2 Kpanbara 19:21 - Yennu Gbouŋ Mɔɔr

²¹ Min Yennu yeen a: Jerusalem doo la fin Senakerib-e ki yisima.

2 Kpanbara 19:21 ပူးပေါင်းရင်းမြစ်များ

JOB labaar 16:4

Li-i bonni tee ki i be n binbeŋ na booru ni, ki n mun be i binbeŋ na ni, n bo saa fit yet yaa piak linba na kurawa. N bo sii gumii n yure nan subinii, ki pak nani mɔbona bonchiann.

Yaŋ 109:25

Niib-i lan yoo nba, bi laame, ki pakin bi yura, ki sarikitin.

Yaŋ 137:8

Babilonn doo, bi saa biirawa. Parpeenn sii be daansɔɔ nba pa-a faa daan tun linba ki turit na paak,

Yaŋ 44:14

Ki a te ki ti kpant nilaaka digbana kur ni, ki bi sarikitit.

Yaŋ 9:14

ki man fit set a niib boor Jerusalem, ki wannib linba paak ki n dontira na. N sii kpamme, kimaan a tinnima.

Aisaya 1:8

Jerusalem kuukɔɔe biar, ki bi bia lekira. Li tee nan lanbouŋ nba be daan tiinii kpaab ni, koo kpinfaat kpaab ni, ki ki mɔk gaartɔɔ nae.

Aisaya 23:10

Ii saa ki i ko tiŋ na man, yimm niib nba be Speenn yent ni na. Sɔɔ kaa ki ji saa guurini.

Aisaya 23:12

Sidonn doo, a parpeenn na gbenna, ki a niib ji di biak. Bi-i lekii chiar saan Saiprus ŋaan bi kii be bi yamani.

Aisaya 47:1

Yennu din yet a, “Babilonn, fiit a naan gbant paak, ki sik tiŋ ni, ki kar tanbiinii ni. Sianyoo, a din tee nan sapaanmunn nae, ki tee nan doo nba ki bi ki nyannir na, ŋaan a ji ki ban be a yamani, mɔtana a tee yommike.

Aisaya 47:5

Yennu bia din yet Babilonn a, “Ii kar bunbɔnn ni kii ŋmin. Bi ji kan yiina digbana poobati.

Jeremaya 14:17

Ki Yennu wannin a n pak tur niib na ki jiin n parbiir po ki yet a, “N ninnyuut-ii luun yonnu nan nyiɔk. N kan nyik mɔnii, kimaan n niib la daŋ bonchiann ki li gbatiba.

Jeremaya 18:13

Ki Yennu yet a, “Boin digbann kur ki laan linba na booru ban tumewa. Israel teeb tun bonbilankanta.”

Jeremaya 31:4

N bia saa fiiniwa. I saa ŋamm jii i naayaka ki waa waak nan parpeenn,

Jeremaya 46:11

Ijipt teeb, ii saa Gilead tiŋ ni ki saa lon tebuk. I tebuk na kur tee yanne; siar kaa ki saa turi laafia.

Fabinii 1:15

“Yennu laa n kunkɔnkɔnwakita nba ki n mɔk nae; u te ki kunkɔnkɔnna baar kpii n naasinpaauŋ nawa. U mat n niib na ki li tee nan daan tilɔɔna nba ki bi ŋmaan ki nyint nyun nae.

Fabinii 2:13

Jerusalem, n mantik loona, n saa pak a bee? Nlee ki n saa maan a pari? Sɔɔ daa ki ban dii biak nan linba na na. A biiru na yab, ki tee nan mɔkgbeŋir nba yab biaŋinba nae. Ki siara dindann ji ki be.

Fabinii 2:15

Ki niib nba gaar fin Jerusalem boor na yisima. Bi pakin yura, ki laa a biiru na paak, ki yeen a, “Digbanŋann nae na-a? Doo nba ki tingbouŋ na tuu dontir u mɔŋ li paak nae na-a?”

Fabinii 4:21

Ii laa man, yimm Edom teeb nan Us teeb. Ii mɔk parpeenn man, nan yaa daa mɔk yaak na. Biiru mun bia baatie, ki i mun bia tan sii daŋit ki be payana, ki di fei.

Amos 5:2

Israel nba tee nan poomunn na baawa, ki ji kan ban fiiri, ki bi yêtɔ u tiɔŋ tiŋ ni, ki sɔɔ kaa ki saa fit sommɔ ki wun fiiri.

Maika 4:8

Jerusalem, fin ŋarin tee siaminba ki Yennu be-e, ki tee nan pekpaarik na ki gorii u niib, a tan saa ŋamm teen digbangbeŋir, naan yent nba tuu tee a yar na ni.

Sekaria 9:9

Sayɔnn teeb, ii mɔk kpinkpammuk man. Jerusalem teeb, ii yikin man nan parmaasir. Gotir man, i kpanbar nae baat i boor na. U tee yiikoo daanɔe ki mɔk nyannu, ŋaan u tee wunba sikint u mɔŋe, ki jak boŋ nba set tee bonpaaŋ.

Matiu 27:39

Ki binba somm gaar leŋ na gumii bi yura ki sukiiɔ,