2 Kpanbara 20:3 - Yennu Gbouŋ Mɔɔr

³ “Yennu, tiat nan n waa-a fanu nan baakir, ki yiab yoo kur a man tun linba ki a loon.” Li yoo na ki Hesekia piin ki mɔ nan parbiir.

2 Kpanbara 20:3 ပူးပေါင်းရင်းမြစ်များ

Pinpiik 17:1

Abram nba din mɔk bina piinyia nan ŋanyia yoo nba, ki Yennu baar u boor ki tan yetɔ a, “Mine tee Yabint Yennu. Ii saak n mɔb, ki daa mɔk siara biiti.

Pinpiik 5:22

Enɔk nba din mar Metusela, li poorpo ki u be nan Yennu fanu, ki dii bina kobii ŋantaa ki mɔk bonjai nan bonpoi.

Pinpiik 5:24

Enɔk din waa Yennu fanu, ki bi din tan ki lau, kimaan Yennu-e din jiiu.

Pinpiik 8:1

Yennu din ki tamm Nowa nan bonkobit nba kur be ŋaruŋ ni na po, ki din te ki wouŋ da tingbouŋ na paak, ki nyun na fɔɔr,

1 Kpanbara 11:4

ki u din tan kpet na, ki sɔɔ ki bi poŋ te ki u jiantir patae, linba din tee boorganu na yenbis. U din ki waa u Yomdaanɔ Yennu fanu nan u baa Defid nba din waa na.

1 Kpanbara 15:14

Asa lek din ki biir tingbanjiant boa na kur tiŋ na ni, ŋaan u din waa Yennu fanu, u manfoor ni kur.

1 Kpanbara 2:4

Li-i tee ki a sak Yennu mɔb, u saa dia mɔsonn nba ki u senn, yoo nba ki u pakin nan n yaaboona saa dia Israel teeb nan yoo nba kaa paak, li-i tee ki bi saak u mɔb, ki dia u sennu fanu nan bi para kur nan bi dudukit kur.

1 Kpanbara 3:6

Ki Solomonn jiin a, “A tun a lonchiɔŋ ki tur a toontunnɔ, n baa Defid, yoo nba gar, ki u din ŋan, ki mɔk mɔsaku nan baakir, fin nan ŋɔɔ binbeŋ ni, ki a tukin ki wannɔ a lonchiɔŋ nba kaa paak, ki turɔ bonjak ki u kar u naan binbintir paak dinna na.

1 Kpanbara 8:23

ŋaan miar Yennu a, “Israel teeb Yomdaanɔ Yennu, yensau ji kaa sanpaapo koo tingbouŋ na ni, ki tee nan fin na. A dia a mɔlor nan a niib, ki bia wantib a lomm, yoo nba ki bi sak a mɔb nan bi para kura.

1 Kpanbara 8:61

Yimm nba tee u niib na, yii yɔɔ kii saak u mɔb, kii saak u sennii nan u wannu nan yaa tuun biaŋinba mɔtana na.”

1 Kpanbara 9:4

Li-i tee ki a saa jiantin nan barmɔnii nan yanŋanin nan a baa Defid nba din tee na, ki saa dia n sennii ki tun linba kur ki n wanna,

2 Kpanbara 20:2

Ki Hesekia ŋmant u numm ki tor dikpinn, ŋaan miar Yennu a,

2 Kpanbara 20:4

Ki Aisaya yaat kpanbar na boor, nan waa tan gaar kpanbar ŋaasinsuuk ni dindouŋ na,

2 Barkperii 16:9

Yennu-e laat durinya na niib kur, ki teen binba para be nanɔ fanu na paŋ. I tun jatiiwa, li paak, laa nyii mɔtana ki saa, i sii tun be tɔb nie.”

Nehemaya 13:14

Yennu, tiat linba kur ki n teen ki tur a jiantu ŋasaakak na nan li toona.

Nehemaya 13:22

Ki n tur Liifai teeb na mɔb a bin ŋamm bi mɔŋ, ki saan kii guu tammɔi na, ki lin te foon daar na-ii tee kasii. Yennu, ii tian n po, linba na paak, ki tinin ninbaauk, kimaan a lomm nba yab na paak.

Nehemaya 13:31

N te ki bi sii baat nan daat nba ki bi sii jokin Yenpiinii nba ki bi baat nann na yoo nba jaŋ, ki bia te niib na sii baat nan bi Yenpiinii nba tee binn ni jeet kur sinsinn jaauŋ. Yennu, tiat linba na kur ki ŋammin.

Nehemaya 5:19

Yennu, n meia maa fii tian maa tun linba kur ki tur niib na ki ŋammin.

JOB labaar 1:1

Jasɔɔe din be, ki bi yiu Job, ki u kɔɔ Us tiŋ ni, ki jiantir Yennu ki waau fanu, ki tee niŋanɔ, ki dia u mɔŋ fanu, ki ki tuun biit.

JOB labaar 1:8

Ki Yennu boiɔ a, “A la n toontunnɔ Job nba tee biaŋinbawa-a? Sɔɔ ki be tingbouŋ na paak ki waan fanu, ki bia tee niŋanɔ nan ŋɔɔ na. U jiantirin, ki dia u mɔŋ fanu, ki ki tuun biiti.”

JOB labaar 16:20

N yɔɔsnba laame, ki n nunii nyi ninnyuut, a Yennu n la.

JOB labaar 4:6

A tuu jiantir Yennu, ki a binbeŋ ki mɔk bisiati. Li paak, a chee par kii mɔk dindann.

Yaŋ 102:9

A wutoor nan a parbeenn paak, ki n mɔɔ tanpent ki li tee n jeet, ki n ninnyuut tuu ŋmat nan n bonnyukar; ki a tɔkirin ki lun.

Yaŋ 119:26

N pak fiit n toona kure ki wanna, ki a turin gatu, wantin a sɔnii.

Yaŋ 119:49

Tiat a mɔsonn nba ki a senn ki tur min a daabir na; li turin dindanne.

Yaŋ 145:18

Yennu ki fɔk nan binba kur yiu na, binba yiu nan bi para kur na.

Yaŋ 25:7

Nyikin chab yanbɔmm nan toonkpeta nba ki n tun naasint niŋa na, Yennu, a lomm nan a ŋant paak, a tiar n po.

Yaŋ 26:1

Yennu, a bu n buut ki turin mɔnii, kimaan n tuun linba ŋan, ki teena yada, ki ki biris nana.

Yaŋ 26:3

kimaan a lomm yɔɔ be n tɔɔnn po, ki a ŋant yɔɔ ŋmakitirin.

Yaŋ 32:2

Daanɔ nba ki Yennu ki pak biirɔ nan u tun biir, ki bia ki mɔk kpinkpannii na, parpeenn tee u yare.

Yaŋ 39:13

Nyikimin ki n sii mɔk parpeenn nan maa tan saa yaat ki ji sii kaa.

Yaŋ 6:6

N bak nan parbiira, nyiɔk kur, n dindɔɔnu tuu pɔɔk ninnyuut nie. N ninnyuut tuu borik n yukpakitire.

Yaŋ 6:7

N ninbina mɔr piina, ki n ji ki nyɔɔni, kimaan n datai nba te ki n mɔ na paak.

Yaŋ 89:47

A tiar n manfoor nba jiŋ biaŋinba. A tiar nan fine nant, ki ti tee nisaarii.

Yaŋ 89:50

A daa tammit baa sukii min, a toontunnɔ biaŋinba, nan maa bia gaar tingbouŋ na mɔtont kur biaŋinba.

Aisaya 38:14

Ki n kunkɔr waab ki baŋ, ki n mɔ nan ŋmann na. Ki n ninbina bak nan sanpaapo gotu. Yennu, nyintin daamii na kur ni.

Aisaya 63:11

Tɔn, ki bi ji tiar Moses nba din be sianyoo na po, wunba din tee Yennu toontunnɔ na, ki boi a, “Yennu nba din tinn u niib tɔɔndamm mɔkgbeŋir ni na, ji be lia? Yennu nba din jii u kasii Seek ki tur Moses na ji be lia?

Jeremaya 4:2

li sii took nan yii poor n sann ni. Ki digbana kur saa boi a n teen piisin bi paak, ki bin dontin.”

Amos 5:4

Yennu din yet Israel teeb maŋ a, “Baat man n boor, ki i saa la manfoor.

Barŋanii nba ki LUK din sɔb nae na 1:6

Bi banlee maŋ binbeŋ din ŋan Yennu boor, ki bi sak u wannu nan sennu kur nyiknyik;

Jɔɔnn 1:47

Yiisa nba la Natanael baat u peŋ na, ki u pak u po a, “Israel nimɔnɔe na, kimaan u tee burchimɔe.”

2 Korint teeb 1:12

Linba te ki ti mɔk yuugontir na tee nnae: ti dudukite wantit nan ti mɔk barmɔnpaku nan yentinu, tingbouŋ na niib boor, mantik taa daa be nani ki timm nan yimm tee weinanleeb na; Yennu sommir paake te ki ti be nna maŋ, li ki tee nisaarii yan paak kaa.

Hiibru teeb 5:7

Tɔn, Yiisa nba din be tingbouŋ na ni yoo nba na, u din mei Yennu ki barimɔ, ki bui nan ninnyuut, Yennu nba saa fit fatɔ kuun ni na boor. Waa din baakit Yennu na paak, ki Yennu gbat u miaru.