2 Korint teeb 1:3 - Yennu Gbouŋ Mɔɔr

³ Ŋaant ki ti tur Yennu nba tee ti Yomdaanɔ Yiisa Masia Baa na niipoouk; ŋɔɔe tinit ninbaauk; u boor nie ki ti parmaann kur nyi.

Yennu Gbounpaauŋ Mɔɔr

³ Ŋaant ki ti tur Yennu nba tee ti Yomdaanɔ Yisa Masia Baa na niipoouk; ŋɔɔe tinit ninbaauk; u boor nie ki ti parmaann kur nyi.

2 Korint teeb 1:3 ပူးပေါင်းရင်းမြစ်များ

Pinpiik 14:20

Ŋɔɔe tee dontir Yennu, wunba jii a datai ki kubin a nuu ni na.” Ki Abram jii bona nba ki u fat u datai boor ni na kur bɔkitu piik ni yenn ki turɔ.

1 Barkperii 29:10

Niib na kur tɔɔnne ki kpanbar Defid din pak Yennu, ki yet a, “Yennu nba tee ti yeeja Jakɔb Yomdaanɔ na, dontir tee a yare mɔkmɔk nan mɔkmɔk.

Nehemaya 9:5

Liifai teeb nae din tuu be bi tɔɔnn, jiantii ni. Ŋamme tee Jesua nan Kadmiel nan Bani nan Hasab-neya nan Serebia nan Hodia nan Sebania nan Petahia. Bi din yet a: “Fiit set ki pak i Yomdaanɔ Yennu. Ii pak dontɔ nan yoo nba kaa gbennu. Ŋaant ki sɔɔ kur n pak u baakir sann na, ŋaan nisaarik dontir lek kan jaŋɔ.”

JOB labaar 1:21

ki yet a, “Bi din marin yanne, n bia tan saa kpo yanne. Yennu-e din turin, ki mɔtana u jii yaat nann na. Yennu sann n la dontir.”

Yaŋ 18:46

Yennu fo; pakin n sommtɔɔ. A mɔɔnt Yennu nba tinnin na yabint nba tee.

Yaŋ 68:35

Yennu baakir yab, ki u be u kasii binbeboor. Ŋɔɔ Israel teeb Yennu teen u niib paŋ nan yiikoo. Pakin Yennu man.

Yaŋ 72:19

Ii dont u baakir sann, nan yoo nba kaa gbennu. Tingbouŋ na kur n gbee nan u baakir. Mamɔmm nan mamɔmm.

Yaŋ 86:15

Ŋaan fin n Yomdaanɔ, fine tee ninbatinu nan lomm Yennu, ki mɔk sukuru nan barmɔnii nan burchint.

Yaŋ 86:5

Yennu, a mɔk nyikinchab, ki ŋan turit, ki a lomm gbee nan wunba kur miara.

Aisaya 66:13

N saa maan i para Jerusalem doo ni, nan binaa nba tuu maant u bik par biaŋinba na.

Daniel 4:34

Bina ŋanlore gare ki min Nebukanesar gokit got sanpaapo, ki n yan jen, ki n ji pak dont yabint Yennu ki turɔ baakir nan dontir a: “Ŋɔɔe tee daanɔ nba be nan yoo nba kaa gbennu. U naan yɔɔ be-e mɔkmɔk nan mɔkmɔk.

Daniel 9:9

A mɔk ninbatinu nan nyikinchab, nan taa lek tun ki biira nawa.

Maika 7:18

Yennu, sɔɔ kaa ki tee nan fin na; a nyik chab a niib nba tinn na yanbɔmma. A ki biat a wutoor ni mɔkmɔk nan mɔkmɔki, ŋaan li mana ki a wantit a lomm nba kaa gbennu.

Jɔɔnn 10:30

Min nan n Baa maŋ tee yomme.”

Jɔɔnn 20:17

Ki Yiisa betɔ a, “Daa somi, kimaan n daa ki doo sanpaapo n Baa boori; ŋaan i saa n naa waas boor, ki saa betib a n saa do sanpaapo, wunba tee n Baa nan i Baa na boora; ŋɔɔe bia tee n Yennu nan i Yennu na.”

2 Korint teeb 11:31

Ti Yomdaanɔ Yiisa Baa Yennu, wunba yen paku nan yoo nba kaa gbennu na, ŋɔɔe mi nan n piak barmɔniie.

2 Korint teeb 7:6

ŋaan Yennu nba maant binba mɔk parbiir para na daan te ki Taitus baar ti boor, ki tan maan ti parawa. U baaru ti boore daan te ki ti para maak.

Efesus teeb 1:17

ki lek mei ti Baa Yennu maŋ, wunba tee paŋ daanɔ, ki bia tee ti Yomdaanɔ Yiisa Masia Yennu, a wun turi Seyeeŋ nba saa turi yan ki fiit Yennu wanni, ki yin ŋamm bannɔ.

Efesus teeb 1:3

Ŋaant ki ti tur Yennu, wunba tee ti Yomdaanɔ Yiisa Masia Baa na niipoouk man, kimaan taa be Yiisa Masia ni na paak ki ŋɔɔ Yennu turit Seyeeŋ piinii kur nba be sanpaapo.

Filipi teeb 2:11

ki sɔɔ kura tan saa yet a ŋɔɔ Yiisa Masia-e tee Yomdaanɔ, ki lin dont ti Baa Yennu sann.

Kolosa teeb 1:3

Yoo nba kur ki ti mei Yennu nba tee ti Yomdaanɔ Yiisa Masia Baa na i paak, ti teenɔ niipoouko,

1 Piita 1:3

Pakin Yennu nba tee ti Yomdaanɔ Yiisa Masia Baa na man, kimaan u tint ninbaauk bonchiann ki turit manfopaann Yiisa Masia kuun fiiru paak. Linba nae te ki ti mɔk dindann nan ti tan sii mɔk manfoor,

2 Jɔɔnn 1:4

N daan mɔk parpeenn bonchiann nan maa la a wasiat, ki bi waa barmɔnii wannu nba ki ti Baa Yennu sennit na.

2 Jɔɔnn 1:9

Daansɔɔ nba ki gaan Yiisa Masia wannu bonŋann ŋaan pukii u mɔŋ yar, Yennu ki be nanɔ, ŋaan wunba saak wannu maŋ ki ki nyikiti, ti Baa Yennu nan u Bija Yiisa Masia be u ni.