2 Piita 1:10 - Yennu Gbouŋ Mɔɔr

¹⁰ N naa waas, Yennu-e yiini ki ganni, li paak, ii ŋamm yabir i mɔŋ paak man, ki te ki lin set wann nan i tee u niibe. Li-i tee ki i tuun linba na, i yada kan mi baa;

Yennu Gbounpaauŋ Mɔɔr

¹⁰ N naa waas, Yennue yiini ki ganni, li paak, yi ŋamm yabir i mɔŋ paak man, ki te ki lin set wann nan i tee u niibe. Li-i tee ki i tuun linba na i kan mi ki baa;

2 Piita 1:10 ပူးပေါင်းရင်းမြစ်များ

Yaŋ 112:6

Niŋanɔ kan ban baa, bi sii yɔɔ tian u poe.

Yaŋ 121:3

U kan te fan baa; a guutɔɔ yɔɔ nyɔie, ki ki tiŋit.

Yaŋ 15:5

Wuu kpent bont ki tur nirɔ, u ki boi nyɔɔt po. U ki saak ki bi nyar u mɔb ki u piak ki biir wunba mɔk mɔnii. Wunba tuun linba na kur, u sii yɔɔ be fanue.

Yaŋ 37:24

Ki li-i tee ki u baa, u kan kpakin tiŋ ni, kimaan Yennu saa sommɔ ki wun fiir.

Yaŋ 62:2

U kuukɔɔe guun, ki bia saa tinnin, ŋɔɔe tee n sommtɔɔ, ki n kan ban baa.

Yaŋ 62:6

U kuukɔɔe guun, ki bia saa tinnin, ŋɔɔe tee n sommitɔɔ, ki n kan ban baa.

Aisaya 56:2

N saa teen piisin binba yɔɔ dia foon daar ki ki teer gbaka gbaka na paak. N saa teen piisin binba ki tuun bisiat na paak.”

Maika 7:8

Ti datai, i daa kpamm ti biiru paaki. Ti baawa, ŋaan ti bia saa fiira. Mɔtana ti be bunbɔnn nie, ŋaan Yennu saa turit yentuwa.

Matiu 22:14

Ki Yiisa joont, ki yet a “Yennu yiin niib bonchianne, ŋaan u tan saa gann waaminnae.”

Rom Teeb 11:29

kimaan Yennu-i gann niib ki turib piinii, u ji ki lebitir u pari.

2 Timoti 2:19

ŋaan Yennu mɔmaan na ŋarin see-e chib nan fiakir nba kan mi damm na; ki mɔbona nba sɔb li paak tee nnae a: “Ti Yomdaanɔ mi binba tee u yab.” Li bia sɔb a, “Wunba kur yet a u tee ti Yomdaanɔ yɔɔe, li kpaa talas ki wun nyik toonbiit tumu.”

Hiibru teeb 6:11

Ti loon ki i sɔɔ kur n yabir u mɔŋ paake mɔkmɔk nan li joontu, ki yaa mɔk dindann nba na n teen mɔnii ki turi.

Hiibru teeb 6:19

Dindann nba ki ti mɔk na tee manfoor jaantarik nba dia ti manfoor fanu nae. Li tee dindann nba gar Yendɔuŋ ni diiuk kaaruk nie ki kɔɔ diiuk maŋ kasii boor na.

Jeems 2:10

Wunba sak ki waa sennii na kur, ŋaan tan biir sennii maŋ yenn, li want nan u biir sennii na kure.

Joosua 7:3

ki bi ŋmat ki saa wann Joosua baa la biaŋinba a, “Li poŋ ki kpaa talas ki ti kur n saan ki lek Ai. Tumin jab tusaa ŋanlee koo ŋantaa. A daa tuun kunkɔnkɔnna na kur a bin saan ki kɔni, li ki tee doo nba yab kaa.”

1 Piita 1:2

Ti Baa Yennu dɔŋ ganni, ki mi nan i tan saa teen u niiba, ki u Seyeeŋ te ki i tee popeendamm, ki u ganni a yii saak Yiisa Masia mɔb, ki u wuur i para nan u sɔn. Yennu ninkpabauŋ nan parmaasir-ii be nani bonchiann.

1 Piita 1:5

ki guu yimm nba ki Yennu paŋ dia-i, i yada paak, a yin la i tinnu nyɔɔt nba teen siir ki saa nyi paanu, dajoontii na.

2 Piita 1:3

Yennu paŋ yab bonchiann; ki u teent linba kur tee manfoor nan yentinu yar, kimaan taa miu na paak; ŋɔɔe din yiinit u yentsaakar nan binbenŋaŋ ni.

2 Piita 1:5

Linba na paak, ii yabir i mɔŋ ki pukin binbenŋaŋ i yada paak man; ki bia pukin Yennu bannu i binbenŋaŋ maŋ paak;

2 Piita 3:14

N naa walonkai, yaa guu bona maŋ na paak, ii yabir i mɔŋ kii mɔk parmaasir, nan binben-yeeŋ, ki daa mɔk biit Yennu boori.

2 Piita 3:17

N naa walonkai, i poŋ mi baa tee biaŋinba. Yimm nba waa barmɔnii na, ii bann i yan ni, ki daa waa biitdamm faak sɔnii na, ŋaan yabir ki daa baa.

Juud 1:24

Yennu saa fit guui ki i daa baa, ki saa baar nani u tɔɔnn, yentsaakar ni, ki i ki mɔk biit, ki i sii mɔk parpeenn bonchiann;

Fiitu 22:14

Damm nba wuur bi para nan Yiisa sɔn na, parpeenn tee bi yare; li paak ki bi mɔk yaak nba saa di tilɔɔna nba teen manfoor na, ki saa kɔɔ tammɔb na ni ki saan doo na ni.