. U tan kan tur min kuukɔɔ kaa, ŋaan u tan saa tur binba kur mun loon wun jen nae.

1 Piita 2:9

Ŋaan yimm ŋarin tee Yennu nigannkabe, ki bia tee u naan ni niib nba jiantirɔ, ki bia tee nibooru nba tee popeendamm, ki bia tee u tiɔŋ niib, ki yii mɔɔntir ŋɔɔ nba nyinni bunbɔnn ni, ki baar nani u bakitnauŋ yentu ni na burchintuk po.