2 Kpanbara 21:14 - Yennu Gbouŋ Mɔɔr

¹⁴ N saa yêt niib nba tinn na, ki jiib kubin bi datai nuu ni, ki bin nyannib ki yent bi tiŋ.

2 Kpanbara 21:14 ပူးပေါင်းရင်းမြစ်များ

2 Kpanbara 17:18

Yennu maŋ wutoor din doo ŋamm Israel teeb paak, ki u ber yatib u boor, ŋaan nyik Juda booru kɔɔ.

2 Kpanbara 17:19

Ŋaan Juda teeb na mun bia din ki sak bi Yomdaanɔ Yennu mɔbi, bi din tokii Israel teeb marimae.

2 Kpanbara 17:20

Ki Yennu yêt Israel teeb na kur, ki dat bi tuba, ki jiib kubin databiit nuu ni, nan waa tan boontib ki gbenn fas fas.

2 Kpanbara 17:23

ki tan tuu yoo nba ki Yennu yat bi kur fas fas; nan waa din kpaanib biaŋinba, ki li nyii u toontunna nba tee sɔkiniinba na mɔi ni, a u saa teemm na. Ki Asiria jab soor Israel teeb na, ki saan namm yommisin ni, ŋamm Asiria teeb tiŋ ni, siaminba ki bi daa be na.

2 Kpanbara 19:4

Asiria kpanbar tun u saakawakitire, ki u baar sukii Yennu nba fo na. A Yomdaanɔ Yennu n gbat sukit na, ki dat binba sukii na tuba. Li paak, a miar Yennu ti niib nba tinn na paak.”

2 Kpanbara 21:13

N saa dat Jerusalem teeb tuba nan maa dat Samaria teeb tuba na, nan maa bia dat Israel kpanbar Ahab nan u yaaboona tuba na. N saa piar Jerusalem niib nan baa tuu sokir saaŋmaŋ ki fiar chibin nae.

2 Kpanbara 21:15

N saa tun linba na ki tur n niib kimaan bi tun biirin, ki donn n wutoor, yoo nba ki bi yeejamm din nyii Ijipt nawa ki tan tuu mɔtana.”

2 Kpanbara 23:27

Yennu din yet a, “N saa tun ki tur Juda nan maa din tun biaŋinba ki tur Israel nae. N saa ber Juda niib n boor, ki saa yêt Jerusalem doo nba ki n din gann na, nan jiantu ŋasaakak nba ki n yet a bii jiantirin leŋ na.”

2 Kpanbara 24:2

Ki Yennu te ki kunkɔnkɔnna bonchiann nyii Babilonn nan Siria nan Moab nan Amonn, a bin kɔn nan Jehoyakim ki biir Juda tiŋ, nan ŋɔɔ Yennu nba din te ki u toontunna nba tee sɔkiniinba pak na.

2 Barkperii 15:2

ki u chet kpanbar Asa, ki yetɔ a, “Kpanbar Asa, nan yimm Juda teeb, nan Benjaminn teeb kur, gbiintir man. Li-i tee ki i be nan Yennu, u mun sii be nani. Li-i tee ki i loonɔ, u saa te ki yin lau, ŋaan li-i tee ki i yêtɔ, u saa ŋaaiwa.

Yaŋ 37:28

kimaan Yennu loon linba ŋan, li paak, ki u ki nyikin niib nba tuun u loomm na yanni, ki guub yoo kur, ŋaan beer nɔɔnbiit damm maaru ki nyintib.

Yaŋ 74:1

Yennu, bee ki a nyikit nna? A wutoor saa do a niib paak mɔkmɔk nan mɔkmɔk-aa?

Aisaya 10:6

N tun Asiria kpanbare maa wun saan dat niib nba ki waa min Yennu na tuba, ŋamme donn n wutoor. N tumɔe maa wun saan fat ki jan, ki bia ŋmaat niib na nan bi tee sɔnjouk ni tante na.”

Jeremaya 12:7

Ki Yennu yet a, “N nyɔr nyik Israel teeba, n yêt n nigannkab nawa. N jii niib nba ki n loomm na, ki kubin bi datai nuu niwa.

Jeremaya 19:7

Nna nae ki n saa ŋmat Juda teeb nan Jerusalem teeb lora kur. N saa te ki bi datai n la nyannu bi paak, ki kpib tɔbii ni. N saa jii bi gbanant ki tur nɔɔnii nan muuk ni bonkobit, ki li tee bi jeet.

Jeremaya 23:33

Ki Yennu pakin a, “Jeremaya, li-i tee ki n niib na yenɔ, koo sɔkinii, koo manntɔɔ boia a, ‘Yennu maan yaa bia?’ fan jiinɔ a, ‘A tee jikire ki tur Yennu, ki u saa nyikawa.’

Jeremaya 44:27

N saa te ki i kan mɔkit, ŋaan n saa biirie. I kur saa kpoe tɔb ni, koo yiarii ni, ki nan i yenɔkɔɔwa tan kan tenni.

Fabinii 1:10

Ki datai na fat u mɔkint kur. Ki u la ki bi kɔɔ Yenjiantu ŋasaakak na ni tiɔŋ, siaminba ki Yennu ki saak binba ki waau kɔɔ na.

Fabinii 1:5

Ki u datai na nyannɔ, ki diau nan yiikoo. Yennu-e te ki u di biak na, u toonbichiɔŋ paak. Bi soor u waas ki yaat namma.

Fabinii 5:20

Bee teen ki a nyikit ki li wei nna? A saa ban tiar ti po jika-a?

Liifai teeb 26:17

N saa lek n numm, ki lin te bin nyanni, ki binba ki loon i maan na, ŋamme sii dia-i ki ŋmaŋ. Ki i tan sii tiin, ŋaan ki sɔɔ ki waa beeri.

Amos 5:2

Israel nba tee nan poomunn na baawa, ki ji kan ban fiiri, ki bi yêtɔ u tiɔŋ tiŋ ni, ki sɔɔ kaa ki saa fit sommɔ ki wun fiiri.

Sennu 28:25

“Yennu saa tur i datai paŋ ki bin nyanni. Ki i saa nyi lokyennkɔɔ poe ki lekib, ŋaan tan saa chiar loka kur po. Ki tingbouŋ na niib kur tan sii mi i po, ki i tee jaŋmaankɔɔntuk ki turib.

Sennu 28:48

Li paak, i saa tun tur i datai nba ki Yennu jikiti ki teemm nae. Ki i saa kɔŋ bont kur; kon saa soori, ki nyunnyukuru sii mɔki, ki i bia saa somm yann ki kan yoo siari. Yennu saa te ki bi diini nan yaa tan saa boont.

Sennu 31:17

Li-i tee ki li tun nna, n wutoor saa do bi paake, ki n nyikib ki bin boont. Bonbilankant booru booru saa baarib. Ki bi ji saa bann nan bonbibooru na kur baat bi paak kimaan min Yennu ji ki be nammi.