2 Korint teeb 1:7 - Yennu Gbouŋ Mɔɔr

⁷ Li paak, ti mɔk dindann ki jiin i po nan i saa saan tɔɔnna, kimaan ti mi nan yaa di biak nan taa mun di biaŋinba na, nnae ki i mun bia sii laat parmaann nan taa laat biaŋinba na.

Yennu Gbounpaauŋ Mɔɔr

⁷ Li paak ti mɔk dindann ki jii jiin i po a i sa saan tɔɔnn, kimaan ti mi nan ya di fara kaman nan ta di biaŋinba na, nnee ki i mun bia sii laat parmaann kaman nan ta laat biaŋinba na.

2 Korint teeb 1:7 ပူးပေါင်းရင်းမြစ်များ

Matiu 23:30

ŋaan yeen a ‘Ti-i diŋi bonni be ti yeejamm yoo, ti din bo kan tun baa din tun linba ki kpii Yennu sɔkiniinba na.’

1 Korint teeb 10:13

Bikinu nba kur baari, li tee linba yɔɔ baat niibe; ŋaan Yennu tee barmɔnii daanɔ ki kan te ki bikinu n baari ki gar i paŋ teriki; ŋaan yoo nba ki bikinu baari, u saa turi paŋ nba ki i saa nyannir ki nyi leŋ.

2 Korint teeb 1:14

nan yaa poŋ bann waaminna biaŋinba na, a i tan saa fit kii mɔk yuugontir ti paak, nan taa mun sii mɔk yuugontir i paak, ti Yomdaanɔ Yiisa jenu daar biaŋinba na.

2 Korint teeb 12:20

N yan put i paake nan maa tan saa baar i boor ki kan la ki i be nan maa loon yii be biaŋinba na; ki i mun kan la ki n be nan yaa loon mii be biaŋinba na: n mɔk jijeet nan n saa lai ki i kɔn nan leeb, ki mɔk funfunn nan leeb, ki dont wutoor leeb paak, ki lukitir leeb, ki sukii leeb, ki biir leeb, ki mɔk karinbaanii, ki tee kpirkpir;

2 Korint teeb 7:9

ŋaan n ji mɔk parpeenne. I parbiir maŋ paak kaa te ki n mɔk parpeenni. I parbiir nba te ki i nyik i toonbiit na paake ki n mɔk parpeenn. Yennu-e din te ki i para biir i toonbiit paak, li paake ki li gbouŋ mɔk nyɔɔt turi.

2 Timoti 2:12

Ti-i ŋammit yabii, ti mun tan saa di naan nanɔe; ŋaan ti-i yaa ti ki miu, u mun tan sii yaa u ki miti.

2 Timoti 3:11

nan niib nba mukisin biaŋinba, nan n biakdinu ni. A mi linba kur tumin Antiok, nan Ikonium nan Listra doi ni. A mi maa din la mukisubiit biaŋinba; ŋaan ti Yomdaanɔe nyinnin li kur ni.

Jeems 1:12

Binba nyann bikinu, parpeenn tee bi yare, kimaan Yennu saa turib nyɔɔt nba tee manfoor nba ki u din senn mɔsonn a u saa tur binba loonɔ na.

Fiitu 1:9

Tɔn, min Jɔɔnn nba tee i naa bik, ki taan nani ki di biak nan sukuru Yiisa paak na, maa din lin ki mɔɔntir Yennu maan, nan Yiisa barŋanii na paake, ki bi jiin ki saan nanin Patmos tiŋ nba ki nyun lintir na ni.