2 Korint teeb 4:8 - Yennu Gbouŋ Mɔɔr

⁸ Ti di biak bonchiann yoo kur, ŋaan li kan fit nyanniti; ti tuu kɔŋ sommir sianyoo, ŋaan ti ki kɔŋit dindann;

Yennu Gbounpaauŋ Mɔɔr

⁸ Ti laat fara bonchiann yoo kur, ŋaan li kan fit ki nyannit; ti tuu kɔŋ sommir sianyoo, ŋaan ti ki kɔŋ dindann;

2 Korint teeb 4:8 ပူးပေါင်းရင်းမြစ်များ

Yaŋ 129:2

“Laa nyii n bisin niwa, n datai yɔɔ dian diabiiuko, ŋaan bi ki ban nyannimi.

Yaŋ 37:33

Ŋaan Yennu kan nyikib bi datai nuu ni, koo bii saan namm buut ni, bi kan pak biiribi.

Barjokit 14:26

Ki tin Yennu jaŋmaanii, ŋanne saa tur fin nan a ŋaateeb parmaasir nan yamani binbeŋ.

Barjokit 18:10

Yennu tee nan difoouk nba mɔk paŋ nae, ki tee siaminba ki popeenn damm saa kɔɔ la tinnu.

Aisaya 40:31

ŋaan binba teen bi dindann Yennu ni ki loon sommir na, ŋɔɔ Yennu-e saa ŋamm pant bi paŋ. Bi sii mɔk paŋ nan baakaa nae, ki do sanpaapo. Bi saa tin, ŋaan kan bakii, ki sii somm, ki ki baŋit.

Habakuk 3:17

Daan tiinii na-i lekii kii mɔk lɔɔna, ki kpan tiinii na mun ki yinn puuku, ki tilontlia na mun bia ki loon lɔɔna, ki tiŋ na mun bia ki nan jeeti, pei kur-i lekii kpo, ki naaloor na dɔɔ koont,

Jɔɔnn 14:18

“Mi-i taŋi yaat saan, ŋaan n kan nyiki yann ki sɔɔ ki goriini, kimaan n saa jen i peŋ na.

1 Korint teeb 10:13

Bikinu nba kur baari, li tee linba yɔɔ baat niibe; ŋaan Yennu tee barmɔnii daanɔ ki kan te ki bikinu n baari ki gar i paŋ teriki; ŋaan yoo nba ki bikinu baari, u saa turi paŋ nba ki i saa nyannir ki nyi leŋ.

2 Korint teeb 12:10

Li-i tee Masia paak ki n di butinn, ki laat sukit, ki di biak nan mukisuk, ki laat barii, n mɔk parpeenn, kimaan mi-i taŋi kii mɔk n tiɔŋ paŋ yoo nba, li yooe ki n laat Masia paŋ.

2 Korint teeb 6:12

li ki tee timm kaa ki loonini; yimme ki loonit.

2 Korint teeb 6:4

Ti binbeŋ nba tee biaŋinba nae want niib nan ti set tee Yennu toontunnae, kimaan ti laat biak, nan mukisuk, nan maan, ŋaan lek di sukuru li kur na ni.

2 Korint teeb 7:5

Taa din baar Masedonia ti din ki fit foi. Ti din la mukisuk lokir kur po; niib din kɔn nant Yennu mɔmaan na paak; ki jaŋmaanii din be ti para ni,

Galasia teeb 4:20

N yan ŋmat i paake. Ki n sunman ki n be i boor mɔtana ki lek ŋamm jii binbeŋ nba sɔ nani.

1 Samuel 28:15

Ki Samuel yet Sɔɔl a, “Bee ki a daamiin, ki fiinimi?” Ki Sɔɔl jiin a, “N be parbiir nie. Filistia teeb nyii a bin faan tɔbe, ki Yennu mun nyikima, u ji ki gat teenin ki li nyi u sɔkiniinba masɔkinkar, koo damiit ni. Li paake teen ki n yiina, maa a wannin maa saa teen biaŋinba.”

1 Samuel 30:6

Defid ji din be parbiir nie, kimaan u jab na para din biir nan baa kɔŋ bi bonjai nan bonpoi na, ki bi ji piak nan bin jaat Defid tana. Ki ti Yomdaanɔ Yennu chee Defid par.

1 Samuel 31:4

Ki u yet naasimɔ nba dia u jatiat na a, “Saatir a jukbanjiak ki ŋmuu kpin, ki daa te ki Filistia jab nba ki waa Yennu na dintin biak ki kpimi.” Ŋaan ki jaŋmaanii soor naasimɔ na, ki u ki fit tun nna. Ŋanne Sɔɔl jii u mɔŋ jukbanjiak ki chaan ŋaan baa li paak.