2 Kpanbara 2:23 - Yennu Gbouŋ Mɔɔr

²³ Elaisa din nyii Jeriko ki saa Betel, ki bonjasai nyii dosau ni ki chetɔ sɔnu paak, ki laau ki yeen a, “Yukokiruk na, nyimin nna.”

2 Kpanbara 2:23 ပူးပေါင်းရင်းမြစ်များ

Pinpiik 21:9

Daasiar ki Ismael, wunba ki Ijipt bik Hagar din mar tur Abraham na tan jerin nan Sara bija Aisak.

2 Kpanbara 2:11

Ki bi piak ŋaan saa; ki li taakpaak ni, ki taantorit nba ki muu di, nan taanii nba ki muu di na daarir na baar bi sinsuuk ni, ki sajaperinn jii Elaija ki doo nanɔ yendɔuŋ ni.

2 Kpanbara 2:2

ki Elaija saa yet Elaisa a, “Ii bee nna; Yennu wannin a man saan Betel.” Ŋaan ki Elaisa jiin a, “Fin nan Yennu nba be na sann ni, n kan nyika.” Ki bi tɔk saan Betel.

2 Kpanbara 2:22

Ki nyun na din yɔɔ tee nyunŋanin nan Elaisa nba yet a li sii tee na.

2 Barkperii 36:16

Bi lek din sarikit Yennu toomii nae, ki yêt u maan, ŋaan laa u sɔkiniinba na tee-e nan Yennu wutoor nba tan doo u niib paak, ki li ji ki mɔk gɔɔru.

JOB labaar 19:18

Ki waas yisimin ki laan, yoo nba ki bi lan.

JOB labaar 30:1

Ŋaan mɔtana, jab nba ki n kperib na laame. Bi baanba mantik tuu ki mɔk nyɔɔt, li paake ki n tuu kan te bin somm n bɔi ki bin kpakir pei.

Yaŋ 31:17

Yennu, a daa te ki n di fei, kimaan n fabin ki turawa. Ŋaant ki nɔɔnbiit damm n di fei, ki sik dɔɔr soon nna kaauk ni.

Yaŋ 31:18

A te ki bi fai mɔi na n kpakin, binba tee fai damm nan biir teeb, ki piak biir niŋamm na kur.

Yaŋ 35:15

Ŋaan daamii nba tan baarin yoo nba, ki bi kur mɔk parpeenn, ki taan leeb ki lintin, ki sarikitin, ki saamm boon, ki faan yoo kur,

Barjokit 20:11

Waas gbaa ŋaan bi toonae want bi binbeŋ, li saa te ki a bann baa tee barmɔnpakira nan baa ŋan biaŋinba.

Barjokit 22:15

Li tee waas binbeŋe nan bii tuun jatii, ŋaan fi-i kɔɔn lanbann bi pagbina po, bi saa nyike.

Barjokit 22:6

Want waas baa sii be biaŋinba, ki bi-i kpaat ŋaan bi kan tammir.

Banntɔɔ 11:10

Ii daa te ki siar biir i para, koo ki toni. I kii tun tee nipaauŋ kaa.

Aisaya 1:4

Yimm biit damm na, yimm niilabindiira nba tee yanbɔndamm na, i boonta. I biite tut lui. I yêt Yennu nba tee yimm Israel teeb kasii daanɔ nae, ki ŋmant i poor turɔ.

Aisaya 3:5

Sɔɔ kur sii ton nan u lɔɔ. Naasimm kan chɔrin bi saakab, ki niyana kan baakit tɔɔndamm.

Jeremaya 20:7

Yennu, a kpannime, ki n set be kpinkpannii ni. A mɔk paŋ ki garin, ki nyannin. Sɔɔ kur piak maame ki jiint n po, ki bi laan yontunmuna.

Jeremaya 20:8

Yoo nba kur ki n pak, li tee man yikin sanpaapoe ki hoot a, “Woribuk! Biiru!” Yennu, n be tiŋ nie ki tee yann yoo kur, kimaan maa mɔɔntir a maan na paak.

Jeremaya 7:18

Waas yi daate, ki jab jokit muu, ki poob miin yon a bin lo lilaat ki tur yenpook nba ki bi yi Sanpaapo Poobat na. Bi mɔ daan ki teen yenlia a lin gbatin.

Hosea 10:15

Ki yimm Betel teeb, linba saa baariie na, kimaan bonbilankant nba ki i tun na paak, ki daar nba tɔb maŋ saa piin na, Israel kpanbar saa kpo.”

Hosea 10:5

Ki jaŋmaanii saa soor niib nba kɔɔ Samaria doo ni na, ki bi saa bui fabin, salima naajabir nba ji kaa Betafenn doo ni na po. Doo maŋ niib, nan manntɔɔ nba mann tingbann maŋ, saa bui tingbann maŋ kaalin po. Bi saa bui fabin, yoo nba ki bi nyinn li fant na.

Hosea 4:15

“Israel teeb, yaa lek ki waan na, ŋaan Juda teeb daa tuun nna. I daa saa Gilgal, koo toonbiit doo Betel ki jiantiri. I daa poor mɔpora leŋ, min Yennu nba fo na sann ni.

Liifai teeb 13:40

“Li-i tee ki jɔɔ yut kokir yur sinsuuk ni, koo yugbiar paaki, linba na ki teenɔ jakint.

Amos 3:14

Daar nba ni ki n saa dat Israel teeb tuba bi toonbiit paak na, n bia saa bet jiantu binbinta kur nba be Betel doo ni, ki binbintir kur lɔtii mɔgbana saa gbiat baa.

Amos 4:4

Yabint Yennu ŋamm yet a, “Israel teeb, i-i mi a li ŋan, yin saan kasii boor nba be Betel na ki tun yanbɔmm, ki saan Gilgal ki saa tun yanbɔmm nan i paŋ kur, kii ŋammit kii baat nan bonkobit sanyiɔk kur, kii mann maruŋ, kii biaki baat nan i bona piik ni yenn, daaŋantaa kur ni.

Amos 5:5

I daa saa Beerseba ki jiantir, i daa koor a yin lon n boor Betel-i, kimaan Betel saa teen yanna. I daa saa Gilgal, kimaan u niib saa teen yommii digbangann niwa.”

Amos 7:13

A daa sɔkint Yennu maan Betel na jikii. Nna na tee kpanbar na Yenjiantboore, ki tee digbann na jiantu boor.”

Galasia teeb 4:29

Baa din mar bonjak nba nan niib nba maar biaŋinba na din tuu mukis wunba ki bi din marɔ Seyeeŋ yiikoo paak nae, ki li mun bia lek tee nnae nan mɔtana.

Hiibru teeb 11:36

Ki niib din daan siab nyatuk, ki bia boob kpaasir; ki bi baan bi siab jarit, ki jiib saan kɔɔmm dansarii.