2 Korint teeb 6:17 - Yennu Gbouŋ Mɔɔr

¹⁷ Li paak ki Yennu bia yet a, “Bɔkitir i mɔŋ man, ki nyi tingbouŋ na niib sinsuuk ni, ki nyik biit kur tumu, ki n saa gaari.

Yennu Gbounpaauŋ Mɔɔr

¹⁷ Li paak ki ti Yomdaanɔ Yennu bia yet a “Bɔkitir i mɔŋ man, ki nyi tingbouŋ na niib sinsuuk ni man, ki nyik biit kur, ki n sa gaari.

2 Korint teeb 6:17 ပူးပေါင်းရင်းမြစ်များ

Esra 10:11

Tɔn, mɔtana, katir i yanbɔmm ki tur i yeejamm Yomdaanɔ Yennu na, ŋaan tun linba saa maŋɔ. Bɔkitir i mɔŋ ki nyii boorganii nba kɔɔ ti tiŋ na ni, ki bia ber boorganii waas nba ki i kɔɔn na.”

Esra 6:21

Israel teeb nba din nyii Babilonn ki jen na, nan binba kur be tiŋ na ni ki nyik yenbis jiantu ŋaan jiantir Israel teeb Yomdaanɔ Yennu na din taan ki dii maruŋ na jeete.

Barjokit 9:6

Nyikin niib nba ki mi siar na weiu, ki la manfoor. Ii tɔk yanfoon sɔnu.”

Aisaya 52:11

Yimm nba jii jiantu diiuk bona na, ii yabir ki nyi Babilonn. I daa siit linba tee kɔɔr bont; ii teen i mɔŋ kasii, kii nyi.

Jeremaya 15:17

N ki be nan nileeb ki laa, ki n par mei. N sak a mɔbe, ki be n kɔɔ, ki n wutoor doo bi biit paak.

Jeremaya 51:6

Chiat ki nyi Babilonn man. Tinin, ki tinn i manfoor man. I daa te ki bi kpi-i Babilonn teeb biit paaki. N pa bi panne, ki daar bi tuba nan laa jaŋib na.

Nikant 16:21

“Ŋmatir i poorpo ŋaan nyik niib na, ki n boontib yiama.”

Nikant 16:26

Ki Moses yakii nan niib na, ki yet a, “Seetir man nifobiit na lanbont boor. I daa siit bont nba kur tee bi yar, nna-i kaa, i saa kpab namm ki boonta, kimaan bi biit paak.”

Nikant 16:45

“Nyimin niib na sinsuuk ni, ki n boontib yian.” Ki bi banlee gbaan ki bi yugbia tibin tiŋ ni;

Toona 2:40

Li poorpoe ki Piita pak mɔmaan bonchiann ki nyinn siara, ŋaan bia kpaamm a, “Hei! Nyint i mɔŋ man Yennu tubdatu nba baat mɔtana nibiit paak na ni.”

Rom Teeb 15:7

Ii gaan leeb man nan Masia nba gaari biaŋinba na, ki Yennu sann n la paku.

2 Korint teeb 7:1

N naa walonkai, Yennu nba senn mɔsona ki turit na paak, yi ŋaan ki ti nyik linba kur tee toonbiit, nan linba kur tee dudukbiit, ŋaan kii tiin Yennu, kii tee popeendamm nan barmɔnii.

Sennu 14:6

I saa fit ŋman bonkobit nba ki bi taawoka bɔkit, ki bi bia ŋman mɔɔt ki wukitir.

Fiitu 18:4

Ŋanne ki n bia gbat kunkɔsiar nyii Yendɔuŋ ni ki yeen a, “N niib, nyint i mɔŋ u ni man, ki daa lakin tuun toonbiit nanɔ, ki u biit maŋ tubdatu daa taabitini,