2 Samuel 5:7 - Yennu Gbouŋ Mɔɔr

⁷ Ŋaan Defid din kɔn nyann bi digbanpaarir Sayɔnn maŋa, ki sɔɔ kur ji yir “Defid doo.”

2 Samuel 5:7 ပူးပေါင်းရင်းမြစ်များ

2 Samuel 5:8

Daar maŋ ni ki Defid boi u kunkɔnkɔnna na a, “Sɔɔ be nna na, ki nan Jebus teeb nan maa namm na ki saa kpibi-i? Ŋann wuu tɔk nyun gaana na kii do ki saa kɔn nan talas damm nba tee jɔɔnii nan wabii na.” (Li paak teen ki bi yeen a, “Jɔɔnii nan wabii kan fit kɔɔ naan ŋaak ni.”)

2 Samuel 5:9

Defid nba din fat digbanpaarir maŋ yoo nba, u din kar leŋ ki pur doo maŋ sann, “Defid doo,” ki maa ŋei ki pukii, ki piin maa ŋei siaminba ki bi piint bootit, ki li be kunkonn na yondo po na.

2 Samuel 6:10

U ji din ki loon wun jii mɔlor lakir na ki saan nann Jerusalem-i, ŋaan ji din jii saan nann, Gaaf nirɔ nba ki bi yiu Obed Edom na ŋaak.

2 Samuel 6:12

Kpanbar Defid din gbat nan mɔlor lakir na nba be Obed Edom ŋaak ni na paake teen ki Yennu teen piisin Obed Edom nan linba kur ki u mɔk paak. Li paak ki u saan jii mɔlor lakir na Obed Edom ŋaak, ki saan nann Jerusalem nan kpinkpammuk.

2 Samuel 6:16

Mɔlor lakir na nba kɔɔ Jerusalem doo ni yoo nba, ki Defid ŋaapoo Mikal, wunba tee Sɔɔl bipoo na, dɔɔnt takoru ni. Waa la ki Defid yuuk ki waa waak, ki baakit Yennu yoo nba, ki u yisimɔ u par ni.

1 Kpanbara 2:10

Defid din kpo, ki bi piiu doo nba ki bi yi Defid doo na ni.

1 Kpanbara 3:1

Solomonn din kɔɔn Ijipt kpanbar bipooe ki taan mɔb nan Ijipt kpanbar na. U din jii sapaamɔ nae ki baar nanɔ, ki u be Defid doo ni nan waa tan maa u ŋaak, ki maa Yenjiantu ŋasaakak, ki bia maa joonjouk ki lint Jerusalem ki gbenn.

1 Kpanbara 8:1

Ki kpanbar Solomonn yiin Israel booru saakab nan naakuut saakab kur a bin baar u boor Jerusalem, ki tan jii Yennu mɔlor lakir na, Sayɔnn nba tee Defid digbann na ni, ki saan nann Yenjiantu ŋasaakak na ni.

1 Kpanbara 9:24

Solomonn ŋaapoo nba tee Ijipt kpanbar bipoo na nba din nyii Defid doo ni ki baar naan ŋaak nba ki Solomonn maa ki turɔ na ni, li poor poewa ki Solomonn din jii tant ki gbeen baauk nba be Jerusalem yondo po na.

1 Barkperii 11:7

Defid nba din saan kar digbanpaarir maŋ ni na, li paak ki bi ji din yir Defid doo.

2 Barkperii 24:16

Bi din piiu kpanbara kaat nie, ki li be Defid doo ni, kimaan toonŋana nba ki u din tun ki tur Israel teeb nan Yenjiantu ŋasaakak na paak.

2 Barkperii 5:2

Ki kpanbar Solomonn tun yiin Israel booru saakab nan naakuut saakab a bin taan Jerusalem, ki saan Defid doo nba tee Sayɔnn na ki be Jerusalem maŋ na, ki jii Yennu mɔlor lakir na ki kɔɔn ŋasaakak na ni.

Nehemaya 3:15

Ki Salum, wunba tee Kol-hose bija ki dia Mispa yent na, ŋamm maa Nyuntonn Tammɔb na. U din pin tammɔb na yur paake ki ŋamm senn li gana, ki kɔɔn gankpata. U bia din maa joona na ki nyii Sela nyun boor ki gar naan kpaab na boor, ki saa tuu sɔnsau nna; ki sɔnu maŋ nyi siaminba ki bi yi Defid doo na.

Yaŋ 132:13

Yennu-e gann Sayɔnn doo; u loon wun teenir u ŋaake,

Yaŋ 2:6

U yet a, “N kasii kunkonn Sayɔnn paake ki n dinn n kpanbar.”

Yaŋ 48:12

Yennu niib, ii somm lint Sayɔnn, ki kan li difoot.

Yaŋ 48:3

Yennu be doo maŋ ni, ki wann nan yamani benu be u boor.

Yaŋ 51:18

Yennu, tinin Sayɔnn doo ninbaauk ki sommir, ŋammit maa Jerusalem joona.

Yaŋ 87:2

U loon Jerusalem maŋ ki gar Israel teeb nba kɔɔ siaminba kur.

Yaŋ 9:11

Yinin dontir yaŋ ki dont Yennu, wunba tee kpanbar ki be Sayɔnn digbanjaann ni na, pakin wann sɔɔ kur waa tun linba.

Aisaya 12:6

Ŋaant ki wunba be Sayɔnn kur-ii hoot kii yiin, kimaan ŋamm Israel teeb kasii Yennu mɔk yiikoo, ki be u niib boor.”

Aisaya 59:20

Yennu yeen u niib a, “N saa baar Jerusalem ki kɔn i paak, ki tinn yimm nba kur nyik i toonbiit na.

Jeremaya 21:13

Yimm Jerusalem teeb kar kunkonn paake, ki doo gar baat kur, nan tanpiiuk nba doo gar paanu kur na. Ŋaan n saa kɔn naniwa. I yeen a sɔɔ kaa ki saa leki, koo ki biir i joonfoot na ki kɔɔ i doo ni.

Maika 4:2

Niib maŋ tan sii yeen a, “Ŋaant ki tin do Yennu kunkonn na paak, ki saan Israel teeb Yenjiantu ŋasaakak na ni. Ki u saa wannit waa loon ki tin tun linba; ki ti saa somm sɔnii nba ki u gann na ni. Kimaan Yennu wannu na nyii Jerusalem-e, ki u be Sayɔnn ki piak teen u niib.”

Rom Teeb 9:33

tann nba ki bi sɔb li po Yennu gbouŋ ni a “Gotir, min Yennu bir tanne Sayɔnn doo ni, linba saa te ki niib n gbiat; ki tee tann nba saa te ki niib baa. Ŋaan wunba teenɔ yada kan di fei.”

Hiibru teeb 12:22

Ŋaan yimm ŋarin baar kunkonn nba sann tee Sayɔnn, linba tee manfodaanɔ Yennu doo, ki tee Yendɔuŋ ni Jerusalem, siaminba ki malakanba tusaa tusaa lakin nan parpeenn nae.

Fiitu 14:1

Ki n yirintu maŋ ni ki n bia gokit ki la Pegann na, ki u see kunkonn nba ki bi yir Sayɔnn na paak, ki niib tuskobik nan tuspiinna nan tusaa ŋanna, binba mɔk u sann nan u Baa sann bi yugbia paak, ki bi lakin see nanɔ.