2 Kpanbara 2:9 - Yennu Gbouŋ Mɔɔr

⁹ Leŋe ki Elaija pak Elaisa a, “Wantin faa loon man tun linba ki turawa, ki Yennu n jiin ki yaat nanin.” Ki Elaisa jiin a, “Ŋaant ki man gaar a yiikoo na bɔkitu taar munlee, linba saa te ki n teen a gaartɔɔ.”

2 Kpanbara 2:9 ပူးပေါင်းရင်းမြစ်များ

1 Kpanbara 19:16

ki mɔɔn kpan Nimsi bija Jehu yur paak, ki u sii tee Israel teeb kpanbar, ki mɔɔn kpan Safat bija Elaisa yur paak, wunba nyii Abel Mehola na, ki u sii tee n sɔkinii ki gaara.

1 Kpanbara 3:9

Li paak, turimin yanfoon nba ki n saa fit dia a niib maŋ nan barmɔnii, ki bia fit bann bonŋann nan bonbiir bɔkitu. Nna-i kaa, n saa teen nlee ki fit dia a niib nba kaa kann na?”

Yaŋ 72:1

Yennu, a wann kpanbar ki wuu bu nan a popeensin na; turimɔ a tiɔŋ barmɔnii,

Yaŋ 72:20

Linba nae joont ki tee Jese bija Defid Yenmiaru.

Sekaria 12:8

Li yoo, min Yennu saa guur binba be Jerusalem na, ki binba ki mɔk paŋ na, ŋaan n saa te ki bi mɔk paŋ nan Defid nba din mɔk na. Defid yaaboonae tan sii tee niib na tɔɔndamm, ki ŋmakitirib nan min Yennu malaka, koo min Yennu mɔŋe ŋmakitirib na.

Sekaria 9:12

Jenin man, yimm yommii nba ki mɔk dindann na, ŋmatir kun i doi ni, siaminba ki fat-n-mɔŋ be na, n beerie, n saa pa piisin ki jiini, ki lin gar biak nba ki i dii na taar munlee.

Nikant 11:17

N saa sik leŋ ki pak nana, ki jii Seek nba ki n tura na mun ki turib, ki bi saa somma ki jii niib na jika, ki a ji kan jii a kuukɔɔ.

Nikant 11:25

Ki Yennu dɔkit sanpagbouŋ ni ki pak nan Moses, ki jii Seek nba ki u tur Moses na mun, ki tur tɔɔndamm piinlore na. Seek na nba baa bi paak yoo nba, ki bi piin piak nan sɔkiniinba na, ŋaan ki ki pak wei.

Jɔɔnn 16:7

N beeri barmɔniie nan li sii ŋan turi nan ki n yaat saan, kimaan mi-i kii saani, Sommtɔɔ na kan baar i peŋi. Ŋaan mi-i taŋi saan, n saa tumɔ i peŋ na.

Toona 1:8

Ŋaan yoo nba ki u Seyeeŋ saa sik i paak na, i saa la paŋ, ki tan sii tee n siara damm Jerusalem, nan Judea yent kur ni, nan Samaria yent ni, nan tingbouŋ na lokir kur po.”

Toona 8:17

Ki Piita nan Jɔɔnn yii yii bi nii bi paak, ki bi gaar Yennu Seyeeŋ.

1 Korint teeb 12:31

Ii loon man piinii nba tee piinjaana nan ninmɔnn. N saa wanni sɔnu nba gar li kur.

Sennu 21:17

Li loon ki wun biit u faar na ki tur bikperik na tor munlee, wu-u leki kii tee pooloŋir biki. Li ŋan ki jɔɔ n bann u bikperik, ki jii linba tee bikperik yar ki turɔ.

Sennu 34:9

Joosua, wunba tee Nunn bija din gbee nan yanfoon, kimaan Moses paan nii u paak a wun gaar u seenu, u kuun poorpo. Ki Israel niib kur din sak Joosua mɔb, ki wei sennu nba ki Yennu din tur Moses a wun turib na.

1 Timoti 5:17

Masiaweira saakab nba diab fanu na ŋan nan baakir nan paauk; mantik binba mɔɔntir Masia labaar ki wantib li paak na,