2 Kpanbara 19:28 - Yennu Gbouŋ Mɔɔr

²⁸ N gbat labaar ki jiin a wutoor nan a parbifaant maŋ powa, ki mɔtana n saa tuun janpeenu a miar ni, ki kɔɔn garika a mɔb ni, ki tɔkin nana sɔnu nba ki a tɔkin baar na, ki jiina.”

2 Kpanbara 19:28 ပူးပေါင်းရင်းမြစ်များ

2 Kpanbara 19:33

Sɔnu nba ki u bo tɔkin baar na, u saa ŋmat tɔkin li sɔnue ki kun, ki poŋ kan kɔɔ doo ni kaawa. Min Yennu-e pak na.

2 Kpanbara 19:7

Yennu saa te ki kpanbar maŋ n gbat biyaa maan, ki ŋmat kun u tiɔŋ doo ni, ki ŋɔɔ Yennu n te ki bin kpiu leŋ.”

JOB labaar 41:13

Sɔɔ kaa ki saa fit pɔkit u poor po wakir, koo ki fut gbakituk nba ki u lia na.

JOB labaar 41:2

A saa fit gaan ŋmiiuk u miana ni, koo ki lɔk u yiak nan janpeenu-u?

Yaŋ 32:9

A daa jatikit nan taamm koo boŋ nba ki mɔk yan, ki bi ŋmakitirɔ nan taanbobit nan taangarikawa, ki u fit saak mɔb na.”

Yaŋ 46:6

Yennu kunkɔr tant, ki tingbouŋ nann, ki jaŋmaanii soor niib na, ki digbana baa.

Yaŋ 65:7

Mɔka nyunpana nba fi biaŋinba, ŋaan fine te ki li baŋit, ki fit so nyunpana fuur; ki niib-i tɔɔ jat paak, fine fit sikint bi wutoa.

Yaŋ 7:6

Yennu, fiit nan wutoor, setir a taajaa paak, ki took n datai bi wutoor ni, ki sommin, kimaan a tee wunba waa barmɔnii sɔnue.

Yaŋ 74:23

A daa tammit a datai nba donn wutoa ki tian tintianii na, nan fuut nba ki a datai fu yoo kur na po.

Yaŋ 74:4

A datai yikin ki kpamm a ŋasaakak ni, ki chaan bi farimii leŋ, ki li want nyannu nyinn.

Yaŋ 83:2

Gotir, a datai nba yêen ki ki saak a mɔb.

Aisaya 30:28

U tuu gaan wouŋo u tɔɔnn po, nan nyungbeeuk nba tuu jii bont kur ki yaat nann na. Li tuu di digbanae ki biirir, ki boont li niib lorbiit na.

Esekiel 19:9

ki lorɔ jaruk ki kɔɔnɔ ŋmangɔuŋ ni, ki jiiu saan nanɔ Babilonn kpanbar boor. Bi din loonɔe, a lin te sɔɔ ji daa ban gbia u fuur Israel kunkona paaki.

Esekiel 29:4

N yaa n gaan janpeenue a yiak paak, ki dat nyinna nyun na ni, ki janii nba kur be mɔkir na ni saa kpaa a gbanant na paak. Ki n ji saa dat nyinna Nail mɔkir na ni, ki kpab nan janii nba kpaa a gbanant paak na.

Esekiel 35:13

N gbat i dont-n-mɔŋ pinpakit nba ki i piak ki biirin nawa.”

Esekiel 38:4

N saa nyinn u paŋ ki gaan janpeenu u yiak, ki dat ŋɔɔ nan u kunkɔnkɔnna na kur, ki yaat namm. Ki u kunkɔnkɔnna, nan bi taanii, nan bi taanjakira nba lia tiat na yab, ki kaa bannu, ki kunkɔnkɔnnɔ kur dia naagbankɔŋir nan jukbanjiak.

Amos 4:2

Yabint Yennu sat mɔb u kasii sann ni, ki yet a, “Yoo baate, ki bi tan saa soori nan kutlɔkita, ki i kura tan sii tee nan jaŋ nba tuu be janpeenu paak na.

Barŋanii nba ki LUK din sɔb nae na 6:11

Ki sennu wannteeb nan Farisiinba na ji din yaa bin put nan wutoa, ki ji piin beer leeb baa saa teen Yiisa biaŋinba.

Jɔɔnn 15:18

“Tɔn, li-i taŋi tee ki tingbouŋ na ŋaateeb nami, yin bann nan bi poŋ nan minewa.

Toona 7:51

Ki Stiifenn lek bia piak ki saa a, “I mantik tee nigbaba hei, ki i dudukit bia fɔk nan Yennu bonchiann, ki i ki sak yin gbiint Yennu maan. I kpan mun kɔn nan Yennu Seyeeŋ nan i yeejamm nba din tun biaŋinba nae.