2 Kpanbara 5:22 - Yennu Gbouŋ Mɔɔr

²² Ki Gehasi jiin a, “Siar kaa, ŋaan n chanbaae tumin a man paka nan Yennu sɔkiniinba banlee nyii Efraim teeb kunkona tiŋ na ni ki baar mɔtana, ki u loon fan turib likbina tusaa ŋantaa nan chinchenŋana ŋanlee.”

2 Kpanbara 5:22 ပူးပေါင်းရင်းမြစ်များ

1 Kpanbara 13:18

Ki Yennu sɔkinii jakper nba nyii Betel na yetɔ a, “N mɔŋ mun tee Yennu sɔkiniie nan faa tee biaŋinba na. Yennu-e te ki malaka pak nanin a n jiia ki saan nana n ŋaak ni, ki saa teena saauŋ.” Ŋaan Yennu sɔkinii jakper maŋ din faare.

1 Kpanbara 20:35

Yennu din yet u sɔkiniinba yenɔ a wun yet u lɔɔ ki wun faau. Ki u lɔɔ na yêt.

1 Kpanbara 20:39

Kpanbar na nba tan gaar yoo nba, ki sɔkinii na yiinɔ ki yetɔ a, “Chanbaa, n bo kɔn kɔnne tɔb ni, ki kunkɔnkɔnna na baar nan dataak nba ki bi nyannɔ, ki tan turin, ŋaan yetin a, ‘Ii guu jɔɔ na, li-i tee ki u bot, a manfoore saa pa u paak, nnae kaa, a saa pa salimpeena tusaa ŋantaae.’

2 Kpanbara 2:15

Ki Yennu sɔkiniinba piinŋmu nba nyii Jeriko na lau, ki yet a, “Elaija yiikoo na be Elaisa paak,” ki saan a bin chetɔ, ki baa fabin tiŋ ni, u tɔɔnn,

2 Kpanbara 2:3

Ki Yennu sɔkiniinba nba be Betel na baar Elaisa boor ki boiɔ a, “A mi nan Yennu saa jii a chanbaa ki yaat nanɔ dinna-a?” Ki Elaisa jiin a, “Nn, n mi, ŋaan i daa te ki ti piak li po.”

2 Kpanbara 2:5

Ki Yennu sɔkiniinba nba be leŋ na boiɔ a, “A mi nan Yennu saa jii a chanbaa ki yaat nanɔ dinna-a?” Ki Elaisa jiin a, “Nn, n mi, ŋaan i daa te ki ti piak li po.”

2 Kpanbara 2:7

Ki Yennu sɔkiniinba na piinŋmu weib ki saan Jɔɔdann mɔkir boor. Ki Elaija nan Elaisa saan set kpian mɔkir na, ŋaan ki sɔkiniinba na see ki fɔk namm waama.

2 Kpanbara 4:26

Kakitir ki chetɔ, ki laan bont kur ŋan ki tur ŋɔɔ nan u sɔrɔ nan u bija-a.” Ki u bet Gehasi a bont kur ŋan,

2 Kpanbara 5:21

Ŋanne ki u wei dinn Naamann paak. Naamann nba la ki nirɔ waa tiin na, ki u jakit taantoruk paak ki sik cheu, ki boiɔ a, “Labaari-i?”

2 Kpanbara 5:25

Li poorpo ki u kɔɔ ŋaak na ni. Ki Elaisa boiɔ a, “A bo saan lee?” Ki u jiin a, “Chanbaa, n ki saan siari.”

2 Kpanbara 5:5

Ki kpanbar na jiin a, “Ii saa Israel kpanbar boor nan gbouŋ na.” Ki Naamann jii likbina tusaa piintaa nan salinkuna tusaa ŋanloob nan chinchenŋana piik.

Aisaya 59:3

I mɔk biit nan yaa fa fai ki mɔk kpikpiruk nan nikpinu na.

Jeremaya 9:3

Bi teen siir nan faake yoo kur, bi nyik mamɔmme ŋaan dia doo na nan faak. Ki Yennu yet a, “N niib tuu nyi toonbiyenn ni, ki lɔɔr toonbileer nie, ki ki sak nan n tee bi Yennu.”

Jeremaya 9:5

Sɔɔ kur turin u yɔɔke, ki sɔɔ ki piak mamɔmm, kimaan bi tumii bi jerima faake, ki kan nyik toonbiit tumu. Bi-i nyii kpikpiruk yenn ni, bi tuu kɔɔ leer nie, ki fayeŋ-i gar, leer n wei. Yennu yeen a u niib yêtɔe.

Jɔɔnn 8:44

I tee i baa Sintaanii waase, ki loon yii tuun i baa maŋ yanbɔɔtoona. Pinpiik niwa u poŋ tee nikpiiruko, ki bia fɔk nan barmɔnii, kimaan barmɔnii kaa u ni nan waama. Ki wuu faar faak, li poŋ tee u toonkpere, kimaan waa tee faak daanɔ na. Fai kur nyi u boore.

Joosua 24:33

Aarɔnn bija Eleasar din kpo, ki bi piiu Gibea, ki li be Efraim kunkona yent ni. Bi poŋ din jii doo maŋ ki tur u bija Finehas-ewa.

Fiitu 21:8

Ŋaan jaŋmaandamm, nan binba ki teen Yiisa yada, nan bonbilankant damm, nan nikpiirit, nan bonchonchona, nan jabaabuura, nan patjiant-teeb, nan fai damm kur, bi binbeboor tee bootsunsuŋ nba ki muu nan sarwuuta di na nie; ŋanne tee kuun munlee na.”

Barbuura 14:12

Ki Samsonn yetib a, “Ŋaant ki min tan tianbukitkara. N yaa man pooni poote, li-i tee ki i fit bukit poochiann jaamm daaŋanlore na sinsuuk ni, n saa turi chinchenŋana piintaa, nan liant nba ŋan piintaa.