2 Korint teeb 7:5 - Yennu Gbouŋ Mɔɔr

⁵ Taa din baar Masedonia ti din ki fit foi. Ti din la mukisuk lokir kur po; niib din kɔn nant Yennu mɔmaan na paak; ki jaŋmaanii din be ti para ni,

Yennu Gbounpaauŋ Mɔɔr

⁵ Ta din baar Masedonia ti din ki fit foi. Ti din la muksuk lokir kur po; niib din kɔn nant Yennu mɔmaan na paak; jaŋmaanii din be ti para ni,

2 Korint teeb 7:5 ပူးပေါင်းရင်းမြစ်များ

Pinpiik 8:9

Ŋaan nyun na daa din be tiŋ paak, ki lanjerik na kɔŋ waa saa set sian, ki yukir ŋmat ŋaruŋ na boor. Ki Nowa tant nuu ki soorɔ kɔɔn ŋaruŋ na ni,

JOB labaar 18:11

ki jaŋmaanii guu lintɔ, ki waa u taaŋmaatir kur ni.

Aisaya 33:12

I saa di ki boonte faba, nan baa tuu joo kunkonii ki lin teen tanpent na.

Jeremaya 20:10

N gbat sɔɔ kur lɔkin ki yeen a, “Jaŋmaanchiɔŋ li munn po. Ŋaant tin pootɔ ki tur doo yiikoo damm.” N yɔnanmɔnii gbaa guu man baae. Bi yeen a, “Li ki gar ti saa fit kparɔ ki nyannɔwa, ki soorɔ ki teenɔ bonbiir.”

Jeremaya 45:3

a piak a, ‘Biak be n paak. Yennu pukin parbiir n daamii niwa. Kukura chɔkime, ki n ki laat foomi.’

Jeremaya 6:25

Ti kan nyi doo kpiŋ, koo ki somm sɔnii ni, kimaan ti datai be nan jatiate, ki ninmɔnn be siar kur po.”

Jeremaya 8:18

N parbiir na kaa gbennu, n par ni yiare.

Toona 20:1

Fuut maŋ nba din ŋmin na poorpoe, ki Pɔɔl ji yiin Yiisaweira na, ki tan chee bi para, ŋaan chabib, ki yaat saan Masedonia yent ni,

Rom Teeb 15:26

kimaan Yiisaweira nba be Masedonia nan Akaya yentnba ni na dukin dudukit, ki yent bi para a bin lakin likirii ki tur Yennu niib nba tee tatimm ki be Jerusalem na.

1 Korint teeb 15:31

N naa waas, n mɔk parbifaant i paak nan yaa be biaŋinba nan ti Yomdaanɔ Yiisa Masia na, linba na paake ki n yeen a n tookit kuun yoo kur na.

1 Korint teeb 16:5

N lor ki n saan Masedonia yent niewa, ki ji baar i boor.

2 Korint teeb 2:13

Ŋaan maa din ki la n naa bik Taitus leŋ na paake ki n ki la pardɔɔnn; li paak ki n chab leŋ teeb, ŋaan gar saan Masedonia.

2 Korint teeb 2:3

Li paake ki n din sɔbi gbouŋ, maa n ki loon ki n baar ki tan la parbiir yimm nba bo saa penn n par na boori. Kimaan n teen yada nan n parpeenn tee i mun yaa parpeenne.

2 Korint teeb 2:9

Linba na paake ki n din sɔbin maa n laan i set saak n mɔb bonsiar kur ni-i.

Galasia teeb 4:11

ki li te ki n mɔk jijeet i paak nan maa tun linba kur turi na biar yanna.

Sennu 32:25

Ki tɔbii saa faa ki kpi niib, doi sɔnjot ni; ki jaŋmaanii saa soor niib, ŋei ni. Naasimm nan sapaamm saa kpo; li sanpantii koo nikpera gbaa kan tenni.

1 Tesalonika teeb 3:5

Li paak, laa daan tan paak n nii yoo nba, ki n tun Timoti, a wun saan ki laan i nyik Masia sɔnu koo Sintaanii bikini, ki ti toona fara kur teen yanne-e?