2 Korint teeb 4:1 - Yennu Gbouŋ Mɔɔr

¹ Yennu ninbatinu paake ki u jii toona na ki teen ti nii ni, ki li te ki ti ki mɔk kpinkpangbatuku.

Yennu Gbounpaauŋ Mɔɔr

¹ Yennu ninbatinu paake ki u jii toona na ki teen ti nii ni, li paake te ki ti ki mɔk kpinkpangbatuku.

2 Korint teeb 4:1 ပူးပေါင်းရင်းမြစ်များ

Aisaya 40:30

Binba paan na gbaa baŋit, ki naasimm bakit,

Aisaya 40:31

ŋaan binba teen bi dindann Yennu ni ki loon sommir na, ŋɔɔ Yennu-e saa ŋamm pant bi paŋ. Bi sii mɔk paŋ nan baakaa nae, ki do sanpaapo. Bi saa tin, ŋaan kan bakii, ki sii somm, ki ki baŋit.

Jeremaya 45:3

a piak a, ‘Biak be n paak. Yennu pukin parbiir n daamii niwa. Kukura chɔkime, ki n ki laat foomi.’

Barŋanii nba ki LUK din sɔb nae na 18:1

Li yoo na ki Yiisa yimm barjouk a wun wannib nan li ŋan ki bii mei Yennu yoo kura, ki daa mɔk kpinkpangbatuku, ki betib a

1 Korint teeb 3:5

Ŋmee tee Pɔɔl-i, ki ŋmee mun tee Apolos-i? Ti kpan tee Yennu toontunna nba din te ki i sak Yiisa mɔb nae. Ti kur na tuun toona nba ki ti Yomdaanɔ turit a tii tuume.

1 Korint teeb 7:25

Mɔtana, n ji piak ki teen binba daa ki kɔɔn poob, koo ki daa ki kun jab nae, ŋaan ti Yomdaanɔ ki chabin a n betib nna; ti Yomdaanɔ ninbatinu paake ki n teen barmɔnii daanɔ.

2 Korint teeb 3:12

Taa mɔk dindann nba na paake ki ti mɔk parcheenn.

2 Korint teeb 3:6

Ŋɔɔe din te ki ti jaŋ nan u mɔlorpaann toonn na; ki mɔlorpaann maŋ ki tee Moses sennu nba ki u din sɔb na kaa, li tee Seyeeŋ yare; kimaan sennu maŋ baat nan kuume, ŋaan ki Yennu Seyeeŋ teent manfoor nba kaa gbennu.

2 Korint teeb 4:16

Li paake ki ti ki mɔk kpinkpangbatuku; halii nan ti gbanant nba kpet saa na gbaa, ŋaan Yennu pantir ti seeie daar n tuu daar.

2 Korint teeb 5:18

Linba na kur nyi Yennu boore. Ŋɔɔe ŋammitit Masia paak, a ti ji daa tee u datai, ŋaan kii tee u yɔɔsnbae, ki bia turit u toona a ti te ki niib n mun teen u yɔɔsnba.

Galasia teeb 6:9

Li paak, ti daa bakit nan toonŋana tumu mani, kimaan ti-i kii nyik toonŋana, ti tan saa gaar li nyɔɔt yoo nba jaŋe.

Efesus teeb 3:13

Li paak, n barimie, i daa te ki i para biir nan maa di biak i paak na, kimaan li tee i sommir paake.

Filipi teeb 4:13

Masia nba teenin paŋ na paak, n saa fit kii be binbeŋ kur niwa.

2 Tesalonika teeb 3:13

Ti naa waas, ii mi ki i bak nan toonŋana tumu man.

1 Timoti 1:13

Maa lek din biir u sann ki mukis u niib, ki sukiiɔ na, ŋaan u bia gaarin u ninbatinu niwa, kimaan n din ki mie, ki bia ki teenɔ yada, ki tuun nna.

Hiibru teeb 12:3

Ii lek bikin waa din gaar naŋ biitdamm boor biaŋinba. Li paak, i daa te ki i gbanu baŋit ki i nyikit yabiru.

1 Piita 2:10

Sianyoo i din ki tee Yennu niibi, ŋaan mɔtana i ji tee u niibe; sianyoo u din ki tini ninbaauku, ŋaan mɔtana u tini ninbaauka.

Fiitu 2:3

N mi nan i mɔk sukuru ki dii biak n paak, ŋaan i ki nyikimi.