2 Piita 1:15 - Yennu Gbouŋ Mɔɔr

¹⁵ Li paake ki n yabir n mɔŋ ki sɔb gbouŋ na, a lii tiani labaar na po yoo kur, n kuun poorpo.

Yennu Gbounpaauŋ Mɔɔr

¹⁵ Li paak te ki n yaa n yabir n mɔŋ ki sɔb gbouŋ na ki lii tiani labaar na po yoo kur nan n kuun poorpo.

2 Piita 1:15 ပူးပေါင်းရင်းမြစ်များ

Yaŋ 71:18

Yennu, mɔtana n ji kpet, ki n yut penna, a daa nyikinimi. Ii be nanin, ki mii mɔɔntir a paŋ nan a yiikoo, kii teen maaru nba waa kur.

Barŋanii nba ki LUK din sɔb nae na 12:58

Li-i tee ki fin nan sɔɔ mɔk maan kii saa nan maan maŋ bat boor, yaa daa be sɔnu paak ki saa na, li bo ŋan ki i kot ki ŋamm maan maŋ. Li-i kii tee nnai kaa, u saa dat baar nana barbuurɔ boor, ki barbuurɔ na mun saa jiia ki teena dansarguutɔɔ nuu ni, ki dansarguutɔɔ na mun saa kɔɔna dansarik.

2 Tesalonika teeb 2:5

Maa din be i boor yoo nba na n din beti linba na kura; i ki tiani-i?

2 Timoti 2:2

Faa poŋ din gbat wannu nba n peŋ, niib bonchiann numm ni na, a jiir ki wann nisiab nba tee yadadamm, binba saa fit wann leeb mun.

Hiibru teeb 11:4

Abel yada paake ki u din mann mannu tur Yennu, ki li mannu ŋan gar Keenn yar. U yada paake ki Yennu din pakɔ ki purɔ yentinnɔ, kimaan ŋɔɔ Yennu din gaar u piinii nawa. Abel din kpowa, ŋaan u yada paake ki u bia lek daa piak.

2 Piita 1:12

Li paak, n sii yɔɔ tiani labaar nae yoo kur; n lek mi nan i poŋ gbatira, ki mir fanu, ki diar chimm;