2 Barkperii 6:27 - Yennu Gbouŋ Mɔɔr

²⁷ Yennu, faa be yendɔuŋ ni na, a gbiint bi miaru, ki nyik chab a daaba Israel teeb yanbɔmm, ŋaan wannib ki bin tun linba ŋan, ki a te saak n baa tingbouŋ na paak, tingbouŋ nba ki a tur a niib, ki li tee bi faar na.

2 Barkperii 6:27 ပူးပေါင်းရင်းမြစ်များ

2 Barkperii 7:14

ki li te ki n niib na miarin, ki mɔ kɔɔ bi biit paak, ki nyik bi toonbiit nba ki bi tuun na, maa be yendɔuŋ ni na, n saa gbat turib, ki nyik chab bi yanbɔmm, ŋaan ŋamm bi tiŋ ki turib.

Yaŋ 119:33

Yennu, wantin a sennii na paak, ki mii dia a sennii maŋ yoo saaka.

Yaŋ 25:12

Niib nba tiin Yennu, ŋamme saa tumii ki bann u sɔnii nba ki bi saa tɔkin,

Yaŋ 25:8

Kimaan Yennu nba be fanu, ki u toona ŋan na paak, ki u want yanbɔndamm sɔnŋanu nba ki bi saa tɔkin,

Yaŋ 68:9

Yennu, a din te saak baa bonchiann, ki ŋamm pant tiŋ nba bo saat na.

Yaŋ 94:12

Yennu, parpeenn be daanɔ nba ki a tumiiɔ na paak, wunba ki a wantɔ a sennu na.

Aisaya 30:21

Yi-i bot ki saan diitu po koo gaŋ po, i saa gbat u kunkɔr i poor po, ki li yeen a, “Sɔnue na. Ii waar.”

Jeremaya 14:22

Tingbana na sɔɔ kaa ki saa fit tur saaki. Sanpaak mɔŋ kan fit te saak n baa. Ti teen ti dindann fin ti Yomdaanɔ Yennu nie, kimaan fine tuun linba na kura.

Jeremaya 42:3

Miat nan ti Yomdaanɔ Yennu n wannit taa sii tɔkii biaŋinba, nan taa sii tuun linba.”

Jeremaya 5:24

Bi ki yeen bi mɔŋ a, ‘Ŋaant ki tii tiin ti Yomdaanɔ Yennu, wunba teen naalɔuŋ, nan sakosaak li saka yoo, ki teent jaauŋ saama na.’

Jeremaya 6:16

Ki Yennu yet u niib a, “Setir sɔnpaata ni man kii gorii. Ii boi sɔnkperii po ki la sɔnchinchibir nba be sian. Tɔkint sɔnu maŋ man, ki i saa la parmaasir.” Ŋaan ki bi jiin a, “Aaii, ti kan tɔkini.”

Esekiel 34:26

“N saa teen piisin bi paak, ki te bii kɔɔ ki lint n kasii kunkonn na. Leŋe ki n saa teen piisin bi paak, kii teemm saak yoo nba ki bi loon.

Joel 2:12

Ki Yennu yet a, “Mɔtana gbaa, lebitir i binbeŋ nan barmɔnii, ki baar n boor, ki lor mɔi ki bui fabin.

Joel 2:13

Ii ŋaan ki i parbiir n wann i lebitu, i liant patu kuukɔɔ kan jaŋi.” Jenin man i Yomdaanɔ Yennu boor. U mɔk burchint ki gbee nan ninbatinu; u mɔk sukuru ki dia u mɔsona, ki teen siir nan wun nyikchab yoo kur, ki kan dat i tuba.

Joel 2:23

“Sayɔnn teeb, ii mɔk parpeenn man; ii kpamm man linba ki i Yomdaanɔ Yennu tun ki turi na paak. U te kpafusaak baa ki li jaŋiti, ki te saak baa sabouŋ, ki bia baa sakoouk nan waa tuu baa biaŋinba na.

Maika 4:2

Niib maŋ tan sii yeen a, “Ŋaant ki tin do Yennu kunkonn na paak, ki saan Israel teeb Yenjiantu ŋasaakak na ni. Ki u saa wannit waa loon ki tin tun linba; ki ti saa somm sɔnii nba ki u gann na ni. Kimaan Yennu wannu na nyii Jerusalem-e, ki u be Sayɔnn ki piak teen u niib.”

Sekaria 10:1

Boin Yennu kpafuur yoo ki wun tur saak. Ŋɔɔe tee wunba teen sayuŋ nan saak, ki te bonbuburit ŋan ki tur sɔɔ kur.

Jɔɔnn 6:45

Yennu sɔkiniinba din sɔb Yennu gbouŋ ni a ‘Yennu saa wann sɔɔ kur.’ Sɔɔ kur nba gbiintir n Baa Yennu ki bia gaan u maan, ŋɔɔe saa baar n boor ki kpant n yɔɔ.