2 Kpanbara 3:23 - Yennu Gbouŋ Mɔɔr

²³ Ki bi pak nan kunkɔpaara a, “Li tee sɔme. Kpanbara bantaa na kunkɔnkɔnnae sii kɔn ki kpii bi leeb. Ii ŋaan ti saan ki saa jii bona nba be bi kaaŋ ni na.”

2 Kpanbara 3:23 ပူးပေါင်းရင်းမြစ်များ

2 Kpanbara 3:22

Laa fant sanyiɔk ki bi fiir, ki yonnu nyikint nyun na paak, ki li mɔn ki naan sɔn.

2 Kpanbara 3:24

Ŋaan baa baar kaaŋ na ni yoo nba, ki Israel jab na worib ki ber jiimm. Israel jab na din waa Moab jab na ki kpib,

2 Kpanbara 7:6

Yennu bo te ki Siria kunkɔnkɔnna na gbat fuur, ki li naan nan kunkɔnkɔnna bonchianne baat nan taanii nan taantorit na, ki Siria jab na dukin a Israel kpanbar sii jii Hef nan Ijipt kpanbara nan bi kunkɔnkɔnna, ki bi baat a bin worib.

2 Barkperii 20:25

Ki Jehosafat nan u kunkɔnkɔnna na chat ki saan a bin jii mɔkint, ki la bonkobit nan jeet nan liant, ki li yab bonchiann, nan bonlia nba be ki li daauk paar, ki bi jii daaŋantaa ki tikii mɔkint na. Ŋaan tiat na din yab bonchiann, ki bi din ki fit jii li kuri.

Nyinu 15:9

Ki datai na yet a, ‘Ti saa wei beribe ki soorib, ki bɔkit bi mɔkint na ki gann taa loon linba. Ti saa nɔɔt ti jukbanjaie ki jii baa mɔk linba kur.’

Aisaya 10:14

Digbana nba be durinya na ni daan tee nan nɔɔntiɔk nae, ki n taan bi gor na yiama, nan jena na. Ki kpinkpounsiar ki damm ki saa yɔɔmi, ki mɔb ki yaat ki koon n paaki.”

Barbuura 5:30

“Bi lek ki kpaan bona kaa a bin fat ki biiti-i? Kunkɔnkɔnnɔ kur sii mɔk sapaan-yenɔ koo banlee, ki Sisera sii mɔk taŋant nba saa kɔɔ u ŋaapoo turu ni.”