2 Barkperii 6:21 - Yennu Gbouŋ Mɔɔr

²¹ A gbat n miaru, nan a niib Israel teeb miaru, yoo nba ki bi set tor ŋasaakak na po, ki miara; faa be a ŋaak ni, Yendɔuŋ ni na, a gbat ti miaru ki nyik chab ti biit.

2 Barkperii 6:21 ပူးပေါင်းရင်းမြစ်များ

2 Barkperii 30:27

Ki mannteeb nan Liifai teeb na set ki miar Yennu piisin po niib na paak, ki bi miaru na baar u boor Yendɔuŋ ni, ki ŋɔɔ Yennu gaarib.

2 Barkperii 6:22

“Li-i tee ki bi yet a nirɔ tun ki biir u lɔɔ, ki bi baar nanɔ, a maruŋ binbintir boor ŋasaakak na ni, a wun por mɔb nan u ki biir siar,

2 Barkperii 6:39

a gbiint bi miaru. Faa be a ŋaak ni yendɔuŋ ni na, a gbat bi miaru kii mɔk ninbatinu bi paak, ki nyik chab a niib na bi yanbɔmm kur.

Yaŋ 123:1

Yennu, n gorii fine, n goriia yendɔuŋ ni, siaminba ki a naangbouŋ be na.

Banntɔɔ 5:2

A tuu dukina, ki fit pak maan, ŋaan daa sat mɔb yian ki teen Yennu. Yennu be sanpaapoe, ŋaan ki fin be tingbouŋ na paak, li paak, a daa piak ki li gaar faa bo saa pak biaŋinba.

Aisaya 18:4

Yennu pakin a, “N sii be yendɔuŋ ni, ki got sikin soon nna tingbouŋ na paak, nan marin nba tuu baa waruk daar soon nna, jejaan-yoo na, koo nan yonnu nba tuu nyi biaŋinba yonsuuk ni na.

Aisaya 43:25

Ŋaan mine bia tee Yennu nba nyikin i biit ki chabiti; n tuun linba na, kimaan maa tee wunba na paake. N kan biiri, i biit paaki.

Aisaya 44:22

N wuur i biit ki li yaat nan sanpagbouŋ nba tuu gar biaŋinba nae. Jennin n boor man; mine tee wunba tinti.”

Aisaya 57:15

“Mine tee Yenjaann, ki bia tee kasii, ki yɔɔ be. N be sanpaapoe, siaminba tee kasii, ŋaan n bia be nan niib nba sikint bi mɔŋ ki nyik bi biit, a man maan bi para ki turib dindann.

Daniel 9:19

Yennu, gbiintir. Yennu, nyikin chabit. Yennu, ii gbiin, ki tun siar. A daa taantir, ki lin te sɔɔ kur n bann nan fine tee Yennu. Doo na nan niib na tee a yabe.”

Maika 7:18

Yennu, sɔɔ kaa ki tee nan fin na; a nyik chab a niib nba tinn na yanbɔmma. A ki biat a wutoor ni mɔkmɔk nan mɔkmɔki, ŋaan li mana ki a wantit a lomm nba kaa gbennu.

Matiu 6:12

Nyikin chab ti toonbiit nan taa mun nyikit ki chabit binba tuumit biit biaŋinba na.

Matiu 6:9

Yaa sii mei Yennu biaŋinbae na: ‘Ti Baa Yennu nba be sanpaapo, ŋaant ki a sann n la baakir;