2 Korint teeb 7:13 - Yennu Gbouŋ Mɔɔr

¹³ Mɔtana ti para maak i paaka. Ti bia mɔk parpeenn bonchiann, kimaan Taitus daan la pardɔɔnn i kur paak, ki li daan turɔ parpeenn, li paake te ki ti mun mɔk parpeenn.

Yennu Gbounpaauŋ Mɔɔr

¹³ Ki ti para maak i powa. Ti bia mɔk parpeenn bonchiann, kimaan Taitus daan la pardɔɔnn i kur po, ki li daan teenɔ parpeenn, li paake te ki ti mun mɔk parpeenn.

2 Korint teeb 7:13 ပူးပေါင်းရင်းမြစ်များ

Rom Teeb 12:15

Nirɔ-i mɔk parpeenn, yii mun-ii mɔk parpeenn nanɔ; ki wunba mɔk parbiir, yii mun-ii mɔk parbiir nanɔ.

Rom Teeb 15:32

Li-i tee ki Yennu loon, n saa baar i boor, ki mɔk parpeenn, ki foi waan.

1 Korint teeb 12:26

Gbananbɔkir yennkɔɔ-i di fara, gbananbɔklia na mun tuu di li farae; gbananbɔkir yennkɔɔ-i la baakir, lia na mun tuu mɔk parpeenne.

1 Korint teeb 16:13

Ii guu man kii be fanu i yada ni, kii mɔk par nan paŋ.

1 Korint teeb 16:18

kimaan bi chee min nan yimm parawa; li paak, ii tur li nibooru baakir.

2 Korint teeb 2:13

Ŋaan maa din ki la n naa bik Taitus leŋ na paake ki n ki la pardɔɔnn; li paak ki n chab leŋ teeb, ŋaan gar saan Masedonia.

2 Korint teeb 2:3

Li paake ki n din sɔbi gbouŋ, maa n ki loon ki n baar ki tan la parbiir yimm nba bo saa penn n par na boori. Kimaan n teen yada nan n parpeenn tee i mun yaa parpeenne.

2 Korint teeb 7:14

N poŋ din paki u boor niwa, ki i ki te ki n dii fei. Taa tun beeri labaar nba kur na, li tee barmɔniie. Nnae mun, taa din piaki Taitus boor ni na, ti din piak mɔniie.

2 Korint teeb 7:15

U tiar yaa daan gaarɔ saauŋ biaŋinba ki baakɔ, ki bia baak waa beti linba ki saakir na. Ŋanne te ki u mantik looni.

2 Korint teeb 7:6

ŋaan Yennu nba maant binba mɔk parbiir para na daan te ki Taitus baar ti boor, ki tan maan ti parawa. U baaru ti boore daan te ki ti para maak.

Filipi teeb 2:28

Li paak, n jekire nan man tumɔ i boor, ki i-i lau yoo nba, yin yaan la parpeenn, ki n mɔŋ parbiir n bot.

2 Timoti 1:16

Ti Yomdaanɔ n tin Onesiforus ŋaateeb ninbaauk, kimaan u daan yɔɔ cheen n par, ki ki tin fei nan maa be dansarik ni na.

Filemonn 1:20

Li paak, n naa bik, sommitin ti Yomdaanɔ paak, ki dɔɔn n par, taa tee weinanleeb Masia ni na paak.

Filemonn 1:7

N naa bik, a lomm maŋ turin parpeenn nan pardɔɔnn bonchiann, kimaan a cheen Yiisa yab kur para.

1 Piita 3:8

Linba biar tee nnae; i kur-ii mɔk dudukyenn man, ki i baka-ii be i leeb ni, kii mɔk lomm nan Masiaweira, kii tiin i leeb ninbaauk, kii sikint i mɔŋ.