2 Piita 3:10 - Yennu Gbouŋ Mɔɔr

¹⁰ Ti Yomdaanɔ daar maŋ baaru tan sii tee nan nanyukɔ baaru nae. Li daar maŋ, sanpaapo saa gbenn nan fujaann; ki muu nba di bonchiann tan saa di sanpaapo bonsiar kur, ki tingbouŋ na nan bonsiar kur nba be leŋ tan saa di muue ki boont.

Yennu Gbounpaauŋ Mɔɔr

¹⁰ Ti Yomdaanɔ daar maŋ baaru tan sii tee kaman nan nanyukɔɔ baaru nee. Li daar maŋ, ki sanpaapo sa gbenn nan fujaann; ki muu nba di bonchiann tan sa di sanpaapo bonsiar kur, ki tingbouŋ na nan bonsiar kur nba be leŋ tan sa di muue ki gbenn.

2 Piita 3:10 ပူးပေါင်းရင်းမြစ်များ

Yaŋ 102:26

Bi tan saa bota, ŋaan fin sii yɔɔ be-e; bi tan saa kpiar nan kparchant nae. A saa lub nan kparchant nae ki bin bot.

Yaŋ 46:6

Yennu kunkɔr tant, ki tingbouŋ nann, ki jaŋmaanii soor niib na, ki digbana baa.

Yaŋ 97:5

Jɔfɔkit tuu nanne nan kpan na, Yennu nba tee tingbouŋ na kur Yomdaanɔ na tɔɔnn.

Aisaya 2:12

Daar maŋ ni, Yabint Yennu saa sikin wunba kur dont u mɔŋ, nan binba tee garit damm. Yennu kɔɔe tan saa la dontir, daar maŋ ni.

Aisaya 24:19

Tingbouŋ na saa put bɔkit ki yaa.

Aisaya 34:4

ki yonnu nan ŋmaarik nan ŋmaabira saa nann ki kpant tant. Sanpaak saa bot nan baa tuu pin dindɔɔnmɔŋe na, ki ŋmaabira saa baa nan sinsabik tituut koo kinkana nba tuu baa biaŋinba na.

Aisaya 51:6

Gotir sanpaak, ki got tingbouŋ. Sanpaak saa bot nan munyuut nae; ki tingbouŋ n kpet nan kparchant na, ki li niib kur saa kpo nan kpajuut nba kpenn biaŋinba na. Ŋaan maa baat nan tinnu nba na sii yɔɔ be-e. N nyannu nae sii tee linba see.

Joel 1:15

Yennu daar na pera, ki tee daar nba ki Yabint daanɔ maŋ saa baar nan biiru. Daar maŋ sii tee bonbilankante.

Joel 2:1

Pebin naatunn na. Ŋaant ki lin mɔ, Yennu kasii kunkonn Sayɔnn na paak. A te ki niib nba kur be Juda tiŋ ni n jekir, kimaan Yennu daar na baate.

Joel 2:31

Yonnu tan saa kpint ki bɔnn, ki ŋmaarik mun saa kpint ki mɔnn nan sɔn na; li tan saa teen nnaewa ki min Yennu dajaann nba tee biiru daar na n fit baar.

Joel 3:14

Niib tusbam-bamme be Buut Baauk na ni. Leŋe ki Yennu saa baar yiama ki bu buut.

Amos 9:13

Yennu ŋamm yet a, “Yoo baate, ki bi tuu tan sii jaan jeyent ki gbent na, ki jeleet kpaan nan jaanuwa. Ki daan tiinii saa lon bonchiann, ki bi kan fit jii li kur ki ŋaa daami. Ki damanin sii nyi jɔɔt nan kunkona paak ki puub.

Amos 9:5

Yomdaanɔ Yabint Yennu tuu sii tingbouŋ nae ki lin jekir, ki binba kur be li ni na bui fabin. Ki durinya na kur saa do ki tan ŋmat sik nan Ijipt mɔkir na.

Maika 1:4

Ki jɔjaana na saa nann u yaaka ni, nan sagbouŋ nba tuu baa muu ni ki nann biaŋinba na. Jɔɔt na saa kpaar sik baat, nan nyun nba tuu nyi kunkonn paak ki kpaar sik biaŋinba na.

Nahum 1:5

Ki jɔfɔkit jekir Yennu tɔɔnn, ki kunkona tuu nann u numm ni. Yennu-i lekit yoo nba, tiŋ tuu jekire; ki durinya na nan li niib kur jekir nan jaŋmaanii.

Malakai 4:5

“N saa dɔŋ tun n sɔkinii Elaija i boor niewa, ki min Yennu daar nba tee dajaann, ki bia tee jaŋmaanii daar na n tan baar.

Matiu 24:35

Sanpaak nan tiŋ tan saa gara, ŋaan n maan ŋarin kan mi gari.

Barŋanii nba ki MAK din sɔb nae na 13:31

Sanpaak nan tiŋ tan saa gara, ŋaan n maan ŋarin kan mi gar faba.

Barŋanii nba ki LUK din sɔb nae na 12:39

“Nnara, li-i tee ki ŋaadaanɔ poŋ mi yoo nba ki nanyukɔ saa baarie, u kan ŋaan ki wun kɔɔ; u sii guue.

Rom Teeb 8:20

kimaan linba ki Yennu nan na din biira ki ji ki mɔk nyɔɔti, li din ki tee li loomm kaa, li din tee Yennu loomme ki li teen nna; ŋaan ki u bia lek te ki li mɔk dindann.

1 Korint teeb 1:8

U sii guui nan ti Yomdaanɔ Yiisa Masia jenu daar maŋ, ki i tan kii mɔk biiti.

1 Korint teeb 5:5

yin jii nirɔ nba tun toonbiit maŋ ki teenɔ Sintaanii nuu ni ki wun biir u gbanant, ki lin te u seek n tan la tinnu, ti Yomdaanɔ baaru daar na ni.

2 Korint teeb 1:14

nan yaa poŋ bann waaminna biaŋinba na, a i tan saa fit kii mɔk yuugontir ti paak, nan taa mun sii mɔk yuugontir i paak, ti Yomdaanɔ Yiisa jenu daar biaŋinba na.

1 Tesalonika teeb 5:2

kimaan i mɔŋ poŋ mi fanu nan ti Yomdaanɔ jenu daar maŋ tan sii tee nan nanyukɔ nba tuu baar nyiɔk biaŋinba nae.

1 Tesalonika teeb 5:4

Ti naa waas, yimm ki be bunbɔnn ni kaa; li paak, li daar tan kii tee nan nanyukɔ baaru na kaa i boori,

2 Piita 3:11

Ki bont na kur nba tan saa di muu nna na, i dukin li ŋan ki yii tee niboorbee mani? Li ŋan ki yii mɔk binben-yeeŋ, kii tiin Yennu,

2 Piita 3:12

kii guu Yennu daar maŋ, ki yabir i mɔŋ paak ki daar maŋ n baar yian. Li daare ki sanpaapo tan saa kab ki biir, ki muu na tonu saa nann sanpaapo bonnankara.

2 Piita 3:7

Ŋaan ŋɔɔ Yennu mɔmaame bia lek sii dia sanpaak nan tiŋ nba be mɔtana na mɔkmɔk nan yoo nba ki u tan saa te ki li kura n di muu, ki biir biitdamm, kimaan li daar u tan saa bu bi buut ki biiriba.

Juud 1:6

Nnae biak, malakanba nba din ki dia yaak nba ki Yennu turib na nan li sɔnu na, ki bia din ki biar be bi binbeboa sanpaapo na, ki Yennu baamm bant ki lub sarik bootsunsuŋ nba bɔn ni, ki guu dagbeŋir nba ki u saa bu bi buut na.

Fiitu 16:15

Tɔn, Yiisa yet a “Nnara, n baat nan nanyukɔ nba tuu baar biaŋinba nae. Parpeenn be daanɔ nba ki gɔɔnt, ki lia u tiat ki ki somm yanni, ki niib kan la u fei na paak.”

Fiitu 20:11

Ki n bia la naangboungbeŋir nba peen bonchiann, nan wunba kar li paak na; ki tingbouŋ nan sanpaak mir bot u tɔɔnn, ki sɔɔ ji kan mi lar.

Fiitu 21:1

Ki n bia la sanpaapo paann nan tingbounpaann. Ki sanpaapo kper na, nan tingbounkper na mir bot; ki mɔkgbeŋir ji kaa.

Fiitu 3:3

Li paak, ii tian man wannu nba ki i din gbat ki waa na. Ii diar man ŋaan nyik i toonbiit na tumu, ŋaan li-i tee ki i ki fiir, n saa baar i boor nan nanyukɔ nba tuu baar biaŋinba nae, ki i kan bann n baaru yoo.

Fiitu 6:14

Ki sanpaak pɔbin pɔbin nan gbanpɔɔbir na ki bot, ki kunkona nan gbingbana kur chat chat siaminba ki li tuu be na.