2 Samuel 23:1 - Yennu Gbouŋ Mɔɔr

¹ Defid tee Jese bijae, ŋɔɔe ki Yennu din teenɔ nijaann, ki u tee wunba ki Jakɔb Yennu maŋ gannɔ ki dinnɔ naan. Ŋɔɔ maŋe din yin yanmanii ki tur Israel teeb. Defid mɔbonjoontkaa maŋe na a:

2 Samuel 23:1 ပူးပေါင်းရင်းမြစ်များ

Pinpiik 49:1

Ki Jakɔb yiin u bonjai, ki yet a, “Setir ki lintin, ki man paki linba saa baari dasiar:

2 Samuel 22:34

U te ki n tiin fanu nan piarɔ na, u guun fanu, kunkona nba fɔk na paak.

2 Samuel 22:51

Yennu-e teen min kpanbar Defid nyannjaann, ki jikit u lomm nba kaa paak na, ki teen min nba ki u gannin na, nan n yaaboona, ki saa tuu yoo nba kaa paak.

1 Barkperii 16:7

Li daare ki Defid din sint senn Asaf nan u leeb Liifai teeb, a bii tuu kii yiin dontir yaŋ nba na kii teen Yennu.

1 Barkperii 16:9

Yinin yaŋ ki pak u sann, ki wann u bakitnauŋ toona nba ki u tun.

Yaŋ 2:6

U yet a, “N kasii kunkonn Sayɔnn paake ki n dinn n kpanbar.”

Yaŋ 72:20

Linba nae joont ki tee Jese bija Defid Yenmiaru.

Yaŋ 89:20

Mine jii n toontunnɔ Defid ki mɔɔn kasii kpan u yur paak ki teenɔ kpanbar.

Yaŋ 89:21

N paŋ sii yɔɔ be nanɔ; barmɔnii, n yiikoo saa te ki u wakii.

Amos 6:5

ki mɔk niɔŋ nan yin tuu dukin yaŋ ki yin nan Defid na, ki faa kɔna,

Barŋanii nba ki LUK din sɔb nae na 20:42

Kimaan Defid mɔŋ mɔŋ sɔb Yaŋ gbouŋ na ni a ‘Yennu din yet n Yomdaanɔ a, Karin n niidiitu po

Barŋanii nba ki LUK din sɔb nae na 24:44

Ŋanne ki u betib a “Ii tian man n mɔmaan nba ki n daan wanti maa daan be i boor yoo nba na, a n barii kur nba sɔb Moses sennu ni, nan Yennu sɔkiniinba sɔbu ni, nan Yennu gbouŋ nba ki bi yi yanii na ni kpaa talas nan li kur n tan tun ki gbeen.”

Sennu 33:1

Piisin nba ki Moses, wunba tee Yennu nirɔ na sat ki tur Israel teeb ŋaan kpoe na:

Kolosa teeb 3:16

Li kpaa talas ki Masia labaar na-ii be i para ni chib chib, ki yii want i leeb, kii bia kii kpaan i leeb nan yan; kii yiin Yennu gbouŋ ni yanii, nan Yenpaku yanii, nan Seyeeŋ yanii; kii yiin yanii maŋ nan niipoturu para kii teen Yennu.

Jeems 5:13

Sɔɔ-i be i ni ki mɔk parbiir, wun miar Yennu. Wunba mun mɔk parpeenn, wun yin yanii ki pak Yennu.

1 Samuel 17:12

Defid din tee Jese bijae, ki tee Efrat naakuuk ni nirɔ, ki nyii Betlehem, ki li be Juda yent ni. Jese din mɔk bonjai banniime, ki poŋ ji din tee jakpere yoo nba ki Sɔɔl tee kpanbar na.

1 Samuel 18:7

Poob na nba kpamm nae ki bi yiin yaŋ na a, “Sɔɔl kpii tusire, ŋaan ki Defid kpii tusaa piik piik.”

1 Samuel 2:10

Binba tee Yennu datai na, u saa biiriba. U saa te ki satianii n nyi sanpaapo ki tian bi paak. Yennu saa bu durinya niib kur buut. U saa jii paŋ ki tur u kpanbar, ki te ki u kpanbar ganntɔɔ maŋ n nyann.”